講開沙田區的短線山遊, 仲有以下呢條比較冷門的路線可以一試 : 水泉澳 行到 牛皮沙, 先旨聲明呢條山徑大部份路段都唔難行, 唯獨下山嗰段就特別的陡斜, 可能要拉繩而下的 ~ 起點就在水泉澳村的後山, 入口都清晰的, 接著就慢慢的沿梯級往山上走 … 相中呢舊大石有如皇座, 我地係呢度遇上唔太怕人的小蜥蜴, 俾我地同佢影左陣相先走番入林中, 幾可愛架 ~ 途中遇到一水潭, 周邊環境係好唔錯的, 朋友卻笑說是大媽池, 不過是日有點陰冷, 當然就唔會有人黎泡水了, 反而我地可以隨意在水池邊探索一下, 找找水中小生物 … 呢隻菇呀, 望落係咪成日手指咁呢 ?! 唔信你可以望下相 2 架 … 接著路段都在山脊上行走, …