Day 2 又是吃喝玩樂的一天 !
這天的早上, 始於酒店附近的南屏雅敘 …
以往去澳門都會幫襯下的舊式冰室, 其名物係厚厚的南屏治, 當然還有傳統沙翁 & 奶茶, 最重要的賣點還有冰室的懷舊裝潢 !
南屏雅敘
新馬路十月初五日街85-85A號地舖
Team Lab 幾年前也去過了, 雖然總是人山人海旳, 但都頗值得一去的 ; 今回喺澳門的 Team Lab 原本也打定輸數會爆多人, 但又估唔到早場之下, 竟然都可以搵到拍獨照的空間 !
若要玩齊晒咁多間房, 大家可以 download 佢地個 Apps 幫下手, 而搵到搵唔到我真係靠彩數 only, 幸運的可以唔洗排隊下玩齊咁多間房 ~
玩光線的一間, 會變色又會變光度的, 都係一個唔錯的影相 Background !
一屋太陽花 …
呢間房好好玩架, 勁多大型波波滿場飛, 而且配上不同的顏色燈光的變換, 好似大人的波波池咁架 !
大海與海洋動物, 我的眼中就只有那條鯨魚 ~
其他的光影裝置 …
另一間玩光線變化的房間, 很迷幻 ~
重回主館展場 … …
原本打算去完 Teamlab 就入黑沙環逛逛, 點知等左幾架巴士都全滿飛站了, 那就唯有返回市區吧 !
呢間牛記咖喱美食看來似是間普通茶記, 不過佢的蟹黃撈麵都幾唔錯, 配簡簡單單的魚蓉粥都幾夾, 本來好想食煎墨魚餅, 但太早未有就唯有食炸雲吞啦 ~
牛記咖喱美食
新馬路十月初五日街1號地舖
倫記軟滑腸粉唔洗我多去介紹, 由冇乜人排隊食到佢而家係米子蓮推介, 雞蛋腸水準依然, 現點現做值得俾耐性等一等師傅的 ~
倫記軟滑腸粉
沙梨頭沙欄仔街26號泉彩樓地下B號舖
新馬路十月初五日街上, 新開了的臭豆腐店 : 臭匠屋, 臭豆腐都可以的, 但可以減番 D 汁醬 …
吳廷記的即炸熱辣辣紅豆餅, 講真咁新鮮即做的小食, 都唔會太差架啦 !
吳廷記
下環街市市政綜合大樓熟食中心302舖
The St. Joseph’s Seminary and Church & 附近的 Terra Coffee House, 呢間 Cafe 的咖啡一向不錯, 數年前幫襯過都幾唔錯, 事隔數年再來, 都仍然幾滿意的 ~
Terra coffee house
龍嵩正街20號富耀大廈地下A鋪
是日晚飯所選的葡國餐廳就喺澳門陸軍俱樂部 (Clube Militar de Macau) 之內, 菜式係完全係意料之外的精彩, 性價比非常高, 結果我至今去左 3 次澳門, 所有的晚餐都係食番呢間餐廳 !!
呢間餐廳的野食好到, 連麵包都會令人唔想錯過 ;
如果喜歡甜酒, 來這裡不妨點一杯白砵酒 (White Port) 試試, 易入口而且可以開開胃 …
跟朋友們常感嘆, 何解這裡連 sparkling water 都好飲過人, 唔好講笑, 我真係有 search 過 HK 有冇地方賣呢個牌子的 sparkling water 架 …
炸馬介休球係唔會輸的 ; 配清新的八爪魚沙律 ~
呢度的鴨飯唔會太油膩, 飯煮得又香又帶點脆, 超級好食 !
好食到要即場買多份外賣, 帶番 HK 俾我細佬食 ~~
嚟呢度食飯, 一定一定要留肚食甜品, 甜品 List 足足有 2 頁咁多, 而且款款都寫到好吸引咁架喎 ~
今回明明食到好飽, 我地都忍唔住要咗份朱古力心太軟 配 Sobert, 真係非常好食架 !!!
若想知其他甜品介紹, 可以留意下嚟緊另外兩篇澳門之旅遊記喎 ~
行程滿滿的 2 天遊, 滿足地開車回港 !
