上回我地係 Herefordshire 玩啦, 今回就介紹下另一個我很喜歡的英國地方 : The Cotswolds !
這兩天的晚上, 我們入住到位於山野間的大宅式 B&B : North Farmcote Bed and Breakfast !
呢間大宅地點有點偏僻, 要駛入窄車路之中, 再轉入 Farm 才能到達, 還好附近車輛也不算多, 否則想要讓車都有點難度 ! 不過正正因為地點偏遠, 而且就在山頭上, 實在是睇星看風景的好地方 ~~
我們訂了間 3 人房, 收費不算高, 剛好一人一張單人床, 簡單舒服, 而呢個時節的晩上真係要開暖氣了!
North Farmcote Bed and Breakfast Webpage : http://www.northfarmcote.co.uk/
呢間 B&B 的早餐好豐富架, 份量亦唔少, 應該夠晒飽 !
而 B&B 外邊的花園, 值得逛逛, 在這裡可以遠眺群山風景, 仲有小黑 (狗狗) 相伴相隨, 超黏人的哦 ~
離 B&B 大約 10 分鐘車程的 Ford, 有一家 Local Pub – The Plough Inn, 其食品份量夠晒充足, 又係飽肚之選 !
如果唔想要開車到太遠的地方, 呢間 Pub 就啱晒囉 …
望住呢碟野, 不禁都想問, 點可能食得晒呀 ?!
Daytime 開車出門之時, 定必經過相一&二的農田, 幾好 Feel 呀 !
接著不論向左走 或 向右走, 都可以找到美景相陪 ~
第一站, 就在離 B&B 不遠的 Winchcombe !
黎得 Cotswolds, 就梗係要認得由泥黃色石頭所砌出黎的房屋啦 !! 呢度跟之前 The Black & White Trail 的小屋一樣, 都係咁有特色架 !
就連教堂都一樣的色調同格式, 都係以泥黃色石頭為原材料, 而呢座教堂真係幾靚架喎 !!
大家去開不妨走遠少少, 參觀埋間教堂囉 …
離開左 Winchcombe, 我再次將車開往了山上, 放心 ! 呢度係貪佢少人又景靚咋 ~~
結果, 午飯來到一家山中 pub, 吃了一頓簡單又美味的午餐 !
呢度似乎係某山路的終點站, 間中見到走進 pub 的人們, 都總是一腳泥濘的, 我想呢個時候最緊要, 怕就是醫下個肚了 !
我將車往遠一點的地方駛去, 我們就要前往一個以往曾到訪過的美麗小村 – Bibury !
我在 2010 年曾到訪過 Bibury, 當時已經很喜歡這裡的風景, 難得朋友們到訪, 咁梗係要帶佢地黎呢度睇下, 影下相啦 !
如對之前的遊記有興趣, 可以按以下連結架 :
2010 魚假期 之 秋季旅行 (上) – Part 5 The Cotswolds : Malmesbury & Bibury
Bibury 最出名的, 就得要數到 Arlington Row, 曾是多套電影的拍攝場景, 環境非常的古色古香架 !
講到電影, 其中一套最出名的, 就得數到 Harry Potter 了, 我估今回咁多遊客, 其中一定係有關係到呢套咁出名的電影啦 !
行到咁上下, 大家都唔係太願郁啦 !
咁就要搵個地方飲杯野囉, 但係又受不住Scones 的引誘, 結果就變成了 afternoon tea 囉 …
酒店的裝潢雖然改變了, 環境比以前要講究多點, 但不變的是那份 scone 的美味 !!
好滿足哦 …
呢度住有 2 隻天鵝, 就在河水上漂游著, 間中向人們討食.
不過我第一次知道養佢的人, 就係酒店的員工喎. 唔知佢地又會唔會有名字架呢 !?
呢度的水真係幾清架, 就連水中的鱒魚都被發現了~~
回程又要開車經過塞車路段, 有空閒就可以望下路的 2 旁, 原來呢度都係很古典的一個小鎮, 下回我識去架啦 !
行下行下, 仲有日落睇添呀 ~~
今回晚飯就在 Winchcombe 的一家 Pub, 菜式帶點點 Fusion, 重點係 … 有白飯 同 炒飯食架, 實在太好了 !!
最後一個 The Cotswolds 的景點 – Broadway !
同樣不是第一回來, 上回剛好是夏天, 還可以參觀埋 Lavender Farm, 今回正值冬天就冇晒花睇了, 咁就係 Town 上逛逛, 順道找個吃午飯的好去處 …
呢間餐廳都多 人架, 我們點的大多是三文治, 配一份 pizza, 4 個人食都兼佢份量有多呀 !
離開 Broadway 之前, 買埋朱古力做手信, 再飲多杯茶先走 …
結果我地都係受不了引誘, 勁飽都要點 2 個 scone 黎 share, 大家都超食得 !!
這樣, 又係一個很好 hea 的大半天 ~
