早排朋友係檸檬樹上發現左幾條玉帶鳳蝶, 結果移居左去我家的那 2 棵樹上, 令我家露台成為臨時育蟲室, 亦因此我得到觀察蟲蟲化蛹、再到羽化成蝶整個過程的機會 ! 係蟲蟲移居期間, 其中一隻蟲蟲已經 ready 化蛹, 因此佢錯過左黏好在樹幹上的機會, 有位生態朋友睇完網上教學, 將呢個蛹用木筷子及膠布扶正好, 以便蝴蝶可以順利羽化, 結果蝴蝶成功出世了 !! 根據資料, 玉帶鳳蝶呢個花紋, 應該係仔黎架 !! 呢隻係第二隻, 我睇住佢由蟲蟲脫皮變成蛹的過程, 仲錄下了整個過程添呀 ! 當蟲蟲成蛹後, 會以同一狀態穩定幾好日的 … … 直到數日後, 就會留意到蟲蛹慢慢漸變成黑色, 那就是蟲蟲準備羽毛的日子了 ~~ 當正面去望個蟲蛹, 竟然成隻 Batman 咁架喎…