喜愛大嶼山的山與水, 不是無道理的, 藍天白雲下的風景, 讓人有速遊了一趟沖繩的錯覺, 這一片海其實也可以很美的 …
呢條路線由石壁水塘起步, 沿海岸前往分流, 再走過二澳去到大澳. 路線說易也不難, 就是路程有點長, 大約 19 公里, 在如此盛夏陽光下去完成, 即使途中上下坡的幅度不大, 仍需要有高度的耐熱能力, 還得帶上大量的水份, 準備左 2L 都絕對唔會嫌多呀 !!
由東涌出發, 坐巴士直達石壁水塘, 應該係 “沙咀” 站落車 ~
由呢度出發去分流其實唔遠, 8 公里左右, 前提係唔好好似我地咁亂闖分支路線 !
起步冇耐, 就已經見到好多小昆蟲同植物, 最後仲有牛牛出添 !
原來上一回行呢條路線, 已經係 2014 年啦 !
http://traveling-fish.tixmart.org/2014/10/03/hk-lantau-trail-01/
至於沿途風景, 一開始就已經係呢幅藍天白雲、湛藍海岸的風景, 而這道風景將會不停的出現, 一直陪伴著我地去行完這條路線 !
分支路線, 有體能有耐力還耐熱的, 可以行埋呢一段 : 嶼南界碑 !
呢條分支路線的風景, 真真靚到冇得頂, 真係外國山水風景都未必有咁靚呀 !
翻查了一下嶼南界碑的由來, 原來就係當年滿清租讓大嶼山俾英國之證明, 於 1898 年所簽下之條約, 列寫了將大嶼山連同新界租借給英國 99 年, 並在 1902 年立下此石碑, 資料上指基座上基座上刻有經度東經113度52分, 不過經過多年的風雨侵食, 我倒真找不到石刻的痕跡 …
由嶼南界碑可以抄小路, 接回狗嶺涌營地, 但大家要預左下山落沙灘行左幾多, 之後就要上番咁多回鳳凰徑架啦 !
下一站, 分流 !
大家真係唔覺分流東灣個景, 可以媲美沖繩的嘛 ?!
我地今次幫襯呢家士多, 說是士多, 倒不如是一家人的周末聚會 ! 今次我地受到呢班本地村民的友善招待, 飲住佢地自家醃製的咸檸檬, 聽下佢地的日常對答, 聽出來似乎是一家人來的, 傾下傾下倒聽到不少村民小時的生活.
唔講唔知, 原來分流以前係種米架喎, 佢地種好收左米, 就會走山路又或坐渡船送出去大澳賣, 以前呢區係冇開出咁多山徑, 就只有一條山路出入, 如果唔係就要坐番渡船去大澳. 由於以前村民們種的農產品黎黎去去係嗰幾款, 冇乜競爭下都真係賺不了幾個錢的 ~
另外, 原來呢度以前可以見到勁多江豚架, 佢地形容一圈圈好似車軚咁, 成海都係, 反而我地較熟悉的中華白海豚, 佢地就唔多留意, 淨係話佢地其實有習惯路線, 某些鐘數就會出現係某些海灣之中架啦 !
喜愛跟本地村民傾計, 佢地有好多野分享, 好有趣 ~
我地都好期待下次帶包本地米去俾佢地呀 !
分流西灣 & 分流碼頭 !
係海面見到勁多白色雀鳥在覓食喎 ~
煎魚灣與今回未去到的雞翼角 !
要去雞翼角, 就定必要在大退潮的日子, 才能成功渡海而行 !
二澳農地 !
二澳之廣濶海灣 ~
二澳碼頭, 而家原來都有街渡可以坐架喎 !
來到大澳, 終點在望 !
今次終於試到朋友妹妹開的 大澳榕樹頭 了 !
呢度一樣可以坐在外邊, 欣賞著棚屋風景, 仲可以品嚐到呢個好好食的 Pesto Pasta 同埋 甜品, 呢度杯咖啡都唔錯架, 不過我唔記得左影相 …
此店只開星期六&日, 所以好難 weekend 黎到之餘, 又冇乜人等位, 今次真係好彩呀 !
大澳榕樹頭 Openrice Review : https://www.openrice.com/zh/hongkong/r-%E5%A4%A7%E6%BE%B3%E6%A6%95%E6%A8%B9%E9%A0%AD-%E5%A4%A7%E6%BE%B3-%E8%A5%BF%E5%BC%8F-%E7%94%9C%E5%93%81-%E7%B3%96%E6%B0%B4-r174926
是日行程完成, 風景超美的一條路線 !
