呢期天氣悶熱, 太陽又猛烈, 連行山都得改去黃昏時間, 所以都會近近地去左後山逛逛. 呢個後山本身都幾好行, 大部份路段都係舖設好的, 而且標示都幾清晰架 ~ 不過最正係可以好好練上落山, 全程 7 公里內皆是上下坡石級路, 加上人流唔算多, 行得到黎呢邊多數都係街坊黎 ! 如果唔夠的話仲要可以通埋去城門水塘嗰邊, 一邊就係相中見到的針山, 另一邊就係通去大帽山的草山, 令我地隨時可以加操 ! 某日閒來無事, 我地就趁著日落時份上埋草山, 欣賞左一個不錯的咸蛋黃 … 背景係城門水塘, 再加荃灣市區, 最勁係遠到港島都隱約可看到 ! 這天的日落加雲層, 構成優美的風景, 正對面就是大帽山上的天氣雷達站 ! 低越過雲層, 慢慢沉落下山的日落…
其實伙食工業這家 Cafe 開業都有半年了, 到今時今日我先有時間寫下. 由於其地理位置, 加上這區没太多食店選擇, 因此我間唔中都會去幫襯一下. 伙食工業 Openrice Review : http://www.openrice.com/zh/hongkong/restaurant/%E7%81%AB%E7%82%AD-%E4%BC%99%E9%A3%9F%E5%B7%A5%E6%A5%AD/164715 餐廳面積頗大, 感覺比起 HK 一般 cafe 要來得寬趟. 我初次幫襯時可能餐廳才剛開業, 經過雜誌介紹下人流很旺, 正午十二點開始營業, 到一點左右便差不多全滿, 有點擠迫. 最近一次去是星期天下午, 人流似乎較少, 不會太嘈吵, 因此是一個很好 Hea 的地方. 裝修有點心思, 用的都是舊物件, 有點雜亂, 但也很有特色. 我喜歡這道牆, 是一個很好的飾櫃, 大大小小的東西都清楚地展覽著 ~…
火炭大排檔好多人都知, 拍戲都拍唔少, 但特登黎食的又多唔多呢 ?! 始終佢位置都幾吊腳架喎, 不過對我黎講就非常方便啦, 因為佢係正我住的附近, 加上佢有免費泊車, 想食開車落黎就可以啦 ~ 大排檔劃分為 3 間 (由左到右) : 津津, 泰源 同德記, 津津早係 n 年前我已經 black list 左架啦, 不過我唔記得點解啦喎, 德記係屋企人比較常去的, 對佢的雞粥同糯米飯係幾欣賞架, 但今次我地反而去左少幫襯的泰源 ! 照舊一入去就即刻俾位你, o個日可能閒日兼天氣凍啦, 人唔多, 我地得 2 條友都俾張 6 人枱黎 ! 一口氣叫左雞粥, 炒蜆, 乳鴿, 炒菜, 伙計仲送多碟椒鹽豆腐過我地添 (不過我地最後冇…