離船上到岸, 於 woodland 之中走一段路, 就會見到一個小亭, 未買入場票的旅客就要去排隊啦 (入場費 65 kn – 當地貨幣叫 Kuna – 太約 1 pound 可以換到 8.5 kn 左右, 遲下影番 1 set coins 俾大家睇下 
), 而我地一早買左飛的, 就可以直接走向身穿卡奇色制服的撕票員, 過左呢一關就式正踏入Krka National Park 啦 
~
向前走左幾步, 已經聽到流水聲, 第一條小河已經出現眼前, 但尚未走過 woodland 的我, 還未發覺到有何靚景. 不過當我地走到全場最搶眼的木橋之上, 個景真係不得了呀 ("不得了" 係我呢個旅程的口頭襌, 點解 ? 我真係唔知喎, 順口o卦 ?! 我次次旅行都會總會有一二句架喎 ~). 左邊係一片壯觀的大瀑布, 呢個就係 Krka National Park 的主打的 2 大瀑布之一 – Skradinski Buk. 而右邊係水清見底的河, 河邊有幾間石屋, 唔知又係咪 mills 黎架呢 ?!
順著木橋過到對岸, 就開始沿著瀑布往上游而走, 路段及石級已經舖設好, 非常易走. 整條瀑布又長又多 falls, 走十多二十步就有一個小瀑, 每個小瀑有大有小, 有非常多的拍照機會, 風景構圖隨你心意, 而我就非常喜愛作為是日旅程的背景音樂 – 响亮的瀑布水聲.
走到Skradinski Buk 呢個瀑布的盡頭 (上游), 有幾間石屋組成一個 Visitor Village, 有小食店, souvenir shop, 仲有 d mills 會有 presentation exhibitions, 不過我地一概 miss 晒, 確實呢 d 野係唔係太引到我地的興趣, 反而我地 target 係去坐 12 點正的 4 hrs Boat Tour (100 kn), 呢個 trip 係去 visit National Park 的另一個大瀑布 Roski Slap 同 湖上小島 Visovac. 我地匆匆到碼頭前的小屋買票, 就靜靜地坐係碼頭, 一邊欣賞湖景, 一邊等著上船.
(National Park 的告示版上寫有 3 條 Boat Trip 路線, 但我地懷疑呢日佢只有 4 hrs 呢個 trip, 而且 miss 左就冇下一班, 怪不得係呢度竟然可以見到有 Taxi boat 招生意啦 …. )
