Day 2 的早上, 朋友來接我們前往基隆, 準備到訪一個幾特別的景點 : 基隆嶼 !
登島的半天遊下午才出發, 提早到達八斗子漁港的我們, 就先過去小村那邊逛逛, 順道找到了忘憂居這小店稍息一下 ~
小店本為一橦兩層高的古厝, 但經多個手繪的可愛浮泡點綴後, 改建成如今的紅磚咖啡屋, 在六月極度炎熱的的天氣下, 這裡確實是我們避暑的好地方. 坐在有冷氣的室內雅座, 吃著台式香腸作小食, 喝著不錯的現打鳳梨汁, 令體感氣溫度立即下降左幾度 !
回到碧砂漁港, 尚有時間的我們又找到好吃的, 現炸甜不辣 及 花枝丸 ~
出發前, 等我簡單介紹下基隆嶼, 大家才會明白呢個地方有幾獨特 !
基隆嶼屬火山島嶼, 離基隆港大約 4 km, 過去因為軍事管制而未對外開放, 直到 2001 才正式開放給遊客們登島觀光, 可惜到 2014 經歷了颱風的洗禮, 所造成的破壞直到 2019 才復修完成, 再次開放給公眾作登島遊 …
基隆嶼不是全年都放開 (2023 年為 4 月 1 日 至 10 月 31 日), 而登島人數每日都有限量管制, 遊人們要先到線上觀光預約平台跟船家作預約, 船家再送至當地政府經審核, 若超出當日名額就無法登島了 !
今回我們一行 4 人就跟了晋龍號出發了, 參加了四合一的 4 小時團 : 登島、繞島 及 睇埋象鼻岩 的行程 ~ 呢個旅程的第一部份, 就係先開船繞島一周了 ; 必須說呢度的水真係靚, 唔怪得呢度除左係潛水熱點外, 仲係當地人磯釣的好地方 !!
第二部份就是跟隨工作人員登島, 邊聽講解邊欣賞島上風景 ! 小島遊的一個重要小提醒, 記得帶上足夠水份 / 飲料, 其實船上工作人員也有提供食水, 記得唔好怕麻煩而唔帶, 否則島上係冇額外的水源供應, 而且全程都冇瓦遮頭架 !!
島上的漂流木鯨魚尾, 這是走過手鑿隧道前的一個打卡位 !
基隆嶼上為數不多的門牌 …
基隆嶼登島路線的唯一分支 : 往燈塔的登山路線 又或 海濱步道 !
我地為了避開人群, 選左先登山上燈塔, 而呢條登山路線風景靚到不得了, 得到盡是全海景景觀 !!
基隆嶼的最高點就在這裡, 海拔 182m 的觀景平台, 剛好可以望到顏色出眾的基隆島燈塔 ~
基隆島燈塔建於特別的 1980 年, 有著黑白相間的垂直條紋, 塔高 12.3m, 覺得係一座很有型的燈塔 ~
參觀過基隆島燈塔後, 我們按照原路慢慢下山, 順道拍一不少風景壯麗的打卡照 !
下山回到海濱步道, 我們沿海岸線而行, 遠眺小基隆嶼 ~~
登島行程完成, 我地上番船就離開基隆嶼, 向深澳岬角的象鼻岩景觀區駛去 …
象鼻岩景觀區於數年前曾到訪過, 當時身在象鼻岩上自然看不清, 今回隔岸細看, 果然真係見到隻象鼻呀下 ~
2019 年的遊記, 可以參考這裡 : https://traveling-fish.tixmart.org/2020/01/28/taiwan-2019-10/
回到正濱漁港, 找來最適合炎熱天氣吃的雪花冰 及 剉冰 !
這小店少剛開業不久, 一店有齊兩款冰 : 芒果雪花冰 & 紅豆仙草剉冰, 加上小店之景觀滿分, 我地果然冇入錯店呀 !
來到正濱漁港, 又怎可不到彩色街屋前番幾張打卡相丫 !
非常喜歡去台灣食雞, 好似白斬雞、瓦缸雞都係我愛吃的, 今回順路來到 :古早風味甕仔雞 !
除左雞, 還愛吃台灣的小菜熱炒, 今回點了 涼拌竹筍、清炒水蓮、三杯小卷 & 必要的甕仔雞 ~
甕仔雞果然名不虛傳, 熱辣辣上枱還得用手撕開, 每撕一下都係咁嫩滑而多汁, 食落真係超級美味呀 ~~
古早風味甕仔雞 – 麥金店
基隆市安樂區麥金路11巷1號
