連續兩日出潛, 可見證天氣一夜間轉變之快, 前一日一尺石還是風平浪靜, 隔一日我地喺快艇闖著 4 至 5 級風浪, 未落水已先濕晒咁衝出去桑樹排 !
到達潛點係一件事, 落到落唔到係另一件事, 都要睇下運數與體力, 遇上呢個水面大流, 我都真係差點船頭都去唔到呀 !
第一潛由於花左唔少時間喺水中回氣, 呢一潛只可以玩到 43mins, 最深落到 15.9m, 水溫唔係特別凍的 24 度 !
呢期不再只係果洲見到海蘋果 !
非常 Colourful 的花林, 水下能見度不錯, 而且冇乜流, 真係人都定番晒 !!
好似好耐冇見到呢兩款膠膠地的兔兔 … …
令人開心的海底世界 !
經歷完上晝呢個咁刺激的 Dive, 我地退回東龍島休息, 第二潛去番 牙鷹排 的 海中花林 ~
呢一潛落到去 14.6m, 水質濁濁地都可以玩足 60 mins !
我同 Buddy 都覺得我地未真正走入到花林, 但周邊都已經幾多嘢睇 & 影了 !
又係呢款兔, 總覺今年對眼似乎未開咁 …. 仲未可以見到迷你型的 !
怕怕羞羞咁, 幾得意架佢 !
色彩奪目下的小型花林 , 當中可以找到小型魚毛仔 !
仲有佢囉, 又係佢囉, 小白兔 !
潛到尾水, 都仲可以有嘢影喎 !
回程, 順利回航 !
其實偶爾間遇上的風浪與驚險, 反而更提醒自己, 下次如何去處理得更好 !
今回又上了一課 !
