漂泊中的魚

 

端午節那天, 早上明明天氣很好的, 差不多接近日午之時, 卻又開始烏雲密怖.

本來計劃了行長程一點, 卻由於天氣不佳之關係, 我地改行短一點的行程.

我很少走大埔那邊的路徑, 今回試試由新娘潭路的降下坳出發 ~

起步初段, 主要都是上山路段, 路況不錯, 而且好像正在通過綠色隧道 !

 

來到此路段最高點, 有三角點以及山火瞭望台, 可惜附近樹木太茂密, 景觀都被遮蓋住了 … …

 

接著又是叢林路段, 泥石路有點濕, 也有點鬆軟, 但未算太難行.

走著走著, 會經過亞媽笏 (無啦啦有個路牌咁奇怪的 ?!) ~

 

黎到呢個位呢, 係正山脊位罝, 中間有一方平地, 没有任何記號, 有點似停機坪的設定 !

在這裡, 可以看到以下好風景 …

如果好天氣之下, 應該會更美 ~~

 

接下來全是下山路段, 一直通往在山腳的谷埔村.

這條村似乎没有太多人居住, 只遇到一對老夫婦及一隻狗狗 ~

 

估唔到呢度有一大片綠草地, 看上去似乎是濕地來的, 因為真係好多水 ~

不過呢片廣濶的綠色地帶, 真係看到都特別令人開心, 這片風景值得亠讚 !

 

 

好可愛的狗狗, 呢段路就由佢黎做我地的响導 ~

呢一帶有不少舊樓房,當中有數橦都已被翻新, 四四正正的, 很有懷舊氣息.

呢度有間松記士多, 有提供私房菜的, 有興趣可以預先訂座, 下回人多點都可以試下菜喎 ~

 

 

谷埔碼頭, 可以一遊, 卻不可上船哦 ~

上錯船, 就會番左去大陸架啦 !

望下對岸, 係咪好多高樓大廈呢 ?!

個邊咪就係沙頭角囉 ~

 

 

 

我們沿海邊的路而行, 打算慢慢走回鹿頸.

離開谷埔之前, 可以看一下啟才學校. 學校没有開放給公眾參觀, 不過在學校一角, 竟然設有一座廟宇, 實在很有特色 ~

 

遠足之時, 沿海邊走就最舒服架啦 ~

有淺灘, 有紅樹林, 仲遇到彈塗魚添 !!

 

 

來到鳳坑村, 剛好還到牛牛食完草要入番村, 大家睇下佢地幾咁自動自覺 ?!

我們沒有入村, 因為村民似乎不愛遊人入內打擾, 那就拍張照片便離開 ~

 

 

來到這部份, 我們要轉入內陸走走, 上一上小山丘之後, 才可以從回到海邊.

 

回到海邊, 剛好見到有人在網魚 (呢度好多魚下, 邊行邊見到佢地成日跳上水面, 都幾大條架 !), 也有人在開蠔中 ~~

問這批漁民, 佢地原來去海中心的小島附近取蠔的, 回到岸邊就即場開蠔, 回家再用薑蒽煮架 !

 

來到終點的發記士多, 一支維他奶是少不免的, 不過未吃午飯的我們, 就要搭多份多士了.

坐了一會, 避一避雨, 之後再慢慢沿新娘潭路回降下坳.

這個路程大約 12 公里左右啦, 3 – 4  小時就可以完成, 算是一個輕鬆的行程 !

 

 

開車經過這家士多, 記得多年前也有吃過這邊的豆腐花, 就再點來試試吃, 點知 …

豆花又硬, 味道又怪, 我未試過可以食唔完一碗豆花架.

大家黎呢度的話, 其他野食或者 OK, 但豆花就可以免了 !