本年終於有點工餘時間, 可以重拾木工這門手藝, 說實在很懷念摸住塊木的感覺, 那是一種會令人上癮的習慣 … 正如師傅所言, 木工講求的是手感, 因此做木工係唔會帶手套, 當我地收到塊木嗰一刻開始, 我地就會一直摸住到件作品完成那一刻, 而眾多木工工序之中, 我最愛的就是刨木磨滑面, 只要一開始左就好似唔識停手咁架啦 … … 要做木工, 那就要先學懂如何利用各種工具 ! 第一份功課, 是用作練習的工作枱, 只練習鋸木打釘, 尚未開始鑿木榫. 這件出品看上去有點單薄, 但拿在手上卻還是很有手感的 ~ 第二件功課, 就係入半榫小板凳 ! 我好鍾意呢款小板凳, 而呢一張同我之前整嗰張全榫小板凳又唔同, 表面上圓滑多一點, 好鍾意 ~ 最後一件功課, 就係 cover…
大家見我收米就收得多啦, 但係插秧就總係撞唔啱時間, 結果到今年先有機會體驗得到. 在一片可看到倒影的平靜水田上, 農夫們就靠一對手將稻苗插在水田中, 而我們則動用了很多對手, 大家用算不上純熟的技術, 在水田中歪歪斜斜間, 埋頭苦幹的在插著秧 ! 相二中的一片嫩綠, 就是稻苗, 而相三中的朋友, 正在努力收苗中 ~ 塱原這片地, 每次來時都有不同的風景, 卻每一回都表現著大自然的美 ~ 我們在認真地努力中 … 每人拿著一大束稻苗, 以每排 2 -3 束的濶度, 將分出來的小束稻插進泥水, 完成 3 束就往後退一步, 如此重覆著這個步驟, 直到身前的一行的水田被插滿了稻苗 … 呢 2 個勤力的初級農夫,…
今年我覺得自己真係好勤力呀 ! 就係呢 3 個月裡面, 我已經一連玩左兩場山賽 : 50km 的逆之女 (Rebel Queen) 以及 100km 的逆走 100 (Rebel Walker). 如果問我點解成日要咁去虐待自己, 我諗主要都係因為犯賤啦, 二來我都真係幾鍾意挑戰自己, 仲有就好想練好個體力, 實現未來登上幾大神山之目標 !! 1 月初的 Rebel Queen, 我第一回學人玩 50km 香港徑, 賽前訓練就唔算好多, 但至少之前分 2 次走齊了 50 公里, 因此對賽道多點熟悉 ~ …
點解選用上面張相作 Cover Photo ? 因為我第一次見到呢款兔兔囉 ! 話說呢個 weekend 又出潛, 今回有幸跟高手出船, 坐快艇由白沙灣直出長短咀, 沿途飽覽香港地質公園之風景 ! 第一潛就在長短咀之間, 真係估唔到呢度都有得玩, 呢潛我地長期在10 米內搵野影, 結果一潛就潛左 75 分鐘, 如果唔係水咁鬼凍, 我諗我地成班唔會想上水囉 ~ 明明隻錶寫 21 – 22 度, 算係比上星期暖少少, 但反而落左水我覺得凍過上星期喎, 潛到尾我真係凍到震晒, 上左水都仲係度震緊呀 ! 呢潛我係度勁影海兔, 見識左乜野叫一地都係兔呀 ! 呢隻鍋貼仔,…
係 ! 冇錯, 今年我地決定係今日開季 ! 明明早兩日仲有 20 幾度, 點知今日一黎就跌到得番 15 度, 咁的天氣去開季, 真係少點勇氣都落唔到水呀 ~ 今回跟海天出, 潛點 – 吊鐘洲 ! 咁鬼凍又咁鬼早出海為左咩 ?! 就係為左一落水就睇到的 – 馬尾藻 ! 第一潛 : 係水溫只有 21 度的情況下, 我地竟然可以玩足一支 55 分鐘, 仲俾我係咁往深水潛到 13 米, 有時我都覺得我地係傻傻地架 !…
話說比賽前的一星期, 我們仍然有去比賽路段熱下身, 即使當日的天氣真不怎麼好 ! 這回我們逆走了麥徑第三及第二段, 起點自然是水浪窩啦 ~ 起步之初, 細雨紛紛, 路上泥濘處處, 還出現淙淙流水, 真係一步一驚心架, 因為踩錯腳的代價實在有點太麻煩 … 雞公山實在是順走麥徑的惡夢山之一, 事實上逆走也不是易事, 不過上到山頂上的景色實在不錯 ~ 隨著我們前進, 天氣轉趨穩定, 而景色也漸變清晰 ! 下山, 前往北潭坳 ! 逆走麥徑第三段接近完成 ~ 起步之初的赤徑為常走路線, 風景拍太多, 倒可看看路邊小野菇 ! 天氣不佳, 行山人仕不多, 就連興記呢日都話唔煮糖水啦 !…
早排練山, 由黃泥頭起步, 走了一轉梅子林到西貢, 發現了 HK 也有一道偽屋久島之風景 ! 今回自黃泥頭, 不往黃牛山轉道梅子林, 走在叢林之中, 原來綠得黎可以咁靚 ~ 由這段開始, 真係好有屋久島嗰種 feel ! 我笑稱這裡為偽屋久島, 誰叫我到而家都未有機會去咩 … … 提提大家, 梅子林村嗰排村屋有幾隻狗冇縛繩, 當時我們打算經過村接上往西貢路徑, 可惜被衝出黎嗰幾隻狗嚇親, 唯有繞路而行, 所以大家來到呢度要小心留意狗隻 ! 過左梅子林可以轉上去茅坪架啦 ~ 由茅坪直往昂平觀景台, 熟悉的路段, 我們卻被壞蛋牛阻路了 !! 沿麥徑第 4…
大家見我呢期咁勤力去開始練山, 唔洗問都知我梗係又報左比賽啦 ! 有時我都唔明點解自己成日都要攞苦黎辛架 … 呢朝早難得朋友出山陪我練下腳, 咁就先由川龍的端記茶樓開始, 嘆完茶食埋點心先出發吧 ~ 大帽山端記茶樓早就出了名, 因此食客不絕, 想要有位坐又易攞到野食, 咁就最好早點到來了 ! 由川龍漫步而上, 途中有山徑可以直達扶輪公園, 那才是行程正式的起點 : 目標就是要逆行針草帽 !! 逆走大帽山的感覺有點奇妙, 就像我從來没有走過這條山徑, 一切變得跟我所認知的不大一樣, 很有新奇的感覺 ! 是日大帽山的風景非常好, 放眼遠望可以看到很多地方 : 荃灣, 錦田 及 大埔都可以看到 ! 來到草山, 本來針草帽中最冇傷害性的一座山, 在逆走之下,…
今次一日內走了 3 條短線 : 慈沙古道、衞徑第五段、道風山, 如果大家冇行慣山的話, 絕對可以分開 3 次慢慢玩架 ! 新年前, 我去了一趟西貢大枕蓋看吊鐘花, 諗住都係花期水尾, 點知呢日去行慈沙古道 & 衞徑第五段之時, 竟然仲有機會見到大量剛開的吊鐘花, 加上是日下著細雨, 吊鐘花上凝結了很多小水珠, 令吊鐘花多了一份美態 ~ 慈沙古道起點在水泉澳村附近, 最方便就係沙田圍站集合, 跟住先去對面沙角村大排檔食個早餐, 再沿水泉坳街去到相一中那 “馬鞍山郊野公園” 入口, 那就是山徑之起點, 由這裡走到沙田坳道獅子亭, 全程只有 2 公里左右, 應該可以 1 小時內完成 ! 起步冇幾耐, 就見到山邊的幾棵吊鐘花正盛開著 ~ 雖然今回冇藍天,…
這個旅程早在 2018 年 Boxing Day 完成, 卻一直被我拖延至今才記錄下來 ! 由於實在太鐘意西灣 / 鹹田呢條路線, 今回又遇上啱玩山友們, 可以再走遠一點, 衝出了大灣, 去埋東灣, 直出長咀 ! 全桯一共 20 公里, 行下 hea 下又訓下, 都玩左大半天直到天黑 ! 講左咁耐, 忘了話俾大家知是日起點在西灣亭 ! 直落西灣, 先來一碗豆腐花, 再接上麥徑第 2 段. 自經過左山竹吹襲, 雙鹿石澗係西灣的河口位好似改變左咁喎 … 過左西灣, 穿過山林,…
接近農曆新年, 又是吊鐘花盛開之時, 早兩個星期我的人尚在北海道, 卻已經被朋友們在 FB 瘋狂洗版中, 那時候就說回到 HK 必定要去賞一次花. 剛剛的 weekend 有空, 就請教左朋友邊度有賞吊鐘花熱點, 結果就決定了要一遊大枕蓋 ! 起點可以選擇由北潭涌, 過了閘口沿路而入, 再轉入北潭路, 直到鹿湖郊遊徑的起點 ~ 明明二月時份, 竟然係 24 度, 差點熱到好似夏天咁呀 !? 我們的冬天去了哪裡 !? 難道氣候變化真係咁唔值得重視 ?! 行左都冇半個鐘, 遇上第一棵路邊的吊鐘花了 ! 剛好是日得到藍天白雲, 襯托出吊鐘花的紅 ~ 這條路線可長可短,…
呢轉山都差唔多係成個月前的事情, 快快手手清埋佢, 尚有 N 個旅程未開頭 … … 上個月我們尚在操山的熱情當中, 正打算來個長課 42 公里, 可惜最終天不造美, 又濕又冷的天氣令我們走不夠 20 公里, 就決定要收工啦 ! 大家對衛奕信徑不會陌生吧, 今回是衛奕信徑第三及四段, 由油塘魔鬼山腳起步, 穿過馬油塘到井欄樹, 之後上東洋山, 再經飛鵝山回沙田坳道. 油塘的魔鬼山, 也不是第一回走, 而且次次由這裡起步, 都似乎未能走完心目中預定的路線架 ! 藍田後山, 一邊藍田, 一邊將軍澳 ! 經過井欄樹, 往東洋山進發 … 東洋山上, 遠眺西貢…