漂泊中的魚

 

 

上年去了長春社舉辦的塱原收成節, 超級好玩 !

今年我們則去了這個活動做義工 ~

原來做義工, 係要晨咁早就出門, 朝早 7:30 去到粉嶺哦, 咁更唔好講比我地更早到達的員工們 ~

是日天氣不太好, 煙雨濛濛的, 很有春天的感覺 … … 今年的冬天跑到那裡去呢 ?!

去年收成節分享 :  http://traveling-fish.tixmart.org/2015/01/11/hk-harvest-2015/

 

到了塱原, 放眼一片綠, 不過暫時未有空閒去逛逛, 我們得先去幫忙一下, 活動就要開始了.

今年的 passport 似乎比去年又靚左啦 ~

 

 

今年攞設的攤位, 跟去年的差不多, 都有以下幾個 :

售賣本地產的塱原生態米 !

 

這片農田真係引死人, 我係受不了即摘即買再即煮的這個誘惑 !

小小一塊地, 可以找到魚翅瓜 (可惜今年收成麻麻), 生菜, 西洋菜 以及 紅皮蘿蔔 !

 

個邊先摘落黎, 呢邊已經賣緊 !

16 蚊斤可以買到有質素本地菜, 都真係幾抵丫 ~~

(相四中的是我的戰利品, 回家又有好野食)

 

 

活動要開始了 !!

看著會場內一家大小不懼下雨天, 人人在泥地上跑來跑去, 小朋友們表現出活力十足, 這才是小孩應有的生活 !

只要大家努力一番, 玩多幾個攤位, 儲好印仔, 就可以換禮物了.

 

義工放飯時間 !

有熱辣辣的盅飯 及 糯米雞, 滿足.

 

尋日見到有條火龍出現, 加上有我一直都好想去的薄扶林村行下, 好自然我梗係去佢地的攤位聽下講解.

唔講唔知原來這裡可以學紮火龍的, 而且如果通過了篩選, 甚至可以到時候參予舞火龍活動, 很吸引哦 !!

我很有興趣去學一下呢, 希望可以順利約到啦 ~~

有興趣請去薄扶林村的 Facebook : https://www.facebook.com/PokfulamVillage.org/

 

 

下午有點時間, 我到處逛逛 …  今年也有土窰活動 !

不過今年落咁密雨, 泥土咁濕, 應該要用好長時間才能燒熱土窰了 ~

 

收工前去了豆花園買豆花, 可惜味道似乎差了, 只得個滑字卻没有豆味.

下回可以不用幫襯了 !

 

買回來的紅皮蘿蔔, 被我拿來作醃蘿蔔 !

將蘿蔔切片, 用鹽醃了 2 小時出水, 洗淨備用.

煮滾一杯水, 溶入冰煻 及 砂糖, 待涼後加入白醋.

將蘿蔔片放入玻璃樽, 再倒入白醋糖水, 醃 2 – 3 天便可以吃了, 期待 ~~~