上了小船, 開始了這個 4 小時的 tour. 第一站我地先到位於湖中的一個小島 – Visovac. 呢度我地會停 1 hr, 跟著 local guide 去參觀 ~
島上環境寧靜而優美, 種有大量綠化植物, 小島上有一個間 14th century 時建成的 Monastery & church, 可算當時動蕩時代的避難所, 但到 16th century 時仍難逃一刼, 被大火破壞燒毀, 係後來重建兼擴建先變到今日的模樣. 建築物從外貌黎睇似係有錢人渡假的大屋, 多過係 monastery, 不過時至今日, 呢度仲係修士所住之處. 隨著工作人員進入 museum 同 church, 地方小小, 展品亦唔算多, 但卻相當有歷史價值. 不過教堂同館內都係唔可以影相的, 眼看過就算啦 ~ 參觀完 Monastry, 我地就圍著小島走了一圈, 影下 monastry 的外觀, 又差唔多要離開啦 …..
再坐多半個小時船程, 入到比較狹窄的上游流域, 遠遠就見到另一個大瀑布 – Roski Slap. 由於此瀑布位於湖邊, 旁邊又冇搭建 platform, 我地只可以係船上欣賞, 當船慢慢駛近駛過瀑布時, 真係由眼鏡到鏡頭都會被濺濕晒架, 如果係正大熱天黎, 一定好爽o者 ~
上左岸我地又有個多小時可以閒逛, 經過一朝的trekking, 我地都已有點餓到不行, 但本著 National Park 內冇好野食的想法, 一路都冇打算搵食喎, 去到呢站見有間小店, 只係打算入去坐低飲杯野, 但由好 friendly 的 local waitress 介紹下, 我地叫左份 homemade ham & cheese with bread 試下 (只係 80 kn), 嘩 ! 不得了呀 !! 面包好鬆軟, 咬落去個質感好好架, (一整個 Croatia 旅程食到的面包都係好好食架 !! 好心 UK 就學下啦, 又貴又硬又難食 !), 配上又軟又香的 cheese 同 smoked 得好香但唔會太咸的 ham, 真係食到停唔到口 !!
我係一向都唔太好 parma ham 呢類野, 總係覺又乾又咸同太濃味 (即使係意大利度食到的…), 但呢一次試過之後, 令我完全改觀, 如果唔係只係第二日旅程, 係有打算買番 d ham 黎做手信架 !! 值得一提的係記得走前入去店舖走走, 壁架上放有好多古舊瓶子, 仲有裝有 local produced whisky 的玻璃瓶, 幾有趣架 ! 佢地仲有售人手造的木酒杯, 外型有如一個木酒桶, 只係外加個手柄, 有大, 中, 小 size, price ranged from 120 kn 到 300 kn. 我覺幾靚架, 但我少飲酒用唔著咁大個杯, 所以最後都放棄啦 ~
食埋野尚有少少時間, 往上再走一段路到達一個 picnic area, 就算係我地遊此 National Park 的盡頭, 其實我地用了差不多一日, 亦只不過走了半個 Park, 當我地離開此處, 亦係我地坐船回程之時啦, 係船上坐著坐著, 被太陽晒得暖暖的, 慢慢地睡著了 ……….
