上個月我地仲玩左呢個比賽 – 2021 COMPRESSPORT Virtual Trail, 呢個比賽好地地有 11k 同 22k 俾大家選擇, 唔知做乜我地會選左報 22k, 仲要玩完一轉 11k 都知甘甘地, 一程就爬升左 1053m, 而我之後仲拼死去玩多次來回 22k, 有時不得不承認我真係有點自虐傾向的 … … 3 月頭係第一轉玩, 賽在煙雨迷濛間 … 呢個比賽非常簡單直接, 先就由鰂魚涌登上小馬山 (424m), 再登渣甸山 (433m) ! 接著登上紫蘿蘭山 (436m), 賽到黎到呢個位, 都未算係太辛苦住 … …
最近去得較多的山, 還得數上了香港島的柏架山 ! 原本好地地咁行緊日常路線, 點知拐多 2 個彎之後, 我們就在無乜人的叢林山道之中上山去, 在山頭之上的觀景台, 可以望到山下的耀東邨 … 開始上山, 目標設有雙雷達站的柏架山 ! 呢條不一樣的山道真係冇乜人行, 但風景真係唔錯, 係挑戰柏架山的難度較高路線 ~ 話說在陡峭的山路之上，我們截住被 Google 老點了、正想危險硬闖下山的一對父子. 天色漸黑之時, 小朋友開始兩腿冇力兼想抽筋, 還好意志力尚在, 在鼓勵下慢慢前進上山 … 當行到去有繩索出現的位置, 離山上出口其實不遠了, 留意最後呢段係特別陡斜的, 但都唔好太靠條繩喎 ~ 終點在望, 穿番出去就係上柏架山頂的石屎路 ! 在霧中遙望柏架山頂…
最近天氣越來越熱, 行山變得越來越辛勞, 不過正正陽光普照下, 才可以令山野美景變得更加璀璨 ! 這個早上, 依然的炎熱, 我們來個快遊小馬山 ! 照舊由南豐新村起步, 接上鰂魚涌樹木研習徑, 再由金督馳馬徑接上小馬山, 途中再一次經過片那戰時爐灶, 唔知事實仲可唔可以起到火炒野架呢 ?! 上小馬山是不可避免的一道又一道的石級, 還好能夠一邊欣賞遠處山下的好風景 ! 鍾意上小馬山, 主要係鍾意呢個側望維景兩岸景, 如果可以好多年前就開始係度拍照, 咁對比番而家, 應該可以好清楚影出海岸收窄 及 2 岸高樓之變遷 … 唔覺唔覺又上埋畢拿山 (Mount Butler), 再落大風坳 ! 最後去埋大潭水塘, 再係大潭篤水塘 Exit,…
放長假前的夜山行, 由於可以早點放工, 讓我於太古城的某 cafe 休息了片刻, 以迎接夜晚的放電時刻 ! 起點由南豐新村的盡處, 沿鰂魚涌樹木研習徑 (Qarry Bay Tree Walk) 上山, 先經那一大堆戰時爐灶, 再轉上鰂魚涌緩跑徑 (Qarry Bay Jogging Trail) … 接上了前往小馬山 (Siu Ma Shan) 的衛徑 2 段, 呢段記得不時回望, 那片夜景非常不錯 ! 當登上小馬山頂 (424m), 可以找到那支破爛的標高柱, 以及一個能側望維港全景的 View Point…
由於呢個武漢肺炎散到全球都中招, 我地原定 4 月成行的尼泊爾之旅經已改期, 不過亦無阻我地的練山的意志. 這個星期玩 back to back training, Day 1 我地決定先來個長距離路線 ! 早餐來到一家黃店 – 如意冰室私房菜, 早餐竟然有五大訴求餐, 食材都幾豐富架, 不過我怕食唔量就冇點啦, 朋友就試左, 幾吸引架 ~ 如意冰室私房菜 Openrice Review : https://www.openrice.com/zh/hongkong/r-%E5%A6%82%E6%84%8F%E5%86%B0%E5%AE%A4%E7%A7%81%E6%88%BF%E8%8F%9C-%E7%81%A3%E4%BB%94-%E6%B8%AF%E5%BC%8F-%E6%B5%B7%E9%AE%AE-r603628 我地由灣仔出發, 上山通到去寶雲道, 平走一段直至港安醫院, ,再接上黃泥涌峽道, 由陽明山莊開始行衛徑 2 段 … 衛徑 2 段上渣甸山…