早兩個星期又過了一個連潛 weekend, 日潛先客串幫手做下 Reef Check, 夜潛就要搵嘢黎影下相, 今回好在冇加樽, Day 1 全日玩住 4 支 先 !
第一潛係牛尾, 今回 Reef Check 的地點, 水溫熱到爆的 29 度, 著左打底落左水都真係要鬆開拉鍊, 呢度主打做嘢, 最深只到 6.1m, 但真係冇乜嘢好睇, 因此狀態不足的我只玩了 48 mins 就收工 ~~
第一潛冇咩好睇, 好在我地的午餐有超正根根牌足料回魂海鮮湯, 呢煲湯真係正到爆呀 ~
第二潛, 牛尾都濁水, 我地改去牛頭好了 …
跳入水中, 意料之外的冇咁濁水, 水溫略為涼番少少的 27 度, 最深去到 10.7m, 由於都見到有好嘢影下, 玩下玩下都玩左 58 mins 架 !
逃走中的小墨 !
第一條黑點土鯆在此 !!
第二條黑點土鯆直頭伏係石上任影, 唔講望落成條道具咁 ~~
今回仲有一孖餃子添 ~~
仲有佢地呀 ~~
回程於日落黃昏間 … … 靚呢 ~
夜晚再次轉道由黃石出艇, 齊齊夜潛去 ~~
夜潛第一潛 : 赤洲 !
呢潛最深只到 7m, 但可以玩足 60 mins, 入夜水溫依然暖, keep 住有 29 度 ~
今回都真係好物沙中尋 !!
唔太怕人的魷魚仔 ~
搵下搵下竟然有海馬, 仲係冇 tag 添架喎 … …
佢應該係針魚, 成日係我地附近游走, 但一要影佢就閃走囉 …
夜潛第二潛, 係試過落到 11.3m, 但其實主力玩 8m, 玩左足足 67 mins !
我認唔到佢係咩黎呀, 但佢個頭都幾靚丫 ~
點解條左口魚個樣咁嬲嬲豬架 !?
受了傷瀕死的小鰻 !
好嘢, 呢晚仲有佢 – 燕魟 !
是日四潛完成, 仲有餐遲來的晚飯, 都好鬼豐富架喎 ~~
食飽回航, 打算立即沖個涼就瞓覺, 因為仲有個 Day 2, 第二日又係一早就入西貢的 !!
下回再講解 ~~~
