漂泊中的魚

 

 

Day 3  早上, 醒過來就留在民房中準備早餐, 小朋友們花的時間特長, 吃過早餐就差不多出門了 !

這個早上, 我們預約了要去飛, 對哦 ~ 要坐滑翔風箏看石垣 !

我們在出發之前, 就用 email 跟 <明石パラワールド> 的職員預約時間及人數, 應約當日的早上再打電話去作確認.

早上那個確認電話一定要打, 因為只要天氣不佳又或風太大, 都有機會玩唔到滑翔風箏.

而這個早上職員也解釋說由於風大, 可以玩到的機會只有 50 / 50, 詢問我們是否還要繼續, 我地反正要到島之最北端 – 平久保崎灯台, 就先去 明石パラワールド 看看 ~

明石パラワールド  位於明石, 在石垣島之北端, 當去到明石附近, 就會見到清晰的小小告示牌, 只要跟隨轉入小路之中, 轉幾回就會去到相二的 Centre !

明石パラワールド Webpage : http://www8.plala.or.jp/woomacoo

 

 

去到 明石パラワールド, 職員告知這區風大太, 他們轉移到 10 分鐘車程外的一個地方試飛, 仍然未知是否可以起飛, 但我們都係繼續死跟 !

跟隨著職員在前車帶領, 我們越往北走, 莫非 … 我們會去埋預定的目的地 – 平久保崎灯台 !?

 

估唔到, 我地真係黎到 平久保崎灯台 呀 !!

到達之時, 兩位飛行員已經帶緊參加者在飛行, 即係話呢日的飛行會成事啦 !

由於唔知要等幾耐, 加上我地又想去燈塔行下, 就跟職員說好了先走開一下, 全團齊齊去燈塔逛逛 ~

呢日天氣真係熱到爆呀 ! 都未行上小山丘, 就已經出晒汗, 小朋友們就係咁叫住熱, 不過都好叻叻咁自己行上去 !

呢度的風景, 真係好鬼靚 ~~~

 

 

來到觀景台都未夠, 我們跟著人潮登上小山丘 !

在這裡, 可以看到更寬濶的景觀, 以及更大片的海洋 ~~

這裡的水色不錯吧 ?!  覺得仲唔夠藍, 唔夠濶 ?! 咁記得睇埋咩去啦 !!

 

天氣實在太熱, 行完燈塔個個都出晒汗, 未落晒山都話要買凍飲品 !

好在係燈塔入口停了架雪糕車, 雪糕 及 刨冰真係不可少哦, 呢架車超級大小朋友們的歡迎喎 !

最奇怪係有小菠蘿賣, 小小的才 100 yen, 買個試試吧 ~

 

好囉, 好囉, 滑翔風箏上的教練回程了 …

亦即係話, 輪到我地出發啦 ~

 

 

以下部份就係我的飛行紀錄啦 !

最近有人送了部 Go Pro 俾我, 我就第一回用住佢去紀錄這個行程 ~~

起步之初, 由飛行教練帶著我 (佢會係我身後) 一齊跑, 直到我們開始飛上半空之中 … …

 

望著眼前風景, 我除了大喊 “嘩 …” 之外, 就係 “好靚呀 …” !

最開心係起飛點搬到 平久保崎灯台, 代表我整個飛行過程, 都可以時不時欣賞到這個石垣島最北之燈塔 ~

相四中的小平台, 就是我們的起飛點, 不經不覺原來已經飛高左 … …

 

唔覺唔覺, 又升高左一層 … …

 

黎啦, 黎啦 ~~ 又上高左一層啦 … 可以看到大片藍藍的海 !

 

大海中不同的藍, 都可以一次看得到了 ~

 

在我腳下的大海, 除了下海, 原來飛天也可以有自由的感覺 ~

 

來到這裡, 我們就要準備降落, 而降落的首要部驟, 就係要下降回合適的高度.

由原本高度下降, 教練會作一個急速迴轉下降, 邊轉邊下降的速度, 令人很有離心力及眩暈感, 還好我正在很 high 之中 …

愛玩刺激感的, 應該會很喜歡這一下, 反正我就覺得好好玩 !

 

 

回到沙灘邊, 就是準備著地的一刻.

落地那刻要不停地跑, 因為身後會有一股推力, 若不續繼跑便很容易被推跌在地上, 甚至會被拖行而受傷.

記住, Keep Running !!

 

我們成功著陸後, 教練們重新起飛回小山丘, 我們則乘坐由職員開來的接載車回去.

非常好玩, 在空中的風景好得不得了, 我拍左 video 並上載了, 在這裡跟大家分享一下吧 ~~~

 

 

回到小山丘, 剛好輪到同行好友出發 !

他們行程完全一樣, 我們要驅車過沙灘去接朋友, 反而讓我拍到他在公路旁降落的過程 !!