繼星期三到 Oxford, 呢 2 日我又要出走到 Hastings, 星期五有 interview, 不過真係唔遠唔去架喎 ! Hastings 係邊 ?! 佢位於 London 東南邊, 大約 1 個小時車程, 係一個位於海邊的 Town ! 呢一區, 除了某一年大學時期, 坐 overnight coach 去 Dover 之外, 我真係冇乜踏足過, 都幾山卡啦架 !
如果由我家開車落去, 咁就要大約 3.5 hrs 啦 !! 真係開到落去都攰到傻左啦, 仲點去 interview 呀 !? 所以我就問醫院方面可唔可以安排到俾我過一晚夜, 而佢地又真係搞到喎, 所以星期四的下晝我就到左 Hasting 啦 ! 既然早到一日, 冇理由浪費呢個旅遊機會架喎, 加上天氣奇好, 唔去海邊都真對唔住自己呀 !
我先到醫院搞掂我的住宿問題, 好好彩咁係 carpark 預到個 friendly 管理員指引我去 Accommodaton Office, 仲幫我睇住車而又唔洗俾泊車費, 跟住用 11 號巴士係醫院跑來跑去地搵 office manager 取 key, 咁o岩今日天氣好熱, 真係搞到身水身汗架 !
搞掂晒就開車落去 Town Centre, 係 Shopping Centre 個停車場泊好, 唔好問點解我唔泊海邊, 好明顯係亂入路口, 入錯左 Carpark 入口, 唔泊呢度唔得 ! 算, 因禍得褔, 竟然呢日有 Free Parking !
好典型的英國海邊 Town, 長長的石灘 + 必有的木搭長碼頭, 但 Hasting 多左一 Part, 係佢的 Old Town & The Slade. Old Town 有好多保留下來的舊 Net house, 間間又高又窄, 2 – 3 層高, 主要以前係用黎放雜物乾貨的 (Hasting 以前係漁村黎的), The Slade 係一片大石灘, 好多 working boat 休魚期時都放置係呢度, 所以除左船, 仲有好多雜物 如 魚網, 魚籠 ….
Hasting 仲有一個 Landmark, 就係古董 Cable car (佢地話係 Lift), 不過呢日冇開呀, 佢真係好老架啦 ! 最後我買左一個溶得勁快, 令我食得勁狼狽的軟雪糕, 慢慢沿海邊行番入 Town Centre, 再到番o個個有好大個天幕的 Shopping Centre 取車, 講到尾, 都係 Old Town 吸引 d 呀 !
離開之前, 諗唔到晚餐食乜好, 所以去 M&S 買左幾樣不錯的食品, 打算回宿舍休息啦 ! 雖然第二日要 interview, 但我依然當自己去渡假咁, 仲好悠閒咁睇晒一本散文先訓覺 ….. Ha !?
