講左好耐, 真係要追番下舊年的本地遊記, 那就由橫瀾島開始吧 !
舊年有幸跟到旅行團一訪橫瀾島, 睇左好多文章都提到橫瀾島之尾島屬禁區, 不可乘船登島, 因此南島上的舊建築物及燈塔, 就只能用其他工具黎拍攝了, 而橫瀾頭就較多奇山怪石, 可以利用水路登上島上岸邊岩石, 再細訪北島 !
由西貢出發, 直航至橫瀾島, 一眼見齊南北兩島 !
橫瀾北島之海蝕洞, 被改了個古怪名字 : 豬吻狗 !
那邊是豬, 那邊又是狗, 請自行判斷吧 ~
橫瀾尾島上的建築群, 既然人登不了島, 自有其他方法去拍島上風景 !
島上呢個好靚的燈塔, 建於二戰之前, 自始一直都有人在看守著, 直到 1989 年燈塔操作自動化後, 島上的工作人員才撤走, 令橫瀾島正式變成無人島 …
旅行團有包餐, 都幾豐富架喎, 連海鮮 & 蟹粥都有架喎 !
橫瀾北島的岩石群勁靚 !
此處被名為天池, 岩石群中有個缺口, 期間不斷有海浪將海水衝入池中, 好適合夏天在此泡海水浴, 不過此島未免有點太遙遠了 …
小山丘上的鼠王石, 都真係幾得意架喎 ~
近距離望豬吻狗海蝕洞 …
由橫瀾頭回望島尾 …
另一個角度的天池 … 海水入水位 … 冰冰涼涼勁舒服 !
回航中 … … 橫瀾島確實係一個令人好有感覺的小島 !
回程之時, 船家帶我地去埋螺洲, 打算再探埋島上石獅, 可惜最後風浪太大, 未能成功靠岸, 我地就只留在船上遠眺一下, 但望望下呢舊石, 點解咁似一隻草泥馬頭呢 ?!
回程之第二景點 : 東龍島的 white cliff ~
第三個景點 : 綠旦島 & 日落下之耶蘇光 …
