張相個景係咪好靚呢, 但靚得黎又有 d 假, 似唔似 Wallpaper ?! 尋日我又南下探朋友, 去左佢屋企 meet 後, 就出發去被喻為 "The Prettiest Village in England" 的 Castle Combe. Castle Combe 離我朋友住的地方大約 30 mins 車程, 沿途都係countryside, 加上難得的好天氣, 真係非常適合去 day trip 架 ! 我地跟住 "阿Tom Tom" 的指示走, 竟然走到上一條單程山路上, 穿過山林&小河,…
簡單晚餐 – 就係用黑椒汁煮青口. 先炒香什菜(我用番整可樂餅時多左的onion, carrot 同 corn), 加入一湯匙黑椒汁快手兜勻, 再放洗乾淨的青口, 最後倒入白酒 (多少隨意) 同少少雞粉. 加蓋焗 3 – 5 mins, 睇青口 size 大小啦, 英國的青口好細隻, 係咁炒一炒, 焗一焗就已經熟到開晒殼架啦 ~
今日口痕, 好想食d unhealthy foods, 所以決定又跟人地的食譜整個炸物 – 日式可樂餅. 其實唔知點解佢叫可樂餅, 可能係日文直譯啦, 我解釋俾人聽就話佢係: "日式炸薯菜餅". 做法跟番原食譜, 我只係改左少少野: 1. 我用 baking potato 黎整, 所以我係連皮一齊 mashed, (increase fibre intake ! haha, 職業病). 2. 我加左 tinned corn, 1 carrot, 1 brown & 1 purple onion, finely…
告別了阿 sir 之後, 我好安份地開我的車, 死趕難趕之下終於到達 Mt Cook Village 啦 ! 不過即使我地人到左都冇乜用, 天氣越變越差, 日藉 tour guide 話可以去到 Lake 度玩 glacier kayaking 的機會唔大, 不過佢仍然帶住我地走左一趟神秘小路, 去到小山上睇風水, 結果依然係無法改變, 因為太大風唔安全, 個 tour 最終都係要 cancel. 雖然我最後都係冇得玩, 但總算有少少意外收鑊, 呢條小路上的靚景搭救一下. 不過我好肯定咁同個 guide 講, 我一定會再黎架, 會再搵番佢帶一次 glacier kayaking 架 !! (佢話 9 月去會見到好多冰架…
離開 Mt Cook 尚有個半小時車程的距離, 有個色水好靚, 十分藍綠的湖 – Lake Tekapo. Tekapo 來自Maori 語 : Teka 解作 sleeping mat; Po 解作 night. 由冰川溶下的雪水混和礦物質, 形成此地湖水特有的藍綠色, 本來呢度的降雨量十分低, 陽光時間亦十分長, 但似乎我地來錯時候 or 係我地帶來惡運, 呢日的天陰陰令到湖水看起來都冇咁綠, 而且大風吹得湖面亦不太平靜啦 ~ 呢度有座 Church of the good shepherd 座落於湖邊, 建於 1935 年, 如石碑所寫 –…
呢日就要離開 Christchurch, 但出門前梗係要先食個早餐先啦, 由於我地已經到過 Supermarket 上倉, 所以呢朝的早餐相當豐富, 有麥包腿旦治 同 阿華田, 食個飽飽, 執好行李上車, 就開始南下去 Mt Cook 啦. 我地呢個旅程中, 都經過幾多有 rail crossing 的路口, 而且仲遇見唔少非常複雜的路口標誌, 真係就咁看一眼, 你係會睇唔明佢想點o個隻, 可借我地成日都飛過左, 冇影低, 唔係可以放上黎俾大家睇下 ! 大約 1 個小時左右的車程, 就會經過呢個稱為 "Salmon Capital of New Zealand" 的 town – Rakaia.…
咦… 四葉妹妹, 你做乜有個新髮型呀, 個爆炸頭你問 keroro 借架 ?! 哦, 原來尋晚落雪, 四周一片白茫茫, 就係咁四葉就係小小窗台度玩起雪上黎啦 ! 小心 d 呀, 呢度 3 樓黎架, 你咪鬼跌左落街呀, 咁凍我唔想出門執番你呀 ! 喂.. 四葉妹妹, 你係度搞乜呀, 你係仆親丫, 定只係訓落去咋 ?! 個動作咁騎呢的 ?! 雪地上招牌動作, 大字型攤落去 d 雪度 ! 轉個頭, 四葉妹妹又堆起雪人黎啦, 真係忙呀佢 !!! 佢仲要迫我幫佢地影番張合照添 ~…
今日整左焗葡汁雞翼, 仲要整左一大鍋, 用左薯仔, 磨菇, 紅蘿白, 洋蔥, 燈甜椒同雞翼, 落好鬼難先買到的李錦記葡汁一齊炆, 咁多 veggies 令到個汁真係好甜呀 !! 炆到d 料軟身入味, 就轉到焗盤上, 我仲有用淨的 grated cheese 係雪櫃, 唔好浪費, 就梗係放埋o係上面一齊入焗爐, 焗到 Cheese 燶燶地 而 葡汁又乾乾地身, 就可以上碟啦 ~ 咁大鍋真係可以食幾餐啦, 今晚我就用黎送飯, 而聽日就可以係意粉, 哈 ! 真係打後 2 日都唔洗煮呀 !…
炒飯 – 總係o個期要清雪櫃, 將淨餘的 veggie 同 隔夜飯用掉, 就會去炒飯 ! 好鍾意放燈甜椒, 磨菇, 洋蔥 旦落炒飯度, 差唔多係必有材籵, 而其他材料同口味就睇o個期想點啦 ! 今次我用左雞肉同日式照燒汁黎炒個飯 !
呢日的晚餐係自家製麵豉湯, 平常都有煲黎配飯架啦, 今次我就用黎襯日本讚岐烏冬, 外加豆卜同魚旦 ! 麵豉湯好易煮, 只要煲滾水, 放入日本魚湯底 (我用白色盒, 有藍色魚o個種), 浸好的昆布, 再等佢滾起, 最後放入豆腐同麵豉 (落多少就按自己口味), 如果用豆卜, 係落昆布時好落啦, 唔係唔入味架 ~ 等麵豉湯ready, 就將煮好的烏冬同魚旦就放入去, 滾番起, 加蔥花就食得 !
好掛住小巴黎的香茅豬扒飯, 但身在 UK, 唯有上網搵食譜自己煮啦 ! 星期六同同事去飲完茶, 又照例做一個 Chinese Supermarket Tour, Haha, 好勁 ! 我的同事們都買左唔少野走, 比我所買的只多唔會少, 而我呢就買左 d herbs 同 veggies 番屋企煮番 d 中式野 ~ 我以下的香茅豬扒係跟人地的食譜煮架 (Link 係引用度), 調味料我就只跟 list 唔跟份量, 另外有落辣椒仔, 早係星期日就醃定幾塊豬扒, 今日先煮左一件, 其他可以 forzen 左遲下再煮 ! 因為愛吃蔥同乾蔥, 又香口又好送飯, 所以炒多左份量架 ! 今晚除左有香茅豬扒, 仲有配上香辣炒三絲…
呢日四葉妹妹見餓餓地, 走左去茶餐廳喎!! 坐低後, 咦 .. 冇餐牌的 ?! 四葉即刻大叫一句 "唔該伙記 !!" Um .. 今日的茶餐幾正咁喎, 四葉妹妹話佢要 C 餐呀 ! 嘩 ! 佢知唔知咩係菠蘿油架 ?! 等左一陣, 個餐上左黎啦, 幾快手呀 ! 四葉妹妹開心到係咁望住個菠蘿油 ! (可能諗緊咩黎架 ?!) 雖然唔知係乜, 但四葉妹妹捧起個菠蘿油就咬落去啦 ~ Haha, 佢食得幾高興呀, 梗係好好味啦 ~ 食完個包, 跟餐仲有杯紅豆冰架喎 ~ 四葉妹妹大啖大啖咁係咁飲, 都唔怕凍架喎 !…