根據過去幾年的經驗, 時近中秋, HK 水質總會變得較好, 難得有機會, 當然跟朋友們出海潛下水 ~ 是日天氣好得不得了, 唔太熱又唔太凍, 有太陽再加海風, 唔潛齋出海都爽呀 ! 今回出潛白腊仔, 都好耐冇黎呢邊潛, 又睇下有咩搵到先 ~ 第一潛, 水溫真係好暖, 有成 28 度. 下潛最深 9.8 米, 無目的隨意找, 隨意拍, 都玩左 51 分鐘. 今回試下減鉛, 日常裝備, 用左 6 lb 下水, 成功落到水底, 不過潛到半支左右, 就要控制住黎潛,…
HK : 支半日潛白腊仔
HK : Hea 在長洲
講真, 我真係好多年冇去長洲, 主因 – 怕人多 ! 近年的長洲, 冇乜邊個 Weekend 係會少人, 分分鐘仲會旺過旺角添, 因此我真係冇興趣去同人迫. 本星期 Long weekend, 朋友話不如入去行下, 咁咪去下囉 ~ 往中環碼頭上船途中, 拍了以下相 ! 鬼咩 ?! 日日都天陰陰, 繼而就落雨 … … 真係好耐未見到藍天啦 ~~ 為避開人潮, 我們坐了早上 10 時的船, 結果班船都係 Full 架 ~ 來到長洲,…
HK : 日潛平面洲 ; 夜潛火石洲
唔經唔覺, 我已經 2 個月冇係本地潛水了, 本年的潛水興致似乎減退了一點添 … .. 這星期終於跟朋友們出潛, 下午出船, 一個日潛接兩個夜潛, 好充實哦 ! 出船於西貢, 人齊就出動, 潛水仲有小布袋送, 隻水母仲要好得意添架 ~ 第一站係連名都未聽過的 – 平面洲 ! 下午四時多落水, 這個潛點唔深架, 最深都係 9 米左右, 潛左 40 分鐘左右, 水溫 26 度剛剛好, 好舒服. 最初落到去都唔算多野睇, 四圍八下都只係搵到 2 隻橙兔兔 … ……
HK : 真係好甘的船灣淡水湖郊遊徑
繼上回挑戰了蓮麻坑, 今回我地玩長線 – 船灣淡水湖郊遊徑. 郊遊徑呢個名字聽落去冇咩, 路徑也不算特別長, 由烏蛟騰出發, 以大尾督作結, 全長也不過 18 公里. 不過, 呢 18 公里原來好鬼甘, 唔計我地中間休息的時間, 由早上 10 時起步到下午 7 時, 期間足足馬不停蹄地行左 8 小時有多 ! 完成整個路徑的後果, 除了累, 就係渴 !!! http://hiking.gov.hk/chi/trail_list/country_trail/Plover_Cove_Reservoir_Country_Trail/introduction.htm 早上直接坐車前往烏蛟騰, 起步不久就是上山路段, 路面不平而且斜度高, 未熱身都真係行得有點辛苦 … … 還好上到山頭都有唔錯的風景…
2016 櫻桃小丸子學園祭 – The One, HK vs 澳門會展中心
早排跟由英國回港的好友到尖沙咀吃晚飯, 飯後隨意地逛逛, 就逛到 The One 來 ! 在 The One 門口, 遇上一大班小丸子, 係一班擁有唔同頭髮顏色, 身穿唔同裝束的小丸子, 不過我最鍾意都係面帶 -_-” 的小丸子 ~ 呢個係一個小丸子花園哦 ~~ 上到庭園, 原來仲有幾個小丸子場景哦 ! 原來小丸子同花輪同學都都襯下喎, 不過最吸引的係佢地身口的野口同學 … ku ku ku (野口同學的笑聲 …) … 看到假噴泉的假石雕, 差點笑翻了, 邊位咁有創意呀 ?! 爺爺呢個…
2016 魚假期再次出團 之 短遊石垣島 – Day 1 進駐靚爆的川平灣
如果大家有留意呢個 Blog 的 Facebook Page, 可能知道我剛剛出過門, 到訪了數年前已經很喜愛的一個地方 – 石垣島 ! 以往要由 HK 去石垣島比較轉接, 要先到沖繩本島那壩機場, 再轉內陸機前往石垣, 我之前就係用呢個路線玩架啦, 詳情可以參考 “以下連結” ! 好消息係自今年六月開始, 本地航空公司開了一條新航線, 只要坐大約 2 小時的機程, 就可以直達石垣島, 這簡真就係我的 Good News ! 就係咁我跟幾名好友加大小契女, 一行六人成行, 由魚假期再度領軍, 出遊石垣島 ! 這回來到石垣的新機場, 依然的小島風情,…
HK : 熱爆浮潛 @ 東平洲
上星期收完米, 第二日又岀動去東平洲 ! 原來唔覺唔覺, 我對上一回去東平洲已經係 2013 之事了, 之前去東平洲都會玩環島行. 今回天氣實在太熱了, 我們一行七人就決定要去東平洲浮潛去 ~~~ 是日天氣好得有點熱過籠, 坐完船踏上東平洲才不過 5 分鐘, 我地就已經想即刻跳入水中降溫. 這天的水質不錯, 未算非常清澈, 但都可以見到底, 入水都有番咁上下能見到, 玩浮潛都算可以架啦 ~ 我們來到殷伯檔口前的沙灘, 即場租用了沙灘傘, 齊齊砌好個陣, 就快快衝入水中 … … 水淺處水溫都暖暖地, 不過好過在岸上乾煎, 只要再往深水區走去, 開始感到腳底有冷流. 事實上, 當日有朋友們去潛水, 一致回覆說水中溫度甚低, 只有…
HK : 收米囉 ! @ 上水塱原
本期周末好節目, 跟朋友去塱原收米 ! 我冇打錯, 你都冇睇錯, 我呢個星期真係跟左朋友入上水塱原的稻田開工. 好多人都會問, HK 仲有人種米架咩 ?! 答案係有架, 不過唔多人知, 亦唔易搵到咁囉 ! 塱原呢一片米田, 其實係由好多塊農田組合而成, 而呢度的保育工作, 主要就由長春社負責統籌的 ~ 長春社 – 保育塱原 : http://www.cahk.org.hk/show_works.php?type=sid&u=125 是日出發之前, 竟然下起大雨來, 同時卻又見到不常遇上的雙彩紅, 這天我們應該會很幸運的吧 !? 每一回來塱原, 總會覺得這裡的景色非常吸引 ! 第一次來這裡的朋友, 都有點不相信 HK 也有這麼一大片平坦的農地. 事實上, 塱原本來就係一片淡水濕地,…
HK : 登上紅花寨 。闖進蓮麻坑礦洞
有時候個人癲癲地, 總會又識著個傻傻地的, 結果仲要約埋班搞笑的, 大伙兒係 34 度高溫下去行山. 原本咁熱就應該只黎個短短地路程的, 點知原來係去行沙頭角紅花嶺那邊, 又要上山, 又冇遮擋位, 仲會迷路的, 真係曬到燶呀 !! 我們今回的起步點, 係沙頭角公路 x 禾徑山路, 沿禾徑山路 (馬路) 行到咁上下, 就有分支往上紅花嶺的山徑架啦 ~ 上紅花嶺電塔的, 係全程泥水路, 非常易走, 不過就要不停勁上斜咁囉 ~ 咁唯有慢慢行下, 抖下, 間中又停低黎影下風景照, 其實都唔會太難捱o既 ! 呢日的藍天白雲真係冇得頂 ! 來到電塔前的一片平地, 其外貌有點似停機坪的模式,…
HK : 日潛夜潛四支 @ 漁排
本星期又下水了, 仲要玩到好盡, 一日四支由日頭潛到夜晚 ! 今回由黃石碼頭出發, 全日都以漁排作基地, 朋友們整理好 gear, 我地就出發作第一潛啦 ~ (是日的蚺蛇尖, 全都躲在迷濛之中 ~) 是日第一潛, 來到黃茅洲, 以往也來過, 這個潛點的好處是較淺水, 不過水質清唔清就睇運數. 黎呢度潛呢, 有好有唔好, 一係好多野影, 一係就悶到傻 ~ 估唔到的係, 落左咁多雨, 呢日的水質都好清喎, 能見到很好 ! 潛左冇耐就見到呢隻點點紫兔了 ! 仲有呢隻紅耳兔 ! 第一潛的其他照片 ~ …
HK : 端午短行谷埔鳳坑
端午節那天, 早上明明天氣很好的, 差不多接近日午之時, 卻又開始烏雲密怖. 本來計劃了行長程一點, 卻由於天氣不佳之關係, 我地改行短一點的行程. 我很少走大埔那邊的路徑, 今回試試由新娘潭路的降下坳出發 ~ 起步初段, 主要都是上山路段, 路況不錯, 而且好像正在通過綠色隧道 ! 來到此路段最高點, 有三角點以及山火瞭望台, 可惜附近樹木太茂密, 景觀都被遮蓋住了 … … 接著又是叢林路段, 泥石路有點濕, 也有點鬆軟, 但未算太難行. 走著走著, 會經過亞媽笏 (無啦啦有個路牌咁奇怪的 ?!) ~ 黎到呢個位呢, 係正山脊位罝, 中間有一方平地, 没有任何記號, 有點似停機坪的設定 !…
HK : 一次走完三座法定古蹟 @ 大埔墟
我雖然時常往外闖, 但係對 HK 的景點仲係非常有興趣架 ! 本星期實在太熱啦, 未係好去到行山, 咁我地去大埔扮下偽文青啦 ~ 不過要去尋訪散在大埔墟範圍內的法定古蹟, 當然要先吃早餐, 來一份新明發盅頭飯, 再加一粒燒賣, 正呀 ~ 想去呢度好耐 – 舊大埔警署, 如今多了個別名綠匯學苑 (Green Hub). 呢間警署係新界首間永久警署, 建於 1899 年, 期間隨著時代變遷, 其警務用途亦有所不同, 直到 1987 才停止運作. 之後於2009年被評為一級歷史建築, 並於 2010 年被活化成「綠匯學苑」! 我認我係對英式舊建築特別喜愛架, 因為我就係鍾意用紅磚頭砌出黎的樓房 ~ 綠匯學苑 (舊大埔警署)…