(警句: 內有看後令人不安的照片, 要有心理準備 or 直接跳過這章)
說來神奇, 車剛駛離 Mt Cook, 轉上 Highway 那一刻, 已經完全停雨了 ! 不過厚雲仍在, 睇下遠處的山脈, 差不多被雲層吞噬了一半 ~
繼續往南走, 目的地係 NZ 最出名的 Queenstown, 中途經過了一個 Salmon Farm, 跑入場無端多了個 free event, 一人拿了一包免費魚糧, 準備餵魚池內的巨型 Salmon, 佢地爭食魚糧時o個種瘋狂同激烈, 身為同鄉的我都不禁心諗 : "乜你地餓成咁呀 ?!".
Farm 所賣的 Salmon 是整條計的, 價錢相宜, 如果唔係尚有幾小時車程, 加上並不打算到 Queenstown YHA 煮食, 否則一定會買一條肥美同鄉回 Hostel, 我想應該可以煮出一頓美味大餐來 !!!
玩完餵魚又再出發, 一邊開著車, 見到那兒的風景值得一影, 就停到一旁, 這樣開開停停走了 2 個小時 ! New Zealand 的 Landscape 真的無可挑剔, 隨便走上一段路, 轉一個彎都可以是個美景, 要影相真係點都影唔完架 …
我地跟據地圖, 轉入了小路, 卻發現 To The Clay Cliff 的私家路要收費, 不過我地對這個景點全無資料, 為怕白付路費 NZ$ 5, 決定回頭唔入去啦 ~
呢一次的車程, 又發生意外了 !! 走到某農場附近, 突然見到路的兩旁多了幾隻綿羊, 跟據經驗, 小羊一緊張就會唔理咁多衝去媽媽度, 今次亦唔例外, 可惜今次羊媽媽係對面馬路, 當車快駛到之時, 小羊突然衝出馬路, 但我只可以減速, 唔可以剎死架車, 一來我怕重演澳洲反車一幕, 二來後面有一架開著 100 km/hr 的四驅, 可惜論我點減速, 還是將小羊撞到了.
我將車繼續減慢, 最後停到一邊, 後面跟著的車亦慢駛而來, 經過時還告訴我們, 羊已經撞死了, 但錯不在我們, 還叫我們繼續上路好了 ! 不過我還是想回頭看一下, 結果見到小羊奄奄一息, 四周的羊都躲到一旁看著我這個兇手, um .. 最後我拍下了這張相片. 減速下都撞成這樣, 可想全速下會有多恐怖, 還是小心開車吧 !
下一站, 可算由北到 Queenstown 必經的小 Town – Cromwell. 只要見到這樣一個 landmark, 不難估到這個小 Town 盛產就是生果 !! 果然短短 10 分鐘車程, 已經見到不下4 / 5 個生果檔, 駛入其中一家尚在營業中的店, 一眼就見到我最愛的 pink cherry, 生果有分 1st 同 2nd class, 價錢當然亦有分別, 不過咁新鮮又即買即食, 2nd class 已經好夠, 另外 nectarine 都好靚, 冇法啦, NZ 正值 summer, 點會冇靚生果食丫 …
除左鮮果, 仲有乾果, 一樣種類齊全, 價錢仲好抵添架 ~
此地離 Queenstown 已不遠, 只要一直沿大河走, 好快就已經見到伴住 Queenstown 的山脈, 山脈的形狀好奇特, 但非常有型 !! 剛提到的大河, 千萬唔好睇少佢, 簡直係 Queenstown 旅遊業的生財工具, 此地出名的 buggy jump 同 whire water rafting 都係出自此處架 ~
