本年度終於開季了, 不但幸運地遇上藍天白雲, 是日仲可以潛到大藍水添呀 ! 西貢出發, 好正的天氣呀 ~ 至於是日潛點, 我地係直達果洲呀 ! 由於水質太好, 就勤勤力力咁跟人落了兩支半了 … 而我, 則第一次用 TG6 落水底試機 ~ 第一支跳落去, 果洲竟然 10+m 能見度, 真係以為去左外潛呀 ! 呢個 Dive 玩左 45 分鐘左右, 一口氣落到 17m 都清到爆, 仲要勁多魚, 度度都係魚 … … 重點係, 見到好多特別魚呀 ! 隨意在身前飄游的獅子魚呀…
又到左每年一度浮潛欣賞馬尾藻的季節了 ! 想要落水睇馬尾藻, 第一個重點係要抵得冷, 即使本個冬天天氣暖和得不尋常, 下水還是要有點勇氣的. 我們來到海霧中的龍蝦灣, 朋友探了水溫為 21 度, 幸運的這天多贈了一道陽光, 我們還是可以在水中玩上半天 ~ 去年的馬尾藻風景 : http://traveling-fish.tixmart.org/2019/05/03/hk-snorkeling-lung-ha-wan/ (龍蝦灣的古代石刻) 今回的入水位係石刻那邊, 比在石灘那邊較為崎嶇, 但相對較少人, 而且一下水就會被滿滿的馬尾藻包圍著, 感覺很奇特 ! 主力在淺水位浮潛, 間中潛到石底找小生物 … 今回遇到了獅鬃水母 … 在大石上總會見到好多 Blenny, 係好多, 仲要好大條而唔怕羞的 ! 仲有呢條花紋雞泡魚 !…
最近因為疫情, 不少人都避開了市區, 轉戰郊區而展開了行山活動, 當然我們也不例外 ! 今回我們跑入了西貢, 希望可以看得到吊鐘花 … 今回趕得及水尾, 在北潭路接上了鹿湖郊遊徑, 並於大枕蓋附近找到了數株盛開的吊鐘花 ! 不錯呀 , 雖然不及去年的大堆頭, 但仍然看到樹叢中的一片粉紅 ~ 看完花, 轉離鹿湖郊遊徑, 往牛湖墩方向前進 ! 由於身處山脊之上, 我們可以飽覽群山, 也可遠眺千島湖, 同時也可以看到山下赤徑全景 ! 由山脊再前往牛湖墩途中, 得經過一落一上的, 落山路段略為陡峭, 大家要多加留神哦 ~ 牛湖墩上設有標距柱, 非常易認 ! 之後只要沿山道下山,…
由西貢坐 94 巴士, 去到大灘落車, 沿車路一直接上大灘郊遊徑. 大灘郊遊徑其實都幾行, 又容易, 又沿海邊咁, 幾舒服架 ~ 好幾次望番去對岸, 都可以望得到黃石碼頭 ! 我們行經一個小沙灘, 在海邊看到這麼一個個的小透明圏圈, 軟軟的尤如水母咁, 但又唔太似, 唔知係咩黎架呢 ?! 唔經唔覺, 灣仔 (Wan Tsai) 已經在望, 所以話呢條大灘郊遊徑真係冇乜難度架 ! 是日的目標, 其實係這個灣仔半島之盡頭岬角, 又名棺材角 (Ocean Point) ! 而要去呢度都唔算太難, 由相二中的指示牌轉入小徑, 一直沿著小徑前進, 途中還可以見到塔門之全景 !…
2020 年度第一篇遊記, 理應要由本地遊作開始的, 寫的還要是露營篇, 就知道我呢期幾咁鍾意去 Camping 啦 ! 我一向都幾鍾意赤徑呢個地方, 以前練山都必經咁滯, 都覺得海邊風景非常美, 今回我們終於抬著一堆架生黎露營了 ~ 赤徑一向都有幾個露營秘位, 不過一早已經有人佔據了, 我們唯有選擇去公廁旁的營地, 原來都可以遠離主道兼人群架喎 ~ 我地一行七人, 出動了三個營, 其中一個仲要係 6 人營, 各人的睡覺空間確實十分充足哦 ! 這天天氣實在不錯, 很適合到附近逛逛, 看一下大海 ~ 多得良友士多, 我可以唔洗煮午飯, 又有老闆同我地傾計, 仲帶埋我地出海 ~ 呢日個海勁水清哦 ~~…
Weekend 又有得出潛了, 最近的天氣涼了很多, 還好水溫没有太過冷, 反而泡在海水中特別舒服, 這個時份的香港水域, 似乎水清不再, 下水後的能度只算尚可 …. 没有遠航, 近近地係甕缸潛左支 … 下水大約55 分鐘, 最深只到 6.7m, 平均深度 4.2m, 水溫原來都有 27 度呀 ! 至於能見度嘛 …. 俾盡你 2 – 3 米, 一浸又一浸的, 間中模糊不清 ! 先來個大頭照吧 ! 小小又怕羞的 Gobies 們 !…
長假期的最後一天, 早上還在橫風橫雨中, 下午卻得到了藍天白雲 ! 這天跟海下的士多老闆娘預約了獨木舟, 順利開車直駛入禁區, 衫都唔洗換, 著上助浮衣, 拿起船槳, 我們出海 Kayaking 去 ! 第一站, 近近地的 WWF 海下灣海洋生物中心 ! 呢附近我地都有潛過水, 但划著獨木舟穿過, 還是第一次 ~ 第二站 : 附近小沙灘 ! 這個小灣之內, 住了無數咁多粒海星, 星叠星的情況很普遍 ! 不過始終沙地水易濁, 浮潛不太理想, 玩左一陣就轉地方去 ~ 喜歡在大海上飄揚, 感覺就是自由自在的 ….…
9 月初去了一趙格魯吉亞登山旅行, 結果下半月就只在偷懶了 … 本月再次開始練山, 先來到海下作熱身吧 ! 自從 Little Cove 在西貢出現後, 這店經常成為我的早餐之選, 餐廳出品非常有水準, 主菜好食, 咖啡也很不錯, 就連 French Toast 賣相都好吸引, 剛好滿足我行山前的胃口 ~ Little Cove Openrice Review : https://www.openrice.com/en/hongkong/r-little-cove-espresso-sai-kung-western-vegetarian-r464326 Little Cove FB Page : https://www.facebook.com/littlecoveespresso/ 由西貢坐小巴前往海下, 於海下路的山火瞭望台那路口下車, 沿路登上瞭望台, 純想八卦一下 ~ 登上瞭望台後, 可以欣賞到山下的海下,…
剛剛的 weekend 很勤力, 連續 2 日都出海潛水去. 每日都潛足 3 支, 真係好耐都未有咁努力了. 人人說要抓著大藍水的尾巴, 事實上最近水質確實轉好了, 我們今回走訪了 3 個潛點 : 果洲、火石 與 甕缸 ! 應該聽說最近水質不錯, 潛船直駛至果洲, 下水後才發現水質一般般而已, 過了12 米就什麼都看不到了 … 剛下水不久, 找到了扁蟲一條 (Flatworm) ! 不怎麼怕人的雞泡一雙, 不停在我身前徘徊, 卻就是不打算游遠 ! 果洲兩潛, 我在魚樂無窮中 …… 兩潛皆在…
早排去完上窰郊遊徑, 轉個頭我地上左去太墩, 看一下西貢的千島湖美景 ! 上太墩的起點, 就在北潭涌停車場的盡頭處, 初段山徑不太清晰, 但可參考彩帶作 reference, 呢段主要在林中往山上走去, 頗為陡斜, 要小心而行. 當穿過叢林之後, 會有一種豁然開朗的感覺, 因為千島湖之美, 在半山已經開始呈現我們眼前 ! 沿著路徑繼續登山, 會來到太墩的標高柱, 這裡就是太墩最好的 view point ! 沿後山下山, 路線清晰, 可選擇回北潭涌又或前往大網仔 … 最後, 我們順利回到北潭涌, 路線很簡單, 只有大約 5 km, 慢慢行下拍下, 唔洗…
上回匆匆來過上窰的曝署灣, 今回再來一次完整的, 沿上窰郊遊徑而行, 北潭涌起步, 西壩完結 ~ 上回的介紹 : HK : 隱世漁灣 ．半月堤圍 之 曝罟灣 沿上窰郊遊徑而行, 先到達上窰民俗文物館, 聽下導賞員的生鬼而詳細的講解, 都真係學左唔少野架 ! 接著經過起子灣, 來到我很喜歡的曝罟灣 ! 在這裡, 影 profile pic 真係一流呀 ~ 古代的智慧, 現代的風景 ! 之前山竹吹襲後, 部份堤圍被催毀了, 幸好得到山客們的修保, 變成了一道獨木橋 ~ 繼續沿上窰郊遊徑前進,…
今年身痕又玩毅行, 咁就早一點開始操山吧 ! 第一課, 選了有點攞命的麥徑第三 & 第四段, 由北潭坳先上雞公, 落左水浪窩後再上馬鞍山, 最後經昂平, 選擇落番馬鞍山離開, 全程 21 公里左右 ! 上雞公的路, 總是會令人有點沮喪, 是日起步無風, 單單 1 公里已經得到爆汗效果 ~ 開步時無風, 在山腰突然下了 15 分鐘大雨, 全身濕透, 後段卻又被太陽曬乾, 再變到係曬溶 … … 上緊雞公先黎曬到咁, 真係熱到傻 ! 落到去水浪窩, 立即補, 即場就襟盒檸檬茶黎補糖呀 !…