漂泊中的魚

 

是日天氣預告不怎麼好, 加上是母親節, 看來應該很多人都不會去行山.

我們反其道而行, 一早出發到大埔墟集合, 吃過早餐後再打的去烏蛟騰 ~

今回這個行山團隊, 上山下海組的核心成員没有參與, 我今回係跟上山下海組核心外圍的成員出發 … 哈哈 ~

我們由烏蛟騰起步, 先繞往三椏村那邊, 這部份的路段頗為有特色, 不過路經不少工程進行中的地帶.

我實在忍不住要問, 真正喜愛行山的人, 那個會需要舖好的路面架 ?!

舖了石頭或木板的山徑, 遇上雨天便又濕又滑, 咪仲危險, 這個政府唔好成日無野搵野整好冇呀 ?!

 

三椏村這邊, 我是第一回到訪, 估唔到都真係一個唔錯的地方.

在海邊, 可以看到紅石頭, 風景不錯 ~

 

來到三椏村, 我們會經過合益蜂場, 有時間不妨坐低飲杯野丫 ~

朋友們點了蜂蜜涼粉, 我則喝了杯咸柑桔峰蜜, 凍冰冰不錯哦 ~

這食店還有售熱食小菜, 不過由於時間尚早, 我們就未能品嚐了.

今回還學到了蜂蜜也有分春冬之分, 春蜜水份含量較高, 質地較稀, 冬蜜要濃多了, 會凝固成漿, 因此售價也較高 ~

合益峰場 Openrice Review : https://www.openrice.com/zh/hongkong/r-%E5%90%88%E7%9B%8A%E8%9C%82%E5%A0%B4-%E7%B2%89%E5%B6%BA-%E5%AE%A2%E5%AE%B6%E8%8F%9C-r31755

 

 

由三椏村沿海邊而行, 就可以連貫到荔枝窩.

途中經過某條客家村, 可以見到大量風水樹林, 如果唔係又俾政府圍左板, 風景應該更美 ~

 

我好耐都冇去過荔枝窩啦, 原來而家係咁樣架 ?!

呢度係行山小休的好地方, 大量本地小食有售, 今回有飲品又有特色饀料的稯, 仲有那未食到的茶粿 !

原來荔枝窩都有農墟, 每個月第一個星期日舉行, 有時間都想再黎八卦下.

不過, 呢度有船可前往, 因此假日可以非常人山人海的, 睇大家彩數了 ~

 

原來村中都設有教育中心, 又有修輯過的村屋.

我們要村過荔枝窩村, 開始登山去 ~

 

這部份就是不停的上山, 翻過山頭再下山, 小心相中那 T 型石路, 濕水非常跣腳, 建議走旁邊.

我差點係呢度失手, 好在立即平衡到, 多得以往滑雪時的練習 !

 

話咁快來到谷埔, 上回經過松記士多, 人山人海無緣品嚐, 今回終於有機會.

老闆 (我估係) 為人非常風趣建談, 推介的食品真係非常好食, 明明唔肚餓, 結果三人都點了五道菜, 每一樣都覺得好唔錯.

先來一道檸檬醋鴨 (1/4 隻), 再來一份蠔餅, 馬拉盞炒飯, 炒芥蘭 … …

最有趣是老闆口中期間限定的珍珠蚌, 我竟然真係食到珍珠, 仲要一隻食出兩粒來, 都唔知好彩定唔好彩啦, 好在冇咬爆牙咋 ~

成餐連支啤酒埋單大約 $330 左右, 我覺得合理, 絕對唔介意同上山下海組再黎食過 ~

松記士多 Openrice Review : https://www.openrice.com/zh/hongkong/r-%E6%9D%BE%E8%A8%98%E5%A3%AB%E5%A4%9A-%E6%B5%B7%E9%AE%AE%E5%8F%8A%E7%A7%81%E6%88%BF%E8%8F%9C-%E7%B2%89%E5%B6%BA-%E5%AE%A2%E5%AE%B6%E8%8F%9C-%E6%B9%AF%E5%93%81-r31602

 

 

食到飽飽, 咁就梗係要用番出黎, 我們繼續前進, 往鹿頸方向而行.

這是我們的最後路段, 可能有見天色轉好, 而且時近中午, 來這邊的人潮開始出現, 慶幸我們早出發, 早完成 ~

 

 

終點就在發記士多, 我們沿路到鹿頸村口, 打算坐小巴離開.

小巴真係要等好耐, 明明唔多人都要等左成半小時才成功上車, 因此我有時候會寧願行番出大尾督 !

是日走了 17km, 全程差不多花了 4 小時去走, 算是一條難度不高的山徑, 而且有非常充足的補給.

若能成功避開人潮, 這算是一個不錯的行山路段, 有機會要再走一回 ~