今年的煙花 – 我已經買過, 玩過, 咁係時候要去睇一個大型 Show 啦 !
英國每年 11 月都會有 Bon Fire Night, 各個地方都會有放火大會同煙花表演的, 而呢個weekend 係 Birmingham 都有, 我地 pick 左今日- 星期日, 去 Alexander Stadium 度睇, 而我o岩o岩先由會場番到屋企.
不過 … 由一出門就已經係一個錯誤. 我早係 5:15pm 已經到左會場, 但好衰唔衰經過入口時, 個管理員係咁揮動指揮棒, 家上我又見幾架車係度 U turn, 搞到我以為佢唔俾入, 結果我白白係外面兜左 45 mins 都搵唔到點入去 (加上我唔熟o個區) !!! 幾經辛苦, 入到會場, 泊好架車, 咦….. 真係好唔對路喎 !! 大霧成咁, 仲要咁鬼凍 ….
會合埋個幾個朋友, 先係 Funfair 度 hae 下, 我對呢 d 機動遊戲就冇乜興趣架啦, 但影下相都幾唔錯的. 冇耐我地就入 Stadium, 等睇煙花, 好可惜整整 1 hr 入面, 真係睇唔到幾多個靚煙花, 本身已經大霧架啦, 放左幾個煙花之後, 仲更加煙霧瀰漫呀 ! 雖然唔係好見煙花, 但我地都十分懂得自娛, 聽到都照大叫 !! (好在都影左幾張見得下人的相 ! 你地等下個 Video 啦 …)
睇完整整 45 mins 的表演, 好多人都好失望咁離開, 我地雖然都睇唔到 d 乜, 不過大叫左一餐都幾開心 .. 哈合 ! 我地仲話, 下年新年番 HK 再補番數啦 (如果 HK d 煙霞唔勁的話 ~) !
到我地走時先係一個大問題呀 !! 黑麻麻, 邊鬼個搵得番自己架車喎 ! 到搵得到自己架車, 仲要係大霧之中慢慢 Drive 番屋企, 蒙到我都睇唔到條路 …….
Showground 入口
今晚有份一齊玩的人 
煙霧瀰漫的會場 
僅僅可見的霧中煙花 
散場時的霧更加濃啦 ~ 
黑麻麻又大霧, 點搵番自己架車喎 !! 
番到屋企, 望番出窗外….