呢個已經係 2 個月前的行程, 唔好問我點解而家先放上黎, 我自己都回答唔到呀 ! 是日起點, 一個我從未落過車的巴士站 : 青馬管制站 (又名青馬收費廣場) ! 我地將會由呢度起步, 經過汲水門大橋之下, 沿海邊繞到花坪, 參觀一下没落了的藍鯨灣, 登上花瓶石, 攻上花瓶頂, 過了大陰頂, 回到欣澳, 全程大約 15 公里左右 ~ 在某草地之上, 竟然見到尤如一個腦袋的東東在地上, 嚇了一跳, 卻原來是一種野菇來的 ! 同場還有黑色尤如狗糞模樣的野菌, 以及荷包蛋外表的長柄菇,以乎是為這天的野菇特集打响了頭炮 ! 以為係青馬大橋, 原來呢一段係汲水門大橋 ! 那麼, 在大橋之下的風景,…