漂泊中的魚

本星期非常寒冷, 不過答應左出席, 我還是迫自己離開暖笠笠的被窩, 直入東涌集合, 我地是日要去分流清潔沙灘哦 ~

分流係邊 ?!  未聽過 ?!

我上回去大嶼山行山時, 有經過這個分流西灣的, 如若不想行咁遠, 大澳有接駁艇前往, 不過就要同艇家自己議價, 因為唔夠人數要包艇 ~

由大澳坐船前往, 不用 20 分鐘就可以到達分流西灣.

上回行山遊記 : http://traveling-fish.tixmart.org/2014/10/03/hk-lantau-trail-01/

這裡的景色實在不錯的,  不過在美景之下, 其實沙灘上的垃圾非常的多 !!

上回來時已覺得多垃圾, 何解今回仍然是這麼的多 ?!

因為大部份非熱門人流的沙灘, 政府部門未會時常派人去清理的, 通常都要等到有人去報告 / 投訴, 才會有人理會這些垃圾問題.

我們由 11 時多開始執垃圾, 我只花了不到 20 分鐘, 便已將相中那白色袋填滿了.

知唔知道我地最多執到係乜 ?!

膠樽蓋, 膠杯, 牙刷 (唔明點解會多到咁 !!), 不同大小的膠環, 包著生果的那種膠網, 拖鞋, 繩, 招紙 … … etc

到了下午 2 點, 活動算是完成, 再看看相五中的那堆黒膠袋 … … 對呀 … 這堆就是在沙灘上執到的垃圾啦 !!!

大家無論係去行山, 還是出海船 P, 請記得帶左黎, 就要帶埋走, 唔好隨處掉垃圾了 ~

是日安排活動的搞手們, 準備了熱朱古力給我們, 實在太太太好了 ~

(幸好分流西流不算太大風, 反而我們在大澳等船時, 真係被風係咁吹, 凍到震 !!!)

我們在執垃圾期間, 無意中發現左相中呢隻烏龜.

我開初以為佢已經死左架啦, 點知當我定神望左一輪, 原來佢仲係會郁架 ~~

由其外型我們認為佢係淡水龜黎架, 不知何故來到沙灘之上,  會唔會係佢蕩失路 ? 又會唔會有人玩放生 ? 又有冇可能佢年紀太大, 想找個地方等死 ?!

結果我們決定將牠送回小溪旁 … …

離開前, 我再去探下佢,  當時佢伸左個頭出黎, 但四肢就仍然縮埋左, 樣子有點可憐 … …

我沒有再打攪佢啦, 看了一眼就離開 ~

坐船回大澳, 本來想吃個遲來的午飯, 但為免等會坐巴士會遇上人潮, 我們吃了一串魚旦就走了 !

找個機會, 又要再去大嶼山行下山先 ~