剛剛個 weekend 都有出去潛水, 不過今日剛頒佈重出限聚令, 我想短期內又冇得去玩了 … 想知呢期大家有幾放鬆戒備, 睇下呢日的西貢碼頭迫爆了人, 而當中有好多人係等船期間, 都係冇帶口罩的, 如果今日呢度有 1 個人帶菌, 相信呢度唔少人都會中招啦 ~ 看看是日的西貢海有多繁忙了吧 ?! 今回潛點係癩痢(洲), Trio Island, 原來我都好耐冇黎過呢度潛水啦 ! 第一潛最深只可以去到 9.5m, 因為實在好凍呀, 只得 22 度水溫, 但我地竟然玩左 55 分鐘, 因為實在太多魚可以睇啦 !! 間唔中都鍾意影下獅子魚, 因為佢地顏色夠晒 sharp !…
難得又可以閒日去潛水啦 ~ 最近天氣總是不錯, 不過水下溫度卻越來越凍, 真係好古怪呀 ! 呢日我地可以出遠一點, 去到尖洲, 下潛點就在爛頭排 ~ 第一潛最深可以落到 13.4m, 24 度水下玩左 54 分鐘, Avg 係 9.5m, 能見度都有 5 – 6m 的 !! 落水冇耐就見到呢條 Cockerel Wrasse, 明明游得好地地, 點知係某平石位上, 竟然見到佢係度瞓覺, 仲瞓到成身魚鯺張開晒, 好似死左咁近一近都冇反應, 搞到我真係以為佢就黎死架 … 點知影影下佢, 佢就突然驚醒左咁, 閃個身就游走左…
剛剛的 weekend, 我地去左個新潛點, 係我從未潛過的 橫洲 ! 呢個潛點都幾靚架喎, 有好幾個海蝕洞, 六角柱石落到水底都可以見到架 ~ 第一潛下水, 水溫 23 度都可以玩左 62 分鐘, 最深去到 12.2m 但真係好凍, 所以大部份時間其實只係 7m 左右 ~ 落去冇耐, 就係個山洞中見到呢隻都唔細的八爪魚, 後來另一個洞再見到另一隻 ~ 乜龍蝦 d 腳係咁藍架咩 ?! 之前係水底見到的, 好似唔係咁顏色架喎 ?! 呢條係石洞都唔放過呀 !…
正值炎夏, 正是花開的季節, 原來也到了我要清假的時間 ! 每年都能妥善安排假期的我 (簡單黎講就係每年可以放盡所有假 !), 今年假期時間表全被打亂, 難得的竟然要清假, 都算是很失算很例外的一年了 ! 之前聽過朋友介紹元朗信芯園的太陽花花田, 難得閒日放假, 相信花田的人流也會少很多, 那我們就出發吧 ! 這片花田今年開始要收入場費, 每人HK$10, 若要落花田的話, 則要收 HK$ 50 ~ 農莊內分成幾個部份, 以下這片太陽花只可觀賞, 不可內進, 剛好是花盛放之時, 看得出來是 2 個品種之太陽花 ~ 另一邊才是可以進入的太陽花花田 ! 不過放眼望去, 都是開敗了的太陽花, 偶爾才找到幾朵尚未凋零的, 人人都圍在那拍照.…
如果要數番轉頭, 呢編遊記應該係 5 月時份出的, 結果都係俾我拖到而家先寫 ! 話說早排當鳳眼藍盛開之時, 我地都有去元朗豐樂園玩, 不過之前, 先去左元朗名物 – 華嫂冰室 食早餐. 華嫂冰室的分店早已開到出市區, 我就真係冇幫襯過, 反而有一年去過總店因為排唔切隊而買外賣, 事隔幾年呢間茶記剛搬左舖, 剛好我地就去食下野 ! 必須說, 總店之出品確實係有質素, 嗰杯奶茶同芫茜皮旦湯底真係冇得輸, 唔怪得咁多人食個早餐都願去等位啦 ! 華嫂冰室 Openrice Review : https://www.openrice.com/zh/hongkong/r-%E8%8F%AF%E5%AB%82%E5%86%B0%E5%AE%A4-%E5%A4%A9%E6%B0%B4%E5%9C%8D-%E6%B8%AF%E5%BC%8F-%E4%B8%89%E6%96%87%E6%B2%BB-r665965 要睇鳳眼藍花海, 可以黎到元朗豐樂園呢度 ~ 鳳眼藍呢個名好似好靚, 實則是餵豬的飼料, 又名 豬乸蓮, 係非常粗生的物種. 鳳眼藍一年開兩次花, 為五月及十月, 每次花期很短,…
早就說到東壩大熱中, 作為我呢期連續第三次出潛之潛點, 今回黎到已經成海都係船, 至少五架潛船已經駐紮在這兒, 可以想像到個海底有幾熱鬧 ! 淺水位下潛, 水溫都係好鬼凍, 最深只去到 6.7m, 平均 4 m, 但水溫都只係得 23 度, 勉強玩了 55 分鐘啦 ! 有可能呢日海中太多人, 不少之前可以見到的魚類都看不到, 我只勉強影到以下的魚魚相片 … .. 之但係呢 … 同行潛友竟然係度遇到漁護署早排放生的海龜呀 ! 勁 !! 佢真係又八卦但又怕醜, 又要望下我, 但又要快快游走 … 對番本魚書, 佢應該係 金尾雀鯛 (Damsel)…
呢排我地好勤力咁出海, 就連閒日都唔放假, 要請假去潛水呀 ! 呢期東壩 hit 爆了, 上個潛日我地搵到好多魚魚, 所以呢日我地就再戰東壩 ! 在工作期間, 我不時感慨閒日總是好天氣, 呢日我都終於享受到了 ~~ 東壩地型真係好靚, 四處遍佈六角柱, 潛潛下水都不禁要埋岸欣賞一下 ! 來吧 ! 第一潛玩左 66 分鐘, 最深去到 9.8m, 但實在係凍喎, 24 度水左右, 結果平均只係留在 4.9 m 左右, visibility 都有 3 – 5…
經歷過紅黑雨, 再試埋 3 號風球, 我們終於得到了好天氣 ! 是日呢個藍天白雲, 配上正前方的東壩, 真係冇得輸呀 ~~ 黎啦, 落水啦 ! 呢潛一黎先落到最深 9.5m, 話有 25 度水, 但其實好鬼凍, visibility 有 5m 都唔差架啦 ! 足足玩左 67 mins, 就知呢一潛我地幾鍾意玩啦, 個 dive site 本身的地形已經可以影好多相, 最重要係呢度我地真係搵到好多魚呀 !! 防波石 與 防波石 之間,…
上次就玩紅黑雨, 今回玩掛風球, 本來掛左 1 號波仲好地地, 點知去到西貢先開始風雲變色, 冒住雨水咁衝去碼頭上船, 奇又奇在出出下海卻又是陽光普照喎 ! 本來係想去東壩, 但還未開到去就改經係大風大浪, 我們只好折返去火石好了 ! 去到火石, 真係旺過旺角喎, 差唔多全部潛水船都齊集在此了 ~~ 跳左入水, 只能感嘆大藍水不再, 西水之到來, 金寶綠與夏天常在 ! 呢片水真真難搞, 下潛到 11m 左右, 在水中被湧來湧去一直在打轉, bearing 剛對完就被沖歪了, 對了好幾次才慢慢游回岸邊 ! 呢一潛最深 12.8m, 但大部份時間在 8m 左右, 水溫 24…
(Photo by Kathleen Ho) 上一篇講到星期六黑雨後的下潛, 我們得到了意外驚喜 ! 到左星期日就係紅雨掛足大半天, 我地就咁係雷電交加, 橫風橫雨下出船 … 望見海水的顏色, 再抬頭望下天係咁閃黎閃去, 我們都感概了一下, 為左潛水, 係咪真係熱血到咁呀 ?! 係紅雨下的火石, 瀑布處處, 係我地少見的雨中景象, 碓實帶著另一種的美態, 大家笑說係咪唔覺意去左冰島, 呢度係咪叫 “Basaltfoss” 呢 ?! Foss 一字, 去過冰島的都應該知點解架啦 ~ 到達火石, 天氣似乎轉好, 海面平復了一點, 就差那雷電交加仍在, 唯有快快跳船 desecend 入水啦 ~~…
剛過去的 Weekend 天氣有多惡劣, 相信大家都體會過了, 係紅雨黑雨流轉之間, 我卻足足出齊 2 日海, 好似對潛水非常之狂熱咁喎 ~~ 星期六, 我係西沙公路濺過一個又一個大小水窪, 經過一片又一片的山泥傾瀉, 還是成功去到白沙灣碼頭上船, 看看碼頭的水質, 好似過左去澳門咁,泥黃一片 ! 當船越往外駛去, 海水水質越見良好, 來到尖洲之時, 能見度還真的一點不差 … 我們跳上了快艇, 直駛去我都未潛過的潛點 – 短咀 ! 下水最深 14m, 大約 23 度水, 潛左 52 分鐘, 能見度都有 5 –…
每次想去大嶼山行山, 大多都只會得到煙雨濛濛之天氣, 這回也不例外 ! 那一層烏雲蓋頂的, 遠遠在東涌已看得了, 說好了的狗牙嶺是去不了啦, 那大東山也不可放過吧 ! 伯公坳上大東山, 最平常之路線, 難度不高, 就是在迷濛之中, 不停的往山上走 … 走著走著, 我們一直在濃霧之中, 終於在風吹開了的一剎那, 我們看到了山下的風景 ! 不多時, 濃霧再度鎖上, 我們重回迷濛之中 … 要上大東山, 可抄相一中這條小路登山, 慢慢會走到山頂的那石群處, 而我們在這裡還有著古怪的奇遇呢 … 唉 … 眼不見, 眼不見 ! 只要認清了方向, 走對了山路, 自會來到大東山之頂…