講開沙田區的短線山遊, 仲有以下呢條比較冷門的路線可以一試 : 水泉澳 行到 牛皮沙, 先旨聲明呢條山徑大部份路段都唔難行, 唯獨下山嗰段就特別的陡斜, 可能要拉繩而下的 ~ 起點就在水泉澳村的後山, 入口都清晰的, 接著就慢慢的沿梯級往山上走 … 相中呢舊大石有如皇座, 我地係呢度遇上唔太怕人的小蜥蜴, 俾我地同佢影左陣相先走番入林中, 幾可愛架 ~ 途中遇到一水潭, 周邊環境係好唔錯的, 朋友卻笑說是大媽池, 不過是日有點陰冷, 當然就唔會有人黎泡水了, 反而我地可以隨意在水池邊探索一下, 找找水中小生物 … 呢隻菇呀, 望落係咪成日手指咁呢 ?! 唔信你可以望下相 2 架 … 接著路段都在山脊上行走, …
呢一年由於武肺仍然作亂, 基本上大部份的山賽都取消左, 而當中唔少賽事都改變左進行模式, 如今新新舊舊的山上山下賽事, 都大多用咗線上跑之方式來進行 ! 今回喺朋友推介下, 我地玩左轉 #獅360 (Round The Lion), 整個路線有不少路段都係我較少行過, 都幾有趣好玩架 ! 果然唔賽唔知身體好, 真係有賽事先可以迫住大家去練山, 黎緊仍然會一個接一個咁去努力, 希望 2021 會繼續走遍 HK 的好風景 !! 起點由黃大仙大牌坊出發, 沿沙田坳道一路慢慢上山, 去到恒益士多就要轉番去上山路徑, 呢條登山小路係意料之外的好風景, 大半個九龍區都可以望得到 ~ 呢個慈雲山發射站, 內有標高柱 (慈雲山 488m), 不對外開放, 山友們卻可以在門口打個咭 ~…