漂泊中的魚

 

 

似乎好耐冇去行山, 但由於預告了天氣麻麻, 本來約好了的行山活動臨時取消了.

幸好, 有朋友打算來個 30k 的, 正好可以練下山 !!

一早出發於深井, 穿過村屋群上山, 乜呢度咁鬼多大樹菠蘿架呢 ?! 仲一枝 4 個添 ~

不過呢度起步都有點辛苦, 一開始就要行長樓梯上山 … …

 

上到這路段之後, 基本上都是平路來的了 !

當我們穿過相五中的那片樹林, 踏在那條舖滿枯葉的路徑上, 都幾好 feel 架喎 ~ (好有拍武俠劇的場景哦 ~)

 

來到清快塘, 原來這裡有一家 “喜香農莊”, 是個不錯的補給站 ~

今回未有機會試, 下回去食下野先 !

 

這段是加插進去的, 為了去石龍拱看一下風景, 可惜是日視野不佳, 只看到濛濃中的汀九橋 及 青馬橋.

要看清楚一點, 請選一個天清的日子, 由荃灣港安醫院起步, 沿著元荃古道而行便可到達.

可以參考 : HK : 從荃灣到元朗的元荃古道 (http://traveling-fish.tixmart.org/2013/01/06/yuen-tsuen-ancient-trail/)

 

接上了麥徑第九段的起點, 我們先到扶輪公園找蓮姐 !

蓮姐是誰 ?! 行山友唔會唔知, 佢就係扶輪公園小食亭的話事人, 行山友的救星 !

每回上落大帽山前後, 都要去蓮姐度醫一醫肚, 先可以安安樂樂繼續行程.

這天也不例外, 天氣實在有點冷, 越行越凍, 好彩有咖喱魚旦 同 燒賣暖暖肚, 朋友們仲要來多隻熱辣辣的茶葉旦添呀 ~

很榮幸, 這天我可以請到蓮姐食塊深水埗的雞食餅 =)

 

 

我真係第一回掉番轉頭行上山 (開車我就試過), 不過今回我們抄進了 YHA 那邊, 以山路前進 !

呢間 YHA 夠晒偏僻, 我倒真想住一次 !!

 

山路上山, 另有一番風景, 堅覺得呢段路的風景很好, 值得找個好天氣再攻一次 !

 

 

話說上呢個山真係幾驚險, 是日風太大, 好幾次我被風吹郁了, 差點失平衡呀 !

不過, 這邊看的風景很不一樣, 也有點斜, 上山要小心一點 ~

上到山, 就係大帽山山火瞭望站 !

 

再向前行就是石林 … 我們正正在這裡被困住了 !

這山路比較荒蕪, 路線不太清晰, 加上山上一片大霧, 看不到大霧山頂的波波作指標, 因此我們一直在打圈都找到不攻頂路線 …

 

我們曾經參照方位, 走上去這堆石林之上, 可惜找不到出路, 為安全計就返回原路.

 

最後根據我那 sports app 的簡單地圖, 尋回返石屎路的方向.

這個時候的天氣越來越差, 霧氣越重, 氣溫也越冷, 而我的雙手也行到腫了 … …

快快下山, 接著便要立即回家沖熱水涼暖身.

看來太久没有走遠程, 這 6 小時的運動, 竟然令我有累的感覺, 看來要開始加重練習啦 !!

 

今回的路線圖真係要分享一下, 供下回再參考 !