十月又是進入行山好季節, 這回我們來到大帽山 ! 未出發, 先醫肚, 反正要上大帽山, 又何不先到川龍飲個茶 ?! 我家以往一向幫襯開彩龍, 不過我已多年没去, 也有感點心水準不復當年; 既然今回朋友們說要到端記, 倒也不妨一試 ~ 基於這茶樓人流旺, 點心去貨頗快, 大多即蒸即出, 夠晒熱辣辣. 整體食品質素不錯, 比預期中還要好, 特別那個煎堆剛炸起, 夠晒新鮮 … 下回再來大帽山行山, 都可以再去幫襯下, 最好梗係食埋西洋菜啦 ~ 由川龍出發, 我們開始要登上大帽山, 途經川龍的小村風景 ~ 我們沿村中行車主道, 前往至漁農自然護理署大帽山郊野公園川龍管理站, 那裡隠藏了一道轉往山上的小路 … 上山路徑是連錦不絕的樓梯、樓梯…
本星期繼續出海, 早上給雷响吵醒了, 下著雨還是開車前往西貢. 是日早上天氣不太好, 海面有浪, 最後還是出發火石, 到場才發現真係非常旺場, 計埋我地足足有 6 條潛船咁多 ~ 火石這個地方, 其實真係幾靚架, 一排排六角柱石, 幾咁吸引的風景 ! 往水中一跳, 下潛到 19 米, 能見度不算好, 3 米左右, 但也足夠我們慢慢去玩 ~ 呢期最常去小洞穴前碰碰運氣, 看看找不找到 Goby 們, 今回俾我搵到條小朋友, 可能見我守住係佢門口, 即刻 O 晒咀 !…
我已經整整一個月没有機會下潛, 趁著這個 weekend 就來個連日潛吧 ! Day 1 由西貢出發, 直達果洲群島. 第一潛, 我們下水於北果洲 ! 事過一星期, 外潛式大藍水境況不再, 只得到是 1 – 2 米 visibility, 不禁大呼錯過了 !! 水質不佳, 也無謂深潛, 維持在大約 8 – 10m 左右, 欣賞一下水中小花園吧 ~ (找到一堆卵, 但未知是何生物的, 看樣子似乎已經孵化 ?!) 冇咩影, 又學下人影魚魚囉…
這條不是新的行山路徑, 事實上我今年 5 月才介紹過一回. HK : 好行好食的半天 – 烏蛟騰 – 三椏村 – 荔枝窩 – 鹿頸 由於這條路線實在好食又好行, 我又剛好正在儲里數中, 因此相約了朋友們來重遊一次. 早上先到大埔墟吃早餐, 本想到新明發吃盅頭飯, 怎料東主有喜, 那就改道回大埔墟街市二樓的 林記點心, 出發前來個一盅兩件啦 ~ 真係好鬼抵食, 四人份量才不過 HK$ 130, 夠晒燃料去上山啦 ! 我們仍然是由烏蛟騰出發, 由於該地正在進行工程, 有改道設施, 大家請留意 ~ …
事隔 2 年, 今年終於又有機會去 WWF 海下灣的活動中心, 跟 Buddies 們齊齊去幫忙帶活動 ! 經過了 2 個颱風的洗禮, 而我也整個 8 月没有下過水, 是日水質似乎非常不錯, 單在岸邊也可以看到清澈見底的海邊 ~ 早上到達中心時, 天色明明是很好的, 藍天白雲, 似乎是下水的好天氣 ! WWF 所舉辦的浮潛活動, 希望經過活動提高參加者們對海洋的認識, 從而令參加者更注意海洋保育的重要 … 舊日網誌 : 2015 HK : WWF 浮潛日 @ 海下灣 經過好一陣子的準備 及…
本星期終於可以去幫手啦 ! 自從知道棕櫚硬脂污染事件, 又知道呢個政府唔打算做 D 咩, 我就一直想去幫下手, 希望盡一分力去清理下 ! 是日得到朋友安排, 我地齊齊入南丫島幫手 ~ 出發前, 梗係要食番個早餐先啦, 話晒都要體力勞動架喎 ! 我間中就鍾意去下 The Cupping Room 飲下咖啡, 今回 Brunch 那份 open sandwiches 其實也不俗, 但份量可能略為不夠, 以 $100 一份來說, 我覺得有進步的空間. The Cupping Room 有數間分店, 中環…
一年一度的收米季節又到了 !! 大家有冇睇過我去年的介紹呢 ?! 冇錯 ! 本星期我們再次出動到上水塱原, 齊齊去稻田上開工 ~ 嘩 ! 今回天氣 180 度轉變喎 ! 去年我們太陽高掛, 熱得人人差點中暑, 今回嘛 … … 我們得到雷暴警告及間中的大雨囉 ~ 不過即使天氣不怎麼樣, 塱原的風景依然很美, 很不一樣的 HK 吧 ?! 去年的遊記 : HK : 收米囉 ! @ 上水塱原 去年來時荷花正盛,…
7 月 1 號 – 對大家來說, 有什麼意義呢 ?! 對我嘛 … 就是一個普通的 weekend, 不會想去看那些虛幻的煙花, 也不覺得有什麼值得好去慶祝 ! HK 自譽為國際大都會, 本人看到的是醫療、福利及基層民生, 實際情況連第三世界都不如 ; 好高騖遠的工程一個接一個, 卻連基本房屋政策也做不好. 真想問一句, 請問要去慶祝些什麼 ?! 既然不打算慶祝, 卻也無阻我進行日常活動 : 遊山玩水 ~ 是日相約了朋友到鯉魚門逛逛, 經過了早前一些大雨天, 近日天氣又變回炎熱, 艷陽高照, 天色同時也清明起來. 走在鯉魚門的海邊, 欣賞著那片海天一色,…
一星期一度的潛水日, 一心期待著好天氣, 這天卻有點反覆無常, 剛剛還在陽光普照, 轉眼間卻來個傾盤大雨 … 雖說潛水不介意下雨天, 但總是期待著出海會有好天氣的嘛 ~ 没關係啦, 是日我們又跑到漁排去 … … 每一回看到漁排上的貓貓, 都有點羡慕牠們那種慵懶的模樣, 好 Hea 卻又好嘆哦 ! 是日第一潛, 竟然是出名水濁的海下沉船哦 !! 剛下水那一刻, 水真非常的濁, 很多漂浮物, 心想下潛到底都應該要摸著來潛 … 怎料下潛到 12 – 14 米左右, 能見度竟然有 2 米, 不過水溫則降至 23 度,…
隔左個星期再去潛水, 剛好遇上了下大雨之日 … 其實去潛水呢, 落唔落雨都唔太大關係, 反正都係會全身濕晒架啦. 但係 … 回程羅車時, 都令到我全身濕透, 我真係覺得自己係水面仲濕過係水底囉 !! 是日我們出了白腊仔, 不過成程又係好大湧, 結果潛了一個連飯都唔開, 上水即閃 ! 就係呢一潛, 跟隨了我 14 年的潛水錶, 出現了朋友曾預告過的 certify 表徵, 我想它夠鐘要退役了 (當然我會再帶佢去俾人檢查一下). 不得不說在這兩年內, 我整套潛水裝備唔見的唔見, 壞的也壞了, 家下連潛水錶也要罷工了. 是日能見度有多好 ?! 看看相片就知道, typical HK 水質哦 ~ …
最近不停在上山下海中, 似乎南美之旅後, 我定期就要去放電 … … 有見是日天氣有點不穩定, 我們就選了我家後山的路徑作起點, 貪呢條路線較多 exit points 嘛 ~ 由華翠園路口進入, 沿著石屎路就會來到相中的配水庫, 再往前走是那專為老人家們而搭建的簡單涼亭, 全條路線都是舖設好的石板路, 非常容易行走, 怪不得這裡也是居民晨運熱點. 來到第一個分叉路, 會見到右邊是往火炭黃竹洋村的下山路, 而左邊前方則可以找到前往草山 / 麥理浩徑的指示牌 ! 這段是一道連續上山的石梯路, 不會太難走, 只要自行調節好節奏便成. 上到山脊, 只要再向前走 700 米平坦路段, 自會到達城門水塘內的範圍. 平常我們都會往草山進發, 今回卻選擇了另一條路, 往城門水塘方向而行…
這個星期, 天文台明明話天氣會轉差, 點知等黎等去, 除左熱了點又焗了點之外, 都不知幾好天呀 ! 我地本來仲擔心要取消本星期的 Fun Dive, 結果 … 個日曬到傻哦 ~~ 今回係同潛友們去漁排, 我呢期實在鍾意漁排多過上船, 快艇出人少一點, 自由度又高點. 唯獨黃石出船, 開車入去就要有俾人炒牌的心理準備囉 ! 是日天氣雖然穩定, 但卻也大湧了點, 第一潛下了打浪排, 真係水面又搖, 落到水底都在搖, 唔信 ?! 陣間睇埋個 Video 啦, 兔兔在玩大風吹 ~ 第一潛水溫很好, 27 度水, 一點不會覺得凍 ! 最深去到…