九月好似冇乜點落過水, 難得 10 月仲有得潛, 仲收到風話水溫和暖又清澈, 梗係死跟啦 …
出海真係好重要, 點去游水行山跑步都好, 都不及下潛一轉咁可以放鬆, 我的水療哦 ~~
我們在 Magic Hour 中出發 ~
今回夜潛火石, 果然真係好好潛, 水溫 27 度, 能見到非常高, 有外潛 feel 呀 !
一晚潛兩支, 每支大約 60 分鐘左右, 真係吸晒支氣先上水 !
剛下水, 我地就遇上了這隻大墨了 !!
咩都影下咁啦 …
呢張有點搞笑, 我照入去影相時, 條魚個樣係咪有點驚青呀 ?!
好似話, 弊 … 俾人發現左添 ~
呢條三鬚好大條, 但係 …. 你迫咩啫, 明明你都入唔到去架啦 !!
個頭死命塞入去, 扮眼不見呀 ?!
呢條 … 唔知咩衣, 係度扮石頭 ?!
好多蝶, 好多碟 ?!
誰說海底夜很黑 ?!
小丑入夜乖好多, 至少唔會黎咬我 …
八八卦卦的雞泡 …
呢一對蝦, 明顯有一隻係透明一點 … 點解呢 ?!
Boxfish 長大左呢, 真係冇 BB 時代咁可愛, 但都仲係鈍鈍地 …
龍蝦, 真心覺呢隻野出場有點氣勢 !
回程, 清楚感覺到真的入秋了, 晚上的氣溫涼了很多 ~
