七月尾的海天全日潛, 而家先可以補上記錄 ! 日潛我地去左火石, 第一潛落到去 17.4m, 暖水 28 度但濁濁地, 睇唔到 d 咩就番上淺少少玩, 反而有 d 嘢影下喎, 玩左 55 mins ! 為何我未見過的蝶魚咁難影, 總係一閃而逝架 … 唉 ~ 我條黑點蝶呀 ! 今年好似見番多 D 點的擦子膠 ! 拳師蝦, 雖然係 common 嘢, 但見佢擺晒 pose…
HK : 日潛火石 與 夜潛癩痢
HK : 2022 LOB 兩日四支 @ 桑樹排 & 南果洲
呢排又要開始本地潛的遊記, 今回追番 6 月時份的本地 Liveabroad 先 ! 繼舊年玩過一次 LOB, 覺得 2 D 1 N 咁玩都幾過癮, 今年就相約好潛友們再玩多次啦 ! Day 1 我地試過開出蒲台島, 結果水況相當不勘, 咁就退回去桑樹排玩番左兩潛 … 下午 1 點玩第一潛, 最深去到 19.5m, 24 度水中玩了 48 分鐘, 大部份時間濁水而行, 幸好都搵到小小嘢影下相, 至少搵到呢隻條紋兔係我未見過的 ! 仲搵到龍蝦仔一隻添 ……
HK : 魚拓新體驗
早排由朋友安排之下, 我地竟然喺 HK 都可以學到點做魚拓, 非常有趣的一個技術 !! 我諗我第一次見識魚拓, 應該就係去日本旅行之時, 店主的作品大大張掛喺牆上, 成間房即刻有型晒架喎 ~ 工作坊開始之前, 我地先同駐場貓貓交流下先 ! 今回工作坊係由支持環保海鮮的 Choose Right Today (識揀海鮮) 安排, 大會先講解一下環保海鮮呢個概念, 而令人估唔到的是 HK 人食用海鮮的數量, 竟然排全球第二, 緊次於海島國家 Maldives ! 至於點解海鮮都要選取環保海鮮呢 ? 理由好簡單, 無止境咁食用各式海鮮, 就有機會因為採捕過度而令物種滅絕, 事實上各類海鮮都有潛在的食用風險, 而香港暫時對入口海鮮係未有要求提供清晰的入口資料架喎, 咁就形成左某程度之食用風險了 ! …
HK : 又係冇咩睇之兩潛 @ 尖洲
上個月的水質都似乎麻麻, 個水底亦似乎很安靜, 呢日的尖洲都係一貫冇乜好影, 咁就純落兩支當水療囉 ! 第一潛 : 尖洲, 27 度水潛左 62 mins, 冇去深水, 最多 9.5m 咋 .. 呢一潛向爛頭排方向, 但除左幾條魚, 咪繼續都係呢幾條魚囉 … 中途加映, 呢個好眼瞓的人仔生日 … 朋友買埋迷你生日蛋糕賀一賀佢 ! 第二潛都係尖洲, 今回再熱一點的 28 度水, 潛左 60 mins 就放棄了 …全因水中真係靜過鬼呀 !!…
HK : 半自動完成的陶瓷班
早排未有咁忙時, 去報咗次好耐冇玩的陶瓷班, 結果都唔洗自己點出手, 導師就已經幫助我地完成咗個陶瓷杯囉 … 我都明白大部份初學著都唔太控制到力度, 但基本教學都要俾時間去練下架嘛 … 計埋都冇乜幾下去掂舊泥, 就喺導師手中變成杯了 … 雖然造杯我冇乜得出手, 但係上色點都輪到我啦嘛 !! 為陶瓷上色就要一層再一層來, 點樣配搭係可以自主話事, 但就要留意各種顏色之組合, 兩者合一可以變出不一樣的色彩 ! 我想做個沙灘與海洋的組合, 就靠色板的 2 款顏料了 ~ 呢度的顏料選擇都幾多, 一共上左3 – 4 層, 每層吹乾先可以再上, 玩下玩下都可以用左 2 小時架啦 ! 上完色都唔可以攞走住, 仲要等 workshop 燒製完,…
HK : 自製簡約木茶几 @ 木民
早排朋友想要張木茶几俾小朋友用, 眼見目標貨品標價高達數千元, 咁啱我手痕想玩木喎, 又咁啱有朋友都想玩喎 … 就咁我地四人成團, 搵左輝師傳幫手, 要佢開班教我地整啦 ! 好一陣子冇上師傅度, 換個地方大左又花猛左, 個 workshop 勁舒服囉 ~~ 開工 ! 要開料就要先量板 ~ 今回作為簡單製作, 不用入榫, 真係慳力快手好多架 … 傢具講求平穩, 要穩固茶几, 多條平衡木是必要的 … 基本安裝完成, 但要追求手感, 仍然要作點後期修飾上蠟 !! 下午茶小休時間, 樓下間…
HK : 夜間尋寶 @ 大埔滘松仔園
本年度雖然錯過了夜光菇, 但大埔滘確實係一個唔會令人失望的地方 … 今回帶埋夜光燈去, 成功找到我幾想一見的蝎子 … 蝎子體型不大, 就只比一個五蚊銀大一點, 原來收收埋埋左好多隻喺牆角處, 間中先至申對鉗仔出黎, 一遇到少少夜光, 就會縮番入洞, 好鬼怕羞咁架 ~~ 喺呢度即使咩都睇唔到, 一地青蛙都應該唔會少 … 嘩 … 好在冇踏中佢咋…. 大條到呢 …. 見唔到夜光菇, 但仲有佢地 … … 我唔識分辨菇的種類, 大抵只睇到邊隻靚, 邊隻生得好得意 !! 僅餘的粒夜光菇 ! 明明前幾天都仲有, 聽說之後大雨過後又出現, 就係偏偏到訪之一睇唔到哦…
HK : 清水但迫爆的燕子岩 & 東壩
呢日終於跟到呢條船出海啦 ~~~ 今回先出燕子岩, 難得呢個潛點水清, 吸引左好多條潛船聚集, 落到水底係真正的人山人海呀 ! 第一潛呢, 我都冇乜離開過條沉船, 因為只要再落深少少就已經唔清, 結果最深只去到 13.1m, 24 度水溫玩左 69 mins ! 剛落水就見到佢地呀 ~~ 多謝 Buddies 指左 Bluespotted wrasse 的 BB 俾我睇 ! 難得見到咁清楚的英泥沉船 ! 呢群大眼仔銀魚好得意, 游埋去時, 佢地成班好似望實住我咁架 … …
HK : 閒日紅雨潛 @ 東壩 & 癩痢
呢日, 好可能係本年度最後之閒日潛, 點知 … 都可以撞正大半天紅雨架喎 !! 不幸中之大幸的事實, 水面濁水但水底尚清, 而且天色昏暗加濁水阻隔, 竟然白天有夜潛 Feel 喎 !! 是日第一潛 : 東壩 ! 26 度的水溫, 最深只係 8.5 m, 所以玩左 100 mins 其實都未想上水架, 但天氣轉差下又雷又雨咁, 加上下水前 onboard 講定唔好太遲上水, 咁我地都係唔好玩咁盡啦 ! 本年度第一回重遇濟公魚 (Cockatoo Waspfish) 呀 !!…
HK : 賭上的兩潛 @ 桑樹排 & 牙鷹排
連續兩日出潛, 可見證天氣一夜間轉變之快, 前一日一尺石還是風平浪靜, 隔一日我地喺快艇闖著 4 至 5 級風浪, 未落水已先濕晒咁衝出去桑樹排 ! 到達潛點係一件事, 落到落唔到係另一件事, 都要睇下運數與體力, 遇上呢個水面大流, 我都真係差點船頭都去唔到呀 ! 第一潛由於花左唔少時間喺水中回氣, 呢一潛只可以玩到 43mins, 最深落到 15.9m, 水溫唔係特別凍的 24 度 ! 呢期不再只係果洲見到海蘋果 ! 非常 Colourful 的花林, 水下能見度不錯, 而且冇乜流, 真係人都定番晒 !! 好似好耐冇見到呢兩款膠膠地的兔兔 ……
HK : 難得的風平浪靜 @ 一尺石
再來筲箕灣出潛, 今回難得的風平浪靜, 成功出到去一尺石呀 !! 呢次的一尺石, 真係平靜到浪都冇層呀 … .. 第一潛最深落到 16.5m, 無緣落去 20m 睇海花林, 但 12 – 15m 都已經好好玩 ! 24 度水玩足 50 mins, 都幾多嘢影架喎 ~ 各種色彩, 各種生物, 非常 colourful ~~ 是日第一隻小白兔 ! 升上番少少, 10m 左右深度,…
HK : 陪人開季試 Gear @ 牙鷹排 & 東龍島
本年度再次筲箕灣快艇出潛, 主打的係南區附近潛點, 可惜是日吹起 4 – 5 級風, 都唔會出到咩遠位, 咁就近近地東龍島好了 ! 係維港向東而行, 經過鯉魚們 & 將軍澳, 就會到達東龍島啦 ~ 第一潛係牙鷹排, 呢度收埋左秘密花園 ! 由最深 16.8m 落水, 慢慢往淺水而潛, 24 度水唔算太凍, 但能見度非常一般, 我地只玩左 45 mins 就上水了 ~ 真係覺得呢日係陪 2 位朋友來開季試 gear 的 ! …