係買節瓜的同日, 我仲買左細細舊豬頸肉, 雖然話細細舊, 都可以分多 5 份出黎喎. 第一次係唐人舖買 Frozen meat, 都唔知得唔得架, 同埋解凍時的生肉味真係好難受 !! 出黎個效果幾好, 我用左 生抽, 老抽, 魚露, 麻油, 糖, garlic, ginger, 香茅 同埋 辣椒仔 黎醃佢 ! 不過可能切得舊肉太厚, 中間唔夠入味, 同埋要焗好耐下, 埋尾用左麥芽糖掃面 ! 相度我放左泰式辣醬, 但我發覺用番醃肉個 sauce 點黎食係夾 D 架 ~
今晚的晚餐好簡單 : 菜脯煎旦 配上 節瓜瑤柱瘦肉湯 (查實肉唔係太瘦, 搞到要隔油 !) 但最要受注目的係 – 節瓜 !! 撞鬼, 我用左 2 pounds, 即 HK$ 30 買架 !!! 一個 1 kg 唔到的瓜咁貴, 真係 …. 都話人離鄉賤, 但物呢 …. 升價 10 倍 !
係沙灘呆企左半個鐘 (因為落大雨, 要企係屋簷下等佢停 !), 再隨意四周亂行左個零鐘, 我諗係時間去碼頭啦 !! 5:00 正準時番去領番阿仔同阿 Dull, 而 Ferry 已經 Ready 俾人 boarding, 雖然船 7:00pm 先我就順勢 Check in 埋咁就上船, 因為我已經好攰, 好眼瞓啦 ! 呢架就係 Ferry 啦, 下層可以裝車, 上面可以住人. 呢間係 4人Share (Female Only) 內艙房 Deck 5, 咪睇佢細細間, 裝備幾齊,…
經過幾日時間, 總算 pick up 番我的正常生活 (當然包括番工啦 ~), 開始有時間放 d 相上黎啦 ! 一早 4:30 起身, 就為左要趕 6:45am 飛機. 結果去到機場, 都係要排左 1 hr 隊, 到 check 完 in, 都 final call for boarding 囉 ~ 今次坐 BMI Baby, 第一次坐呢間公司, 都 ok 架, 個 BB…
唔經唔覺, Shetland 10 日 (真正係 8 日, 頭尾 2日係用黎坐飛機同坐船的) 旅程就咁完成, 時間真係過得太快啦 !! 今日當係我由船踏上陸地的剎那 (Aberdeen), 真係好有衝動掉頭番去, 只係一海之隔 (咁都幾百 km 的), 點解個世界差咁遠架 ~ 呢 8 日我真係玩得好開心, 十分喜愛呢個地方, 甚至想到 " 呢度就係我退休時要住的地方啦 !!". Shetland 風景非常美麗, 由於係群島, 沙/石灘真係多不勝數, 我每日總可以搵到一個碼頭 / viewpoint 去享用我自備的午餐 !! 當然仲有 Evening…
番埋聽日工就出發去 Shetland 啦 !! 我 Check 過天氣報告, 大部份時間都會係天陰有雨, 係o既 ~ o個度話晒叫 Scotland, 唔落雨都唔正常啦 ! 不過唔好太凍就 OK 架啦 ~ 踏入夏天的英國, 佢的日落時間一日比一日遲, 夜晚八點都仲好似下晝三/四點咁, 可惜 d shops 冇跟住遲收丫, 成個 town 就好似活死城咁, 日光日白但冇乜幾多個人係街度 ~
頭先襯天氣唔錯, 走左去 Park 度行下. Trittiford Mill Park 係我家附近, 有一個人工湖, 呢度簡直係清理過期面包的最佳地點, 點解 ? 呢度有非常之多的鴨同鵝, 今日我仲見到一批新力軍添呀 !! 今日個天, 時陰時晴, 但總算冇落雨 ! 個 Park 的人工湖 + 一堆鴨同鵝 一大堆老傢伙另加一群新力軍 邪惡的松鼠, 搶人地盆的灰松鼠 花
工作左 5 個月, 終於係時候清假啦 !! 計計埋埋我仲有 5 日 A/L (冇錯, 只係由 1 – 3 月的 finanical year, 我已經有 7 日假 !), 加埋 5 月尾的 Bank Holiday, 再加埋 weekend, 我總共有 10 日去呢一個 Trip !! 今次我係去 Shetland !! 相信好多冇係英國住過的人都未必知呢個地方係邊 ! Shetland 位於英國 Scotland 北面的一群島,…
今晚好快手咁煮左個肉醬意粉, 見仲有 cheese 係雪櫃, 就用埋黎焗意粉啦 ! 由於太大盤啦 (冇法, 我一次煮左 250g minced beef 同成罐 chopped tomato !), 咁聽日我的 lunch 又有著落啦 !!
係外國, 好鍾意自己打蝦丸, 確實係好食好多的 ! 而呢味釀豆卜, 我係澳洲時已經不時會整, 要點泰式甜辣醬食的 ~
係第 100 個網誌, 我終於完成左我的布拉格之旅啦 ~~ 由石板路漫行到山腳, 又會到番 Lesser Town. 而沿路都有唔少商店, 每間店舖的門口都頗有特色. 呢間小店第一間吸引我的, 係佢門口 2 邊的畫, 繼而係呢間店名叫 Adelaide ! 呢間的熱氣球擺設真係好可愛架, 可惜價錢都唔平架 ! 走走下, 又回到 Charles Bridge 橋底下啦 ! 終於完成了一整個 Castle 之旅, 我地又係時候去醫肚, 今次我地去左間傳統 Czech Pub 改成的餐廳 ! 一入到去, 好好彩咁有位俾我地, 因為好似又係…
嘩 !! 今晚整左個極度違反我專業的菜式 !! 呢個菜我出街食飯基本上係一定唔會叫的 ! (不過我記得細個o個陣都幾鍾意食醉瓊樓出品的梅菜扣肉架喎 ! ) 今日鬼上身咁整左係因為我早 2 日係唐人舖買左包梅菜, 想用佢黎整下野食, 咁就諗到不如整呢味啦, 我都幾鐘意佢個甜豉油汁o既 ~ 出黎的效果, 梅菜同汁都幾好, 同係街食差唔多, 送飯一流 !! 估唔到唐人舖賣的梅菜都唔算太差 ~ 至於個肉, 算把啦, 我係外國超市買到的已經係唔同部位, 仲要咁多 Fat, 我食左 2 小件 (40g 度), 都滯左係度囉 ! 有冇人想食呀 ? 分 d 俾你地o丫 !!