上個月我地仲玩左呢個比賽 – 2021 COMPRESSPORT Virtual Trail, 呢個比賽好地地有 11k 同 22k 俾大家選擇, 唔知做乜我地會選左報 22k, 仲要玩完一轉 11k 都知甘甘地, 一程就爬升左 1053m, 而我之後仲拼死去玩多次來回 22k, 有時不得不承認我真係有點自虐傾向的 … …
3 月頭係第一轉玩, 賽在煙雨迷濛間 …
呢個比賽非常簡單直接, 先就由鰂魚涌登上小馬山 (424m), 再登渣甸山 (433m) !
接著登上紫蘿蘭山 (436m), 賽到黎到呢個位, 都未算係太辛苦住 …
孖崗山 (386m) 雖然唔係好高, 但行起黎真係幾甘, 過左紫崗橋一嘢就上 900 幾級樓梯, 真係氣都喘埋 …
上到 958 呢級先係第一個休息點, 之後就係上上落落間直到上埋第二個山頭 ….
望住山下那個赤柱半島, 我地衝番 900 幾級落山, 直接完賽 !!
明明要玩齊來回, 我地呢次 11k 就收工了, 齊齊去赤柱搵嘢食 !
經過呢個全港最古老的郵局, 仲保存左最正的自助郵票售賣機 及 GR 郵筒 !
兩星期後, 喺高逹 30 度熱爆氣溫的一天, 捉左個朋友陪我重賽 !
咁鬼熱, 齋上小馬山都有點爆汗了 ~~
過左渣甸山後, 我地冇喺陽明山莊補給, 去到紫蘿蘭山就知今回出事了 …
冇理咁多繼續前行, 上完孖崗就衝埋落赤柱峽道, 用左 3 個鐘又 35 分鐘完成呢 11k !
小休片刻, 再次踏上孖崗, 開始唔夠水的我好快就開始抽筋了 …
當時正值正午12 點, 在烈日之下，我回程再次由 #赤柱峽道 再登番上孖崗山，去到大約 500 級左右，我左右兩條大腿就已經開始抽筋，痛到企左係度兩腿僵硬，當好不容易鬆一點，我就迫佢繼續前行，結果餘下行程，我那兩條大腿的抽筋位置，尤如車輪轉咁度度都抽下筋咁，著實有點苦 ……
禍不單行，當我仲上緊紫羅蘭山之時，水袋已經清空了，幸好死捱難捱穿過紫蘿蘭, 終於去到有得補給的陽明山莊啦 !
一口氣飲左支檸茶, 食左隻蕉, 再飲埋水, 我地就去攻埋個渣甸山 !
真係好鬼熱呀, 全程都係爆晒中, 但都要捱埋個小馬山 …
回到康柏郊遊徑, 最尾 2 公里死命跑埋落山，明明真係 5 點前完成到個比賽，但由於按錶之時係 0855 起步，所以還是未能於 8 小時內完成，成績就係08:05:00 啦 !
最後我都總算順順利利咁都完成左個比賽 !
