早排朋友係檸檬樹上發現左幾條玉帶鳳蝶, 結果移居左去我家的那 2 棵樹上, 令我家露台成為臨時育蟲室, 亦因此我得到觀察蟲蟲化蛹、再到羽化成蝶整個過程的機會 !
係蟲蟲移居期間, 其中一隻蟲蟲已經 ready 化蛹, 因此佢錯過左黏好在樹幹上的機會, 有位生態朋友睇完網上教學, 將呢個蛹用木筷子及膠布扶正好, 以便蝴蝶可以順利羽化, 結果蝴蝶成功出世了 !!
根據資料, 玉帶鳳蝶呢個花紋, 應該係仔黎架 !!
呢隻係第二隻, 我睇住佢由蟲蟲脫皮變成蛹的過程, 仲錄下了整個過程添呀 !
當蟲蟲成蛹後, 會以同一狀態穩定幾好日的 … …
直到數日後, 就會留意到蟲蛹慢慢漸變成黑色, 那就是蟲蟲準備羽毛的日子了 ~~
當正面去望個蟲蛹, 竟然成隻 Batman 咁架喎 !
唔講唔知, 原來佢地破蛹而出之時，係會飄出一陣檸檬葉清香架喎 !
本來我一直都覺得先結蛹嗰隻蛹會先出世，就成晚都 focus 係嗰隻身上，點知期間不知何處突然飄來一陣香味，眼角望到一舊黑色物體在樹葉間移動，才發現呢隻蝴蝶竟然搶閘出左世喎，就咁樣殺了我一個措手不及, 影唔切呀喂 !
呢隻個花紋, 應該係女仔黎的 … …
出左世的蝴蝶會係附近枝葉上吊掛著好一陣子, 讓原本皺成一團的羽翼慢慢充血、展開 再 變硬, 都差不多要個幾鐘左右, 呢隻蝴蝶先可以開始飛舞, 而初期也只可以飛上很短路程, 因此出世唔耐的牠們總會賴在露台上, 直到有足夠氣力 / 飛行能力才離開 !
呢隻係第三隻啦, 同一晚有 2 隻蝴蝶出世呀 !
呢隻我有留意個蛹的變化過程, 真係睇住個蛹慢慢變乾再變薄, 而入邊的蝴蝶間唔大也會在移動的 !
玉帶鳳蝶的羽化過程現正上演中 !!
第三隻, 係仔仔黎架 !
完成左呢 3 隻蟲蟲變蝴蝶的觀察, 朋友竟然係佢棵樹上再發現左 10 條, 有冇可以多到咁樣呀 !!??
結果都唔洗懷疑了, 全數又搬到我家檸檬樹上來了 ~~
大開眼界。