今日終於收到早排於網上訂購的四葉妹妹 Products, o係我有點灰有點唔開心時收到, 確實係令我心情有點好轉, 有點開心架 ~
急急拆開佢地, 打開日曆, 內裡旳插畫真係好可愛呀, 至於 CD 入面, 畫冊好 Cute 好夾主題, 我即刻放黎聽聽, 音樂十分輕快有趣, 我想一邊看漫畫, 一邊聽住呢 2 隻 CD, 我想應該會十分夾. 我將我書枱上的一個角落, 組成一個四葉妹妹的 Corner.
上面係月曆, 下面係日曆, 有著好可愛的四葉妹妹插畫 !
CD 內畫冊的插畫好精美 ~
另外收到一位好友寄來的禮物, 其實係佢用黎收買我做佢伴娘的酬金!! 呢 set 街頭小食明明係四葉妹妹的玩具, 點解要用我黎抵債喎 !! 呢位朋友真係搞笑, 明明自己要著緍紗受苦, 硬係要捉我呢個自中學畢業後, 就從來冇著過裙的人黎做佢伴娘, 真係夠朋友! 我地 2 個都係著唔慣裙的人, 真係不敢想像到時會搞出什麼笑話! 我而家身邊的朋友, 一聽到呢個消息的反應係非常一致架, 先黎 "大笑一番", 再黎補多句 " 我睇你到時點算 !!" ~ 
Msg to YOU : 恭喜晒你啦, 你最終都係我地呢班人之中, 最早結婚o個個, 一如我地中學之時的預言 – "賢妻良母型" ! 我地識左咁多年 , 大家一齊經歷左咁多野, 雖然最近10 年我成日都唔係HK, 但我地的關係依然冇乜改變, 依舊可以無所不談. 對於你終於搵到個o岩你的人 (最重要係我地都覺佢o岩你嘛, 你估冇我地 approve 你會結得咁易咩!!), 我係衷心為你高興架 !! 你放心啦, 你結婚o個期, 我點都會死番黎, 犧牲我的自由, 做你一日的伴娘架 (其實無論你送唔送野, 你的大日子我又點會唔番黎丫 ~) !!