離開 Makarska 之後, 又係一輪長車程, 我地仲要好不幸地遇上 detour, 原本沿海邊去只需 15 mins 的車程, 足足走了 1.5 hrs 有多, 仲要係走在狹窄多彎的山路, 沿途經過唔少村落, 駛過時非常貼近民居的. 由於呢條路線係南下的必經之路, 有好多大車, 旅遊巴行駛, 有 d 位相遇之時, 係要停埋一邊 or 鏟上路邊相讓才可以通過, 去程時都尚算順利, 但我地回程時就遇上 2 架大車o岩o岩係窄位相遇, 唔知係互不相讓定係大家後面俾車頂死, 結果我地足足被塞死左半個小時, 加上言語不通, 唔係咁o岩遇到個講英文的司機, 都未必會知發生左咩事, 結果係等到警察到場調停, 先可以開始行車 ….
雖然我地可以繼續旅程, 但仲未可以鬆一口氣住喎, 因為仲有一個難關未過 ! 事緣我地南下到 Dubrovnik 的路段, 中間係要入 Bosina 國境的, 而特區護照入境係需要有簽證架, 但我老表竟然唔事先羅定簽證喎, 佢搏人地唔會 check 
!! 即係話如果我地過關閘俾人 check 車, 佢分分鐘要帶留 Croatia, 呵呵, 咁我就 Bye Bye 自己開車南下先啦, 佢慢慢諗辦法囉 …
不過最後我地都順利過境, 人蛇亦安然自出自入 Bosina 邊境啦, 可能見係 rental car, 邊境人員連停都冇停就招手叫我地走啦 ~ 大家要留意喎, Croatia 同 Bosina 的駕駛手則係有少少差別, 所以要留意路牌啦, or 可以你地可以睇相的 ~
可以繼續南下的我地, 由於 detour過長已經 miss 左 lunch, 兼且已經開左好長車, 是時候搵地方醫肚同抖抖啦 ! 睇旅遊書提到有一個小 town – Mali Ston, 出名係生蠔同貝類的養殖地, 連本地人都會特地開車去食海鮮的, 咁即係我地絕對唔可以錯過啦, 咁就一於開車去試下 ~
Mali Ston 真係一個小漁村, 只有 3 間向海的餐廳, 剛泊低車就見到小碼頭處, 剛有漁民由海中打撈左一堆貝類上船, 佢俾我影左張相後, 就擺好架生準備清洗貝類啦, 而我地就入村搵食, 最後 3 揀中, 選左呢間叫 BOTA 的餐廳.
剛剛於一張露天餐桌坐下不久, 侍應已經送上 Menu 同飲品, 望住 Menu 好一陣子, 係有好多海鮮, 但英文講解不多, 真係有點不知從何入手, 唯有向一個貌似部長的男侍應請教啦. 最後慢慢嘆, 唔介意等的我地 (其實主要係我 !), 決定食一道菜時叫下一道, 終於我地嚐左以下菜式 : 前菜自動會上的 Fish Pate, 本地生蠔半打, 炸生蠔半打, Mixed Mussels in Dalmatian style 同 部長推介的 Black Risotto.
呢度的海鮮真係煮得相當唔錯, 令我地讚不絕口, 而且期間享著陽光同微微的海風, 呢 d 先係去旅行嘛 !! 先黎的前菜 Fish Pate 有點似吞拿魚醬, 夾面包食一流 (老表憑呢份小小的 Pate, 竟然一口氣吃掉 5 大塊面包呀 !). 生蠔好新鮮但味較濃 (呢個係相比我係南澳食開的生蠔 ~), 炸生蠔則炸得剛剛好, 入面仲好嫩滑, 唔會乾爭爭的. 到 Mix Mussels 就有幾種貝類, 外型同質感都唔同, 但統統都好鮮甜 !! 最後的重頭戲, 部長推介的 Black Risotto, 即係用新鮮墨魚汁煮的意大利飯, 配上尤魚同 mixed mussels, 又香又好味, 簡直食唔停得口呀 ~
最後食得非常滿足的我地, 都仲要坐多陣, 直到認為不得不再開車南下入城, 我地才悠悠閒閒地結脹離開.
