每年 11 月左右, 都係 WWF 舉行 “步走大自然” 的日子, 我呢幾年斷斷續續咁都去左好幾回, 係一個難得可以入米埔睇雀睇風景的好機會 ! 以往大會於起步點派發步走護照, 以供參加者可依地圖而行進, 兼且沿途到各 check points 儲印章打咭, 不過今回受到武肺的嚴重影响, 大會試著利用 official apps 來打咭尋寶, 其原意還是頗不錯的, 用少點紙夠環保, 可惜不夠細心的係, 米埔有好幾個地帶都是接不到 network 的, 如果出發前沒有預先裝好個 apps, 入到米埔禁區就會用唔到架啦 ~ HK : 2018 步走大自然 @ 米埔 HK :…
呢一年由於武肺仍然作亂, 基本上大部份的山賽都取消左, 而當中唔少賽事都改變左進行模式, 如今新新舊舊的山上山下賽事, 都大多用咗線上跑之方式來進行 ! 今回喺朋友推介下, 我地玩左轉 #獅360 (Round The Lion), 整個路線有不少路段都係我較少行過, 都幾有趣好玩架 ! 果然唔賽唔知身體好, 真係有賽事先可以迫住大家去練山, 黎緊仍然會一個接一個咁去努力, 希望 2021 會繼續走遍 HK 的好風景 !! 起點由黃大仙大牌坊出發, 沿沙田坳道一路慢慢上山, 去到恒益士多就要轉番去上山路徑, 呢條登山小路係意料之外的好風景, 大半個九龍區都可以望得到 ~ 呢個慈雲山發射站, 內有標高柱 (慈雲山 488m), 不對外開放, 山友們卻可以在門口打個咭 ~…
最近大帽山的紅色題字成為山組熱門話題, 不過不能成為事實的話, 任你寫幾十萬次都只係廢話一堆, 好在舊年趁好天氣我都上左一次大帽山, 總算係大帽山被污染之前打多左次卡咋 !! 我地由後山出發, 遠眺了針山, 卻經草山而前進, 天色清得可以望得很遠 ! 鉛礦坳的小白鷺 ! 登上大帽山的石陣, 走向邊一點, 自有山下好風光 ~ 大帽山的 Icon 就在前方, 是被污染前的 ~~ 是日的雲層很美 … 登山過後, 辛苦之後, 總會慢慢轉成輕鬆點的下山路段 … 大帽山石屎路段, 視野總是那麼的廣濶, 怪不得每個周末都會遊人被塞爆了 ! …
10 月中, 在爆熱曝曬的一天, 我們決定來走一趟雞公嶺 ! 呢條山徑成日話要去行番次, 結果都係到呢日先係第一次行咋 ~ 先唔講呢條山徑, 講左我地個早餐先, 竟然可以去到盛記食早餐, 呢間食店我地雞煲打邊爐外賣就買過, 食番碗雲吞魚皮餃麵都係第一次, 而呢度出品之質素都唔洗懷疑架, 真係唔錯架 ! 聽聞呢度的盆菜也不錯, 下次都要訂個黎試先 ~~ 盛記盆菜 & 盛記麵家 Openrice Review : https://www.openrice.com/zh/hongkong/r-%E7%9B%9B%E8%A8%98%E7%9B%86%E8%8F%9C-%E7%9B%9B%E8%A8%98%E9%BA%B5%E5%AE%B6-%E6%B2%99%E7%94%B0-%E7%B2%B5%E8%8F%9C-%E5%BB%A3%E6%9D%B1-%E7%81%AB%E9%8D%8B-r14802 上雞公嶺的起點喺逢吉鄉, 馬路邊有個都幾明顯的入口仔, 由呢度開始一直往山上走, 越往上走視野越見開揚, 可以盡覽山下的逢吉鄉及沙埔村, 遠一點還可以看到錦田河 ! 雞嘴下應該可以算係上雞公嶺的第一個 view point, 遠處的南生圍、大生圍 及…
唔好意思, 呢一篇遊記, 我足足拖左幾個月, 到而家先有心機去寫番. 2020 年間, 我仲諗住冇得出門外遊, 咁總有時間去補番之前的遊記, 點知我連一個外遊的相片都冇處理到, 反而仲積多左本地的山系遊, 希望 2021 年我可以逐步整理, 遊記再次上載啦 ! 話說嗰期疫情稍為平伏, 我地成功可以出海, 玩了人生第一次的本地兩日一夜 Liveaboard, 重點係除左有得潛水, 仲有得玩海上 BBQ 添呀 ~ 呢日大海一點都唔風平浪靜, 第一潛我地先去遠遠地的火石 ! 差唔多 3 點多下潛, 28 度水潛左大約 71 分鐘, 最深去到 16.1m, 都叫見到唔少魚架 ~…
2021 的第一篇, 我決定要用獨一無異的 Hong Kong Newt (香港瘰螈) 來開始 !! 自 11 月就收左季, 冇得出海落水影魚, 咁我就連香港瘰螈都唔放過, 最近常上山探望佢哋 ~ 呢堆小朋友體型小小的, BB 們的長度大約 0.5 cm – 2 cm 之間, 眼大少少都會睇過籠呀 ! 黑色身體, 黃色眼圈 及 咀仔, 樣子呆呆萌到爆燈, 可愛死了 ~~~ 由於牠們屬近危物種, 同時亦受保護瀕危動植物物種條例（第586章）保護, 請恕我唔會公開佢地的生長地點, 亦請有幸在郊野中找到牠們的朋友, 千萬要好好保護佢地呀…
最近 join 左個本地線上越野跑, 要一連玩足 3 個月, 每月要到大會指定的香港主要山徑儲哩數, 11 月就讓我們從衞奕信徑開始吧 ! 我哋呢個月分左 2 次去完成哩數, 第一回係衛徑四 & 五段 ; 第二回係甘甘地的衛徑八 & 九段 ! Part 1: 衛徑第四段起點, 就由井欄樹出發, 一路向東洋山進發 ! 我都有好一陣子冇去行呢段山徑, 每之走在山林中, 景色依然優美, 不過上東洋山的石級依舊有點甘 ~~ 東洋山上好風景, 可遠眺整個西貢, 又可以睇到呢期人人都話要去睇的芒草 ! 曾幾何時, 東洋山上並沒有太多遊人,…
多得呢個政府繼續亂咁放人入境又唔管好強制檢疫, 咁第四波咪如佢地所願咁爆發左, 跟住班無賴對政府防疫不力隻字不提, 但就個個輪住出黎話市民呢樣唔啱, 嗰樣又做唔好, 轉頭天要再收緊限聚令, 今回又唔知幾多小店同餐廳做唔住要倒閉, 咁咪即又係要香港人自己去埋呢張單囉 ! 生日月剛過, 疫情又轉差, 咁又係開始清下之前的本地遊記啦 ! 綠蛋島係今年之內, 經過多番報道及介紹之後, 到訪遊人火速上升, 我們到訪之日即使是 weekday, 都真係人山人海的, 不難想像假日的綠蛋島, 應該真係旺過旺角的 ~~ 我地租左 Kayaks 由相思灣出發, 慢慢往綠蛋島前進 ~~ 是日風浪不大, 頗易前進, 單人艇永遠都係我的頭號選擇 ! 由相思灣到綠蛋島的航距不遠, 慢慢划大約 30 分鐘左右, 而且海上風景永遠也很不錯 ! 不遠處就是綠蛋島了 !…
這天原定打算帶朋友行上山頂, 卻無意中發現山頂纜車竟然連隊都唔洗排, 咁多年黎都輪唔到 HK 人都去坐嘛, 而家仲坐下咩 ~~ 路程雖不遠, 但童年回憶番晒黎 ~~ 上到山頂, 先上一上山頂公園個秘位打個卡 ~ 呢個位唔會太多山友上黎, 正好可以跟朋友坐低 Hea 一會, 等候小朋友們的到來 ~~ 帶著小朋友們行山頂公園, 行下又買下小食做補給咁, 再帶佢地轉道往 Governor’s Walk, 在樹蔭之下探索一下, 下山石級路, 小朋友們倒也能走完全程 ~ 回到盧吉道, 往山頂廣場而行, 仲可以睇埋山頂維港景, 才去山頂廣場搵食醫肚 ~~ 盧吉道路面平坦, 非常適合小朋友去架 !
上幾個星期, 趁疫情稍為緩和之際, 我地帶住 3 個契女郊遊去 ! 雖然疫倩係好轉左, 但都唔敢帶佢地去太多人的地方. 呢次我地就去左較少遊人, 路徑平坦適合小朋友去的長沙引水道 ~ 起點始於石壁水塘, 藍天白雲, 翠綠群山, 大佛隱在遠山中, 呢度唔可以唔同小朋友打番個咭架 ~ 石壁水塘巴士站下車之後, 要沿馬路往回走一段路, 才是長沙引水道之入口, 也就是以下相中那片草地, 單講黎呢度野餐, 都夠開心啦 ~~ 咪以為引水道就會冇景睇, 呢仲引水道都幾靚架喎 ~~ 沿路又意外地多野睇 ! 小朋友對野外出現的小東西, 都會帶著一點好奇, 簡單如松果都能吸引著他們. 有幸還見到竹節蟲 及 人面蜘蛛, 小朋友們都蹲在那觀察著…
Staycation 無疑係今年的新興活動, 早排我都去玩左一次, 原來都可以係一個幾唔錯的活動 ! 該如何選取酒店呢個問題, 請恕我不懂回答, 我對香港酒店的研究不多, 今次選取 Hotel Icon 只有 2 個原因 : 1) 呢間唔係大家會熱捧的選擇 ; 2) 佢地個 Package 包左一個鐘 Massage ! 某個閒日, 跟朋友食左午飯, 就去 Hotel Icon check in, 過程順利也没有人山人海, 感覺良好 ~ 攞左匙咭就上樓, 整理過的房間門口有封條, 多了幾分誠意 ~ 酒店房間空間感不錯,…
七月的某日, 難得放了半天假, 開架車入大埔林錦公路的森林咖啡, 好好地享受了一頓午飯. 這家森林咖啡嘛, 我很久以前也曾幫襯過, 估唔到咁多年後依然係度, 而且喺一個閒日的下午, 都真係唔少顧客架喎 ! 呢度出名食 Burger, 份量夠晒大堆頭, 個跟餐薯角仲幾好味添 ! 有胃口不妨多點一份洋葱圈丫, 呢個都係正野黎 !! 森林咖啡 Openrice Review : https://www.openrice.com/zh/hongkong/r-%E6%A3%AE%E6%9E%97%E5%92%96%E5%95%A1-%E5%A4%A7%E5%9F%94-%E8%A5%BF%E5%BC%8F-%E6%BC%A2%E5%A0%A1%E5%8C%85-r480430 黎到呢區, 估唔到朋友都有個秘位帶我地去睇下, 隱藏在大菴村中的古窯 ! 要看古窯, 卻可先看村中的小小居民及自家種的火龍果 ! 大菴古窯依山而建, 看過介紹才知古窯已有 150 年歷史, 聽說屬瓦窰來的. 古窰的入口被泥土半封, 但都可以行到入去, 記得企喺古窰中間望下,…