剛剛上星期來了趟速遊首爾, 我們基本上没有行程, 全只為了 hea 遊飲飲食食.
今回食住行都由朋友安排, 我基本上就是個跟團的, 有時咩都唔洗理, 都真係幾好架 ~
這次我們住到鐘路三街的酒店, 一出鐵路站就可以見到, 附近亦很多餐廳食店, 地點算是非常方便.
酒店由朋友的朋友推介, 果然好介紹, 係平靚正之選, 房間唔算大, 但夠晒 我地 2 人用架啦 !
大家若有興趣, 就自行前往其網頁參考吧 ~
Makers Hotel Seoul Webpage : https://www.makers-hotel.com/
在酒店對面, 正是近期新興的景點, 益善洞韓屋村 !
以往這裡或許只是平平無奇, 年近過百的老舊韓式民房, 近年則被大規模翻新改建, 變成一村十多家 Cafe 的週末好去處.
第一回到訪, 我們隨意走進了那區最搶眼的韓屋 cafe, 整間有如花店一般, 卻是個閒 Hea 的好地方.
呢間 Cafe 真係好靚, 又令人覺得好舒服, 坐左就唔想起身離開 …
晚上我們再次走進這個韓屋村, 順道拍下了夜景.
這區的 Cafe 大多於晚上 10 時左右關門, 因此大家不要太晚前來哦 ~
Seoul Coffee 又是另一家新式韓屋 Cafe, 裝潢講究, 食品賣相也不錯.
是日趕不及堂食, 本想試試那件外型有如肥皂的 Ice-cream Cube, 用來配 Affogato 就更古怪, 但就是有點想試 …
堂食不行, 也無阻外賣, 朱古力冬甩有點平平無奇, Tiramisu 就真係幾好味, 質地夠滑, 咖啡味很足夠, 有機會值得去試埋杯咖啡 ~
我們一去再去益善洞韓屋村, 第三回我們來到這家傳統茶屋.
一切歸於簡單, 雨天下, 我們就安坐室內喝茶, 頗寫意的 …
壺中的一朵白菊, 搶盡吸引力, 有時候來一杯清荼, 比起濃濃的咖啡, 更合我意 ~
酒店附近, 鐘路三街熱鬧得有如一個夜市, 大排檔開滿在馬路上.
選了一家有餐牌的, 簡單的點了 2 道小菜, 蛋卷真係煎得好好味, 烤豬肉串則夠香, 配上一支啤酒, 這個晚餐都真係幾唔錯 ~
我開玩笑地說, 我們身處韓國, 但用上遊台灣的玩法, 都幾過癮丫 ~
之前去日本, 又去過台灣, 都分別吃過燒鰻魚這道菜, 今回來到韓國, 也打算品嚐一下.
下午三點這個奇怪時間來到餐廳, 人流不多, 卻也算是半滿, 有遊客也有本地人.
點來二人份燒鰻魚餐, 一盤三條兩口味, 有辣醬跟汁燒兩種, 建議將有皮那邊烤長一點時間, 那會更香脆, 味道會更好 !
反而煙鴨胸一時不注意, 烤得太長時間, 變得太乾了, 那就不太好吃了.
呢一餐都真係幾令人滿足架 ~
打算找個地方吃早餐, 要簡單又地道點, 那就去本地市場吧 ~
幾年前來首爾也到過廣藏市場, 不過隨著韓式食品在港日趨普遍, 我逛市場時就覺得新鮮感不及數年前那一趟了.
隨意找了一家攤檔, 點了兩種麵食, 好味得黎又唔會太 over, 之後還可以去飲杯野添呀 !
我們唔知點樣就行到黎呢度, 明明是一條後街窄巷, 但竟然有如此優美的環境.
最後途經這家韓屋 Cafe, 咖啡及食品質素就普通啦, 不過環境就不錯.
既然 Cafe 算不上出色, 就不推介大家去了.
醬蟹乃韓食名物, 難得來到就更係要去試下啦 ~
這家位於三清洞的大瓦房, 其出品的醬蟹味道鮮美, 簡直是送飯佳品, 整個飯餐非常豐富, 如果唔係餓, 都會有機會食唔完架 !
價格嘛 … 算是貴一點 HK$350 /set, 不過個人認為物超所值, 是 HK 吃不到的美味哦 ~
弘大的人潮, 實在很令人卻步, 不過順道路經, 就逛逛吧 ~
晚飯, 吃了一份簡單的辣醬荳芽炒豬肉.
我很有理由相信, 朋友帶我去吃這道菜, 根本就是要我試味, 再回家複製出來 … 大鑊 … 中計了 !
韓牛之美味, 我們間中在 HK 也可以享受到, 但若說要又平又靚, 那可以考慮來到馬場洞的馬場畜產物市場 !
我們選了星期一的早上前往, 完全避開了人潮, 正好慢慢逛市場, 多花點去選購靚牛 !
市場中的檔口眾多, 牛肉豬肉皆有, 最吸引我的反而是牛頭豬頭, 親眼看著師傅用刀分割牛頭, 那一手刀工確實很利害 ~
我們走經了一個攤檔, 發現設有一大個水缸, 水中浸著一量牛肉, 標榜 water aging, 請問這是什麼新玩法哦 ?!
馬場畜產物市場 Webpage : http://mjmm.co.kr
既然要吃好一點, 那就來一份 1++ 的牛肉拼盤吧 !
這盤牛肉價格不高, 2 人份才 HK$ 350, 但份量很足夠了. 由店家帶我們到餐廳, 選了要用炭烤的.
全餐廳只有我們, 似乎是這天的第一枱客, 等待開了爐 (燒炭需時), 配菜送上, 再來了一份小小的生牛肉, 我們要開動了.
用炭烤就得看大家煮食手勢有多好, 我偏愛較生的, 外香內軟為之合格, 但超搞笑係 … 我點都要食番碗飯先得架 ~
又係令人很滿足的一餐 !!
四天三夜的旅程, 我們還有閒時去剪個頭髮, 可見我們有多閒 hea …
第一回係韓國剪髮, 髮型師會簡單英語, 溝通倒也不難, 而且價格不算很高.
我一向對髮型無太多要求, 就是要修得夠薄, 兼且不用怎麼去打理的髮型, 坐了個多小時, 清清爽爽的步出髮型屋 !
很古怪吧 ?! 我們竟然途經了當地果欄 … …
這個時節最當造的是西瓜以及桃, 超抵吃的價格, 而且一街多達 20 多家店舖, 真係有排選擇呀 !
新開設的 Lotte Mart, 遊客不多, 地下是 Food Court, Basement 是超市.
這家 Lotte Mart 算是很好逛, 也是買手信的好地方, 但就是地點有點偏遠 …
唔想人迫人的話, 這家 Lotte Mart 還是可以一訪的.
呵 … 便利店期間限定, 找來一群 Minions, 很搞鬼的樣子 …
睇就幾得意, 飲就普通啦, 一貫偏甜的口味囉 ~
朋友係擺明帶你去試然後等你複製，唔存在陰謀XDD
陷阱哦 …
hea下relax下其實都幾好,不一定要有行程^^
係呀, 有時只係想出走一下 ~