漂泊中的魚

 

 

我剛剛去了一回澳門, 原來唔經唔覺都 3 年冇過大海了, 明明我都幾鍾意去呢度搵食架喎, 點解會咁耐冇去架呢 ?!

呢排去澳門真係非常非常多人, 預早去買 10 點船已經爆滿, 但竟然有班 0950, 我諗應該加左唔少班次, 成個碼頭都係人 !!

順利到澳門, 跟喺 HK 認識但本身係澳門人的朋友會合, 就齊齊去搵食了 ~

第一站 – 氹仔 !  竟然係去澳門食西班牙菜 ?!

呢間西班牙菜食店, 環境氣氛唔錯, 食品賣相 及 質素都幾得, 就係價格略高, 黎到咁多好野食的澳門, 值唔值就見人見智, 我就覺得一試無妨 !

Casa de Tapas Tripadvisor Review : https://en.tripadvisor.com.hk/Restaurant_Review-g664891-d4914952-Reviews-Casa_de_Tapas-Macau.html

 

 

呢幾款食品, 最好味係 Suckling Pig, 真係烤到外脆內嫩, 亦冇話過咸, 好味 !

 

轉個頭就行過去食甜品 – 來個北海道 5.4 牛乳軟雪糕 配 芝士蛋糕 !

個軟雪糕好味,  Cheesecake 要了綠茶味, 但 Cheese 味蓋過了綠茶味, 一份雪糕要 $ 58 蚊, 要 share 黎食先得 ~~

Snaffle’s Macau FB Page : https://www.facebook.com/Snaffles-Macau-762054400583715/

 

睇完小丸子展覽, 實在想食葡撻, 咁就去路環吧 !

先坐到 Cafe 之中飲杯咖啡, 食個葡撻, 之後再去門市店補多個朱古力撻 及 Lemonade, 呢個下午茶都真係好豐富下 !!

Lord Stow’s Bakery (安德魯咖啡店) Webpage : http://www.lordstow.com/

食到咁鬼飽, 就梗係要逛下先啦, 唔覺唔覺, 對岸的變化也太大了吧 … ?!

 

回到氹仔賭場區, 周圍都係大樓, 我都搞唔清邊間打邊間囉 ?!

坐巴士去到威尼斯人 Hotel Venetian, 就再行去 Galaxy, 呢一行就要 15 分鐘先到, 明明就一眼見到但就要繞路行 !

唔夠 2 個鐘頭, 我地又要食晚飯囉 ~

今回係賭場商場內的一家葡國菜 – Gosto !

Gosto Webpage :  https://www.galaxymacau.com/en/macau-restaurant/restaurant-directory/international/gosto

 

 

明明說唔係太肚餓, 都搞出四道菜黎, 個跟餐麵包真係得, 外脆內軟, 最好用黎點汁食 !!

鴨飯略為令人失望, 飯粒夠乾身但唔夠香, 反而隔離枱點的虎蝦飯鍋, 賣相超吸引, 下回應該要試下 ~

 

食食下飯, 突然有一對男女走左入黎跳舞, 我們除左呆左都唔知俾咩反應好了.

剛好食完主菜, 甜品都係忍唔住點左 … 真係 … 飽 !

呢度的木糠布甸好好食, 又 creamy 又 light, 仲好多味道層次, 推介 ~

 

預左咁早去食飯, 就係為左睇演唱會; 而當初決定黎澳門, 都係為左呢個演唱會 !

其實我都覺得好奇怪, 陳綺貞點會走左黎呢度只開一場咁多,  不過 Acoustic Cheer 中的陳綺貞, 才是最實在的表演者.

不用太多舞台效, 吉他跟她係最配架啦, 比起上回 HK 的演唱會, 我更鍾意澳門呢個, 簡簡單單仲好 !

 

邊有人想到中場休息都有野食, 而且係小型 Buffet 黎添呀 !

幾飽都好, 忍唔住都食左幾款 !

我並唔係買咩貴票架, 但就劃入左 VIP 區內, 所以包左呢一餐及飲品 …

睇睇下 Concert 走去食野, 真係第一回呀 ~

 

後半場, 表演者跟觀眾來個近距離接觸, 皆大歡喜.

這晚回到澳門的家, 還是想聽著她的歌入睡 … …

 

Day 2 早餐, 我們來到十月初五街的南屏雅敍 !

呢度咩出名 ?! 梗係厚蛋三文治啦 !

我差唔多次次黎都會幫襯一回, 今次也不例外 ~

(上回的介紹 : http://traveling-fish.tixmart.org/2013/05/26/2013-macau-03/)

 

十月初五街之街頭風景 !

 

 

經過了德成按, 原來已化身成 典當業展示館 !

呢個展覽館非常有趣, 如果 HK 灣仔嗰個可以保留, 好過變成酒吧啦 !

前舖後倉就係舊年代押舖的特色 …

 

 

呢個倉只要見到其內部, 就知有幾講究.

牆身中加入了鋼版, 貨架的木會部都係靚木黎架, 非常實淨同好手感, 總之就係靚野啦 !!

 

民政總署 及 議事亭前地, 很多黎澳門的遊人都會到此一遊.

話時話, 黎左咁多次, 好似真係第一回入去民政總署行下 … …

 

在偶然間, 我地黎到 Rua de Nossa Senhora do Amparo 呢條街, 竟然發現一連數間有趣小店, 出自同一個集團, 但每一間都有自己的特色貨品 …

第一家係賣杯麵, 有齊日韓台的口味, 而且仲有獨特推介口味食法, 好古怪但又好新奇.

最重要老闆為人友善, 而且很有熱誠, 呢一連幾家店都好得意架, 值得推介俾大家去支持一下 ~

 

 

接住係炸雞店, 啤酒店, 飲品店 …

飲品店我地有幫襯架, 味道唔錯, 幾清新 ~

 

 

轉上小巷, 就係一系列的精品店, 唔買都要入去睇下呀 !!

我就係店中睇到一系列的鯨魚貨品, 差點失手 … …

 

大三巴, 我估大家都去過, 咁大三巴旁邊的哪咤廟呢 ?!

估唔到廟隔離, 仲有一個 museum 添呀 !

 

行左咁耐, 又想飲杯野, 檀香山呢度的凍咖啡真係唔錯架 !

觀察下, 呢度的食物賣相都好吸引, 不過呢一刻我地真係食唔落飯 又或 意粉  !

檀香山 Webpage : http://www.cafehonolulu.com/

 

路過消防博物館, 本來只想借呢度的免費 WiFi 一用, 結果我都係忍唔住咁要影下消防車 … …

 

明明話好飽, 結果一提到厚切西多士, 我們又再一次不顧一切 !

嘩 … 呢度的西多士, 厚度真係一隻手指咁長架 !!!

不過竟然又整得好好味, 掂呀 ~

新鴻發美食 Openrice Review : http://www.openrice.com/zh/macau/r-%E6%96%B0%E9%B4%BB%E7%99%BC%E5%92%96%E5%95%A1%E7%BE%8E%E9%A3%9F-%E9%AB%98%E5%A3%AB%E5%BE%B7-%E6%B8%AF%E5%BC%8F-%E8%B1%AC%E6%89%92%E5%8C%85-r149655