六月時份, 因為一個演唱會, 我同朋友們又再次去到台北了 ~
疫情後往台北的夜機選擇不多, 這次為左慳點錢, 飛 2240 機的結果, 就係差唔多 0300 先可以去到酒店 Check in 啦 ~
Day 1 我地去左一個比較特別的景點 : 基隆嶼, 呢個留待下一篇遊記再詳細介紹 !
晚上回到台北, 仲剛好趕得切去新光三越南西店, 睇下 Mr Donothing 個 Pop Up Store ~
其實呢個人物的人生哲學 : 「甚麼都不做」(Doing nothing) , 係好值得的參考架 ~~
望多兩望, 都係忍唔住買左幾件精品番屋企 ~
同場加映, 隔離館的主角 : Miffy !
展覽的係由唔同設計師 cross-over 出來的另類 Miffy ~
最鍾意的一隻 : Nudi Miffy !
偶遇到的厭世兔兔 : Bruce !
佢的 Monday Blues 真係演譯得好傳神架 ~
夜麻麻相約朋友見面, 可以考慮呢間不限時深夜 Cafe : 町咖啡 Block & Cafe, 係可以坐到零晨 3 時架 ~
咖啡就唔算好突出, 但完全合格的, 最重要係會見到貓店長在休息 !
町咖啡 Block & Cafe
地址： 103013台北市大同區太原路50號2樓
Day 2 得到天氣不錯的早上, 我們去左 朱昌公園 附近食早餐 !
呢間 湯包洪 外表不起眼, 不設堂食, 卻要預訂才可以吃得到 !
想預訂湯包倒也不難, 只需前 1 – 2 天先到其 IG 留言 , 取貨當日根據預訂時間去取湯包就可 ~
珼場食熱辣辣, 而且粒粒湯汁飽滿, 好食而且抵食 ~ 最近見佢 IG 越出越多口味, 講下講下, 我又想去食了 !
湯包洪 (Tang Bao Hung)
台灣台北市中山區合江街18號
食完湯包洪唔好急住走, 仲胃口就慢慢行過去 五湖豆漿 食多個早餐吧 !
呢度的咸豆漿非常不錯, 最重要油條夠新鮮, 燒餅也是現造, 夾蛋 或 夾油條皆可, 過開嚟呢區好值得一試 ~
五湖豆漿
臺灣台北市中山區興安街73號
呢區仲有唔少水果店, 到訪時剛好為芒果大盛之時, 單單買芒果都可以買到 3 – 4 款 !
朋友介紹下, 去了一個台北較新的景區 : 榕錦時光生活園區 ~
呢區確實係有幾座好靚的日式建築群, 而且翻新後都真係好適合遊人打卡, 可惜呢組建築群內的食店真不怎麼樣一, 唔係食品冇乜特色, 就係坐得並不舒服, 結果我地匆匆一遊後就離開了 !
我們無意中卻找到了 韓記老虎麵食館, 這裡的麻辣燙真的非常不錯, 小炒及小菜款式都多, 而且都好食 , 唔錯 !
韓記老虎麵食館
台北市大安區市民大道四段56號
食完正餐, 剛好就落起大雨來, 咁就唯有去 Muko Brunch 飲杯野打發下時間 ~
可惜, 結果雨越下越大 …
Muko Brunch
台北市大安區金華街183巷8號
是日最後行程, 本旅程的重點餐廳, 恨左成個疫倩後才吃到的 – 大腕燒肉專門店 !
經過一個疫情之後, 連店都搬左去新地方, 店面大咗又靚咗 ~
提提大家, 想食記得要預約喎 !
大腕燒肉專門店
台北市中山區敬業二路199號5樓
前菜 & 沙律, 值得點上一件用來平衡一下油膩感 ~
每一道燒肉都由專人負責, 現點現炭烤, 呢道幻切牛舌只係我的第二最愛 !
烤和牛牛小排, 生熟度剛好 ~
呢隻烤大蝦都好好食, 肉質彈牙, 非常鮮甜 ~
如果要數大腕的 Best Dish, 呢一道日本和牛 Shabu 是不二之選 !
薄身和牛浸汁輕烤, 剛熟沾蛋汁, 再包著飯團, 一口將成份吃掉, 美味無窮 !
太鍾意之下, 我地全體 encore 了多一份 !
完場的是加點的牛板腱, 反而用這個結尾就不夠完美了 ~
甜品是附送的, 細細樽都幾好味, 剛好用黎作呢一餐的小句號 …
滿足的一餐哦 ~~~
(寫緊呢段之時, 真係一邊寫一邊吞口水呀, 好想再去食多次呀 !)
最後, 去咗附近商場行下, 幫助一下消化後才回酒店 !
