話說比賽前的一星期, 我們仍然有去比賽路段熱下身, 即使當日的天氣真不怎麼好 ! 這回我們逆走了麥徑第三及第二段, 起點自然是水浪窩啦 ~ 起步之初, 細雨紛紛, 路上泥濘處處, 還出現淙淙流水, 真係一步一驚心架, 因為踩錯腳的代價實在有點太麻煩 … 雞公山實在是順走麥徑的惡夢山之一, 事實上逆走也不是易事, 不過上到山頂上的景色實在不錯 ~ 隨著我們前進, 天氣轉趨穩定, 而景色也漸變清晰 ! 下山, 前往北潭坳 ! 逆走麥徑第三段接近完成 ~ 起步之初的赤徑為常走路線, 風景拍太多, 倒可看看路邊小野菇 ! 天氣不佳, 行山人仕不多, 就連興記呢日都話唔煮糖水啦 !…
早排練山, 由黃泥頭起步, 走了一轉梅子林到西貢, 發現了 HK 也有一道偽屋久島之風景 ! 今回自黃泥頭, 不往黃牛山轉道梅子林, 走在叢林之中, 原來綠得黎可以咁靚 ~ 由這段開始, 真係好有屋久島嗰種 feel ! 我笑稱這裡為偽屋久島, 誰叫我到而家都未有機會去咩 … … 提提大家, 梅子林村嗰排村屋有幾隻狗冇縛繩, 當時我們打算經過村接上往西貢路徑, 可惜被衝出黎嗰幾隻狗嚇親, 唯有繞路而行, 所以大家來到呢度要小心留意狗隻 ! 過左梅子林可以轉上去茅坪架啦 ~ 由茅坪直往昂平觀景台, 熟悉的路段, 我們卻被壞蛋牛阻路了 !! 沿麥徑第 4…
大家見我呢期咁勤力去開始練山, 唔洗問都知我梗係又報左比賽啦 ! 有時我都唔明點解自己成日都要攞苦黎辛架 … 呢朝早難得朋友出山陪我練下腳, 咁就先由川龍的端記茶樓開始, 嘆完茶食埋點心先出發吧 ~ 大帽山端記茶樓早就出了名, 因此食客不絕, 想要有位坐又易攞到野食, 咁就最好早點到來了 ! 由川龍漫步而上, 途中有山徑可以直達扶輪公園, 那才是行程正式的起點 : 目標就是要逆行針草帽 !! 逆走大帽山的感覺有點奇妙, 就像我從來没有走過這條山徑, 一切變得跟我所認知的不大一樣, 很有新奇的感覺 ! 是日大帽山的風景非常好, 放眼遠望可以看到很多地方 : 荃灣, 錦田 及 大埔都可以看到 ! 來到草山, 本來針草帽中最冇傷害性的一座山, 在逆走之下,…
今次一日內走了 3 條短線 : 慈沙古道、衞徑第五段、道風山, 如果大家冇行慣山的話, 絕對可以分開 3 次慢慢玩架 ! 新年前, 我去了一趟西貢大枕蓋看吊鐘花, 諗住都係花期水尾, 點知呢日去行慈沙古道 & 衞徑第五段之時, 竟然仲有機會見到大量剛開的吊鐘花, 加上是日下著細雨, 吊鐘花上凝結了很多小水珠, 令吊鐘花多了一份美態 ~ 慈沙古道起點在水泉澳村附近, 最方便就係沙田圍站集合, 跟住先去對面沙角村大排檔食個早餐, 再沿水泉坳街去到相一中那 “馬鞍山郊野公園” 入口, 那就是山徑之起點, 由這裡走到沙田坳道獅子亭, 全程只有 2 公里左右, 應該可以 1 小時內完成 ! 起步冇幾耐, 就見到山邊的幾棵吊鐘花正盛開著 ~ 雖然今回冇藍天,…
這個旅程早在 2018 年 Boxing Day 完成, 卻一直被我拖延至今才記錄下來 ! 由於實在太鐘意西灣 / 鹹田呢條路線, 今回又遇上啱玩山友們, 可以再走遠一點, 衝出了大灣, 去埋東灣, 直出長咀 ! 全桯一共 20 公里, 行下 hea 下又訓下, 都玩左大半天直到天黑 ! 講左咁耐, 忘了話俾大家知是日起點在西灣亭 ! 直落西灣, 先來一碗豆腐花, 再接上麥徑第 2 段. 自經過左山竹吹襲, 雙鹿石澗係西灣的河口位好似改變左咁喎 … 過左西灣, 穿過山林,…
接近農曆新年, 又是吊鐘花盛開之時, 早兩個星期我的人尚在北海道, 卻已經被朋友們在 FB 瘋狂洗版中, 那時候就說回到 HK 必定要去賞一次花. 剛剛的 weekend 有空, 就請教左朋友邊度有賞吊鐘花熱點, 結果就決定了要一遊大枕蓋 ! 起點可以選擇由北潭涌, 過了閘口沿路而入, 再轉入北潭路, 直到鹿湖郊遊徑的起點 ~ 明明二月時份, 竟然係 24 度, 差點熱到好似夏天咁呀 !? 我們的冬天去了哪裡 !? 難道氣候變化真係咁唔值得重視 ?! 行左都冇半個鐘, 遇上第一棵路邊的吊鐘花了 ! 剛好是日得到藍天白雲, 襯托出吊鐘花的紅 ~ 這條路線可長可短,…
呢轉山都差唔多係成個月前的事情, 快快手手清埋佢, 尚有 N 個旅程未開頭 … … 上個月我們尚在操山的熱情當中, 正打算來個長課 42 公里, 可惜最終天不造美, 又濕又冷的天氣令我們走不夠 20 公里, 就決定要收工啦 ! 大家對衛奕信徑不會陌生吧, 今回是衛奕信徑第三及四段, 由油塘魔鬼山腳起步, 穿過馬油塘到井欄樹, 之後上東洋山, 再經飛鵝山回沙田坳道. 油塘的魔鬼山, 也不是第一回走, 而且次次由這裡起步, 都似乎未能走完心目中預定的路線架 ! 藍田後山, 一邊藍田, 一邊將軍澳 ! 經過井欄樹, 往東洋山進發 … 東洋山上, 遠眺西貢…
2019 年的第一天, 很有衝動要出門, 可惜天不造美, 早上起來卻看不清那道日出 … 這幾天我雖然繼續上山, 也努力路跑, 卻也很想很想睡到自然醒. 這朝一直睡至中午, 才決定要出門走走, 跳上巴士一路來到中環碼頭, 開始了元旦的第一行 ! 由中環走到西環, 海邊步道原來仍未能直通, 兜兜轉轉間卻也成功來到中西區海濱長廊. 看過朋友的介紹, 我也在這裡來一杯 Mocha, 還真是望海的好地方哦 … 可惜, 是日美麗的西環日落欠奉, 那就留待下回吧 ~ 西環碼頭是我不時會到訪的地方, 特別是下班以後看日落, 又或與友人晚飯後散步, 這裡都是一個很適合的地方 … 元旦日, 總有一股去登山的衝動, 明知數天後便要在這裡走一轉 50…
呢個 hiking po 遲遲都出唔到, 最主要原因係相片太多, 大部份都係 cover photos 系列, 可想而知我地當日係山上真係影到唔捨得走呀 ! 住左沙田咁耐, 當年仲要住在小瀝源附近, 我卻一直唔知由黃泥頭出發, 可以上到去黃牛山, 只要再過水牛山, 跟住落番麥徑, 就可以去到西貢架喎 ! 全程大約 7 公里左右, 難度不算高, 就是黃牛山上若想在石林中穿梭, 就得在斜坡上來回走動, 那就會比較費力, 全程理論上 4 – 5 小時完, 大前題係同行朋友不會如我們般勁影 cover photos 囉 … 由黃泥頭巴士站起步, 依著路牌的指示前往黃牛山,…
這已經是 3 星期多前的事了, 話說當日跑完 10 公里, 我們還有精力去左行山 ~ 由沙田紅梅谷起步, 我們沿路上山去, 目的地就係筆架山啦 ! 紅梅谷原以為係馬騮集中地, 點知呢日一隻都見唔到, 卻讓我在路上遇上 1 大 2 小 3 野豬, 仲因為小野豬被媽媽大吼驅趕中, 小野豬只有邊走邊低吼回應, 聽著聽著覺得有點搞笑, 但又好驚佢地繞路會繞到我跟前 … 左定右呢 ?! 以為左邊辛苦過右邊, 事實係左邉條路平坦一點喎 ! 是日黃昏的光線很不錯吧 ?! 我特別繞道一圈, 走到可以看到望夫石的風景台 … …
話說上回練山, 我們只走了港島徑第七及八段, 今回嘛 … 一口氣走完了港島徑第六到一段, 全程 34 公里, 走了差不多 10 小時 ! 今回起步點就是上回的終點 – 大潭道, 我們由港島徑第六段開始, 很順利走到大潭上水塘, 繼而走過那道已過百年的水壩, 成功來到大風坳 ! 大風坳小休一下, 就要開始登上天梯了 ! 我閒來無事咁計左時, 一口氣 600 多級的天梯, 不停留的拾級而上, 花了大約 8 分鐘才登頂哦 ! 當然只要成功登頂, 那就自有好風景可欣賞啦 ~ 接著會路經石礦場, 剛好應該有爆破演練中, 結果一聲巨响,…
這天我們來一回短線遊 – 西貢的龍蝦灣 ! 原定打算係勝記士多食早餐, 到埗後發現士多要 10:45 後才開始供應食品, 幸好團友們帶來好味的粢飯 & 豆漿打打底, 剛好就捱到士多開門, 那就可以再多食一份早餐了 ~ 勝記士多 Openrice Review : https://www.openrice.com/zh/hongkong/r-%E5%8B%9D%E8%A8%98%E5%A3%AB%E5%A4%9A%E5%B0%8F%E9%A3%9F%E5%BA%97-%E5%B0%87%E8%BB%8D%E6%BE%B3-%E6%B8%AF%E5%BC%8F-%E7%B2%89%E9%BA%B5-%E7%B1%B3%E7%B7%9A-r3885 龍蝦灣郊遊徑的起點, 就在清水灣道的大坳門. 我實在太久沒有到過大坳門, 這裡似乎仍是放風箏的勝地, 反正處處可見風箏線的殘骸 … 一個公園中的觀景台, 正是拍團體照的好地方 ! 好了, 龍蝦灣郊遊徑起步, 再沿龍蝦灣路回程, 全程約 6 公里, 約需 2.5 小時左右去完成. 頭段要走好一陣子上山路段,…