2020 年度第一篇遊記, 理應要由本地遊作開始的, 寫的還要是露營篇, 就知道我呢期幾咁鍾意去 Camping 啦 !
我一向都幾鍾意赤徑呢個地方, 以前練山都必經咁滯, 都覺得海邊風景非常美, 今回我們終於抬著一堆架生黎露營了 ~
赤徑一向都有幾個露營秘位, 不過一早已經有人佔據了, 我們唯有選擇去公廁旁的營地, 原來都可以遠離主道兼人群架喎 ~
我地一行七人, 出動了三個營, 其中一個仲要係 6 人營, 各人的睡覺空間確實十分充足哦 !
這天天氣實在不錯, 很適合到附近逛逛, 看一下大海 ~
多得良友士多, 我可以唔洗煮午飯, 又有老闆同我地傾計, 仲帶埋我地出海 ~
呢日個海勁水清哦 ~~
出完海, 仲可以學下整理漁網添, 捕魚還真係一門學問黎架喎 !
整理出各式雜物生物, 可以掉的清理掉, 遇上活的則放生吧 ~
我們悠閒的下午 … …
入夜後的赤徑, 大海上的星空 …
今回露營膳食, 沒有以往的浮誇, 都係罐頭湯、牛油粟米、部隊鍋辛辣麵、烤鱔扒、煎牛仔骨 & 燒巨型棉花糖, 簡單但也很滿足的 !
Day 2 一覺醒來, 已可聽到下雨的聲音, 反覆的醒醒睡睡間, 我終於在朋友催促下, 要起床煮早餐了 …
無奈我們這次没帶備 天幕, 唯有在雨中煮熱朱古力、烤麵包、煎蛋奄列、及煎薯餅, 單看早餐也很吸引吧 ?!
煙雨迷濛的一個早上, 令我們一行人匆匆徹退了 ~
這個露營之旅, 算是在半完美的天氣下完成, 露營著實是個不錯的休閒玩意吧 !!
