本星期回歸本地潛, 點知迎來屎水一片 ! 第一潛來到浪茄, 未落水都大浪到爆, 一落去直達 7 米已是濁水一片, 上番 5 米再往前游, 終於叫做睇到下野啦 … 成個潛魚都睇到唔少, 但影就真係無能為力, 濛到呢 …. 我只影到唯一一隻兔, 以及我 Buddy 朦朧的身影 … 死磨爛磨都俾我地玩左 45 分鐘咁啦 ! 第二潛回歸香港馬爾代夫 – 橋咀 ! 咪睇少這個 O 仔訓練場, 呢度勁多水中生物可以找得到, 今回搵下搵下, 都在濁水中跟海龍海馬相遇了 ! 橋咀一向住左幾條大鯆魚,…
本月快要外潛, 本星期跟朋友們齊齊去漁排出潛 ! 最近天氣極其不穩定, 前一晚還下過大雨, 原以為這天也是要玩水戰, 卻想不到天氣意料之外的好, 就連大海水質也不俗, 成功去到獨牛 跟 打浪排 潛 2 支喎 ! 漁排換衫, 快艇出潛, 第一站來到獨牛 ! 最深下潛到 21 米, 遍地也是軟珊瑚, 美得尤如海底公園, 可惜卻異常平靜, 在珊瑚群中没有找到太多拍攝題材 … 這一潛還是玩足 1 小時, 水溫大約 24 度, 潛到尾段還真有點冷哦 ! 朋友指俾我影, 我咪影下囉…
本星期朋友相約去玩浮潛, 没想到來到 4 月尾, 氣溫都已經熱過了好幾天, 竟然仲可以係香港水域內見到馬尾藻, 真係好靚好開心呀 !! 玩浮潛的感覺係 free 好多, 没有了笨重的 gear, 可以更自在的在水中穿梭, 不過當然停留在水中的時間就減少了, 每當下潛時用光了一口氣, 我就得回水面啦 ! 我們在這裡玩了兩個多小時, 我泡在水中一個多小時, 以大約 24 度水溫左右, 未有覺得太冷, 可以接受 ~ 這篇没有太多介紹, 看看 HK 海域內, 佈滿馬尾藻的一角吧 ~ 水質不錯, 能見度有4 – 5 米…
點解選用上面張相作 Cover Photo ? 因為我第一次見到呢款兔兔囉 ! 話說呢個 weekend 又出潛, 今回有幸跟高手出船, 坐快艇由白沙灣直出長短咀, 沿途飽覽香港地質公園之風景 ! 第一潛就在長短咀之間, 真係估唔到呢度都有得玩, 呢潛我地長期在10 米內搵野影, 結果一潛就潛左 75 分鐘, 如果唔係水咁鬼凍, 我諗我地成班唔會想上水囉 ~ 明明隻錶寫 21 – 22 度, 算係比上星期暖少少, 但反而落左水我覺得凍過上星期喎, 潛到尾我真係凍到震晒, 上左水都仲係度震緊呀 ! 呢潛我係度勁影海兔, 見識左乜野叫一地都係兔呀 ! 呢隻鍋貼仔,…
係 ! 冇錯, 今年我地決定係今日開季 ! 明明早兩日仲有 20 幾度, 點知今日一黎就跌到得番 15 度, 咁的天氣去開季, 真係少點勇氣都落唔到水呀 ~ 今回跟海天出, 潛點 – 吊鐘洲 ! 咁鬼凍又咁鬼早出海為左咩 ?! 就係為左一落水就睇到的 – 馬尾藻 ! 第一潛 : 係水溫只有 21 度的情況下, 我地竟然可以玩足一支 55 分鐘, 仲俾我係咁往深水潛到 13 米, 有時我都覺得我地係傻傻地架 !…
話說比賽前的一星期, 我們仍然有去比賽路段熱下身, 即使當日的天氣真不怎麼好 ! 這回我們逆走了麥徑第三及第二段, 起點自然是水浪窩啦 ~ 起步之初, 細雨紛紛, 路上泥濘處處, 還出現淙淙流水, 真係一步一驚心架, 因為踩錯腳的代價實在有點太麻煩 … 雞公山實在是順走麥徑的惡夢山之一, 事實上逆走也不是易事, 不過上到山頂上的景色實在不錯 ~ 隨著我們前進, 天氣轉趨穩定, 而景色也漸變清晰 ! 下山, 前往北潭坳 ! 逆走麥徑第三段接近完成 ~ 起步之初的赤徑為常走路線, 風景拍太多, 倒可看看路邊小野菇 ! 天氣不佳, 行山人仕不多, 就連興記呢日都話唔煮糖水啦 !…
這個旅程早在 2018 年 Boxing Day 完成, 卻一直被我拖延至今才記錄下來 ! 由於實在太鐘意西灣 / 鹹田呢條路線, 今回又遇上啱玩山友們, 可以再走遠一點, 衝出了大灣, 去埋東灣, 直出長咀 ! 全桯一共 20 公里, 行下 hea 下又訓下, 都玩左大半天直到天黑 ! 講左咁耐, 忘了話俾大家知是日起點在西灣亭 ! 直落西灣, 先來一碗豆腐花, 再接上麥徑第 2 段. 自經過左山竹吹襲, 雙鹿石澗係西灣的河口位好似改變左咁喎 … 過左西灣, 穿過山林,…
接近農曆新年, 又是吊鐘花盛開之時, 早兩個星期我的人尚在北海道, 卻已經被朋友們在 FB 瘋狂洗版中, 那時候就說回到 HK 必定要去賞一次花. 剛剛的 weekend 有空, 就請教左朋友邊度有賞吊鐘花熱點, 結果就決定了要一遊大枕蓋 ! 起點可以選擇由北潭涌, 過了閘口沿路而入, 再轉入北潭路, 直到鹿湖郊遊徑的起點 ~ 明明二月時份, 竟然係 24 度, 差點熱到好似夏天咁呀 !? 我們的冬天去了哪裡 !? 難道氣候變化真係咁唔值得重視 ?! 行左都冇半個鐘, 遇上第一棵路邊的吊鐘花了 ! 剛好是日得到藍天白雲, 襯托出吊鐘花的紅 ~ 這條路線可長可短,…
九月好似冇乜點落過水, 難得 10 月仲有得潛, 仲收到風話水溫和暖又清澈, 梗係死跟啦 … 出海真係好重要, 點去游水行山跑步都好, 都不及下潛一轉咁可以放鬆, 我的水療哦 ~~ 我們在 Magic Hour 中出發 ~ 今回夜潛火石, 果然真係好好潛, 水溫 27 度, 能見到非常高, 有外潛 feel 呀 ! 一晚潛兩支, 每支大約 60 分鐘左右, 真係吸晒支氣先上水 ! 剛下水, 我地就遇上了這隻大墨了 !! …
山竹呢個十號風球過後, 先後到訪過 2 處郊區地方, 第一個在海下灣 ! 這裡路徑清理得不錯, 海灘上也不算多雜物垃圾, 據聞短短數天內已有義工到場幫忙清理, 必需讚賞一下各位很有效率的有心人 ~ 今回又係一年一度義工日, 我們來到海下灣海洋生物中心 ~ 這天天氣好得完全不似剛打完風球哦 ! 下水浮潛前, 我們先坐上玻璃船, 看一下海下灣的海底世界 ~ 接著, 先到附近沙灘練習一下, 就可以到珊瑚公園那邊浮潛了 ! 是日水質不太差, 面水清澈, 再深一點到 1 米多則開始混濁, 水溫也尚算合適, 偶爾間有冷流飄過, 我就覺得浸在水中晒著太陽剛剛好, 完全不願意上水回船 … 不幸的是, 我的水底相機仔忘了關好上鎖, 結果…
這朝早雖然又黃雨又雷暴警告, 但輪到我們出潛之時, 天氣驟變得風和日麗 ! 今年潛友們都有點幸運, 潛到八月都大部份遇上了水清時間, 是日也不例外, 係漁排都可以咁水清 ~ 第一潛, 我們來到打浪排, 水真係幾清架, 剛下潛就遇到佢啦 !! 突然成個 dive 變得好有外潛 feel, 又可以影到水底景, 又有大野影 … 呢個 dive 玩左 57 分鐘, 最深去到 15 m, 再下潛深一點就遇上一層奶白色水流, 靠近就有會有陣陣寒意, 所以我地都冇勇氣去闖過啦 ~ 睇下, 大家睇下呢度係咪清先 ! 記住呢度係打浪排喎…
呢期繼續上山, 今回由朋友帶我隊去西貢靚位影 profile pic ! 出發前, 照列去西貢食個 brunch 先, 接著轉走北潭涌 ~ 這條路線難度不高, 路程也不長, 起步點就在北潭涌自然教育徑, 也就是前往上窰民俗文物館的同一路上. 上窰民俗文物館附近一個已荒廢的灰窰 ! 上窰民俗文物館, 一個我知道左好耐但一直未有機會去的地方. 前身為客家村屋, 現改建成博物館, 是一座可見識前人智慧的地方 ! 上窰民俗文物館 Webpage : http://www.heritagemuseum.gov.hk/zh_TW/web/hm/museums/sheungyiufolk.html 這些郊野中的老房子在香港買少見少, 大多不是被荒廢而損壞了, 就是被收回清拆重建. 事實上這些舊房子非常有特色, 而且空間感十足, 如果類似的房子可以改建成 B&B, 我覺得真係幾唔錯架 ~…