話說本人生日都已經係去年 11 月的事情, 由此可見最近遊記都出得好慢, 我正努力咁清埋 2020 年的倉底貨, 就會加快追番 2021 年的行程架啦 !! 嗰日攞左假, 午飯可以早點食 D 得意嘢 : B.Duck & Buffy 德記茶樓 ! (好可惜, 事隔只係數月, 原來呢間茶樓已結業了 !) 呢間茶樓的裝飾都幾可愛得意架, 全間都可以處處見到 B Duck 架 ~ 咪睇呢間餐廳玩味十足, 就以為點心只係得個睇字, 事實上嘢食之水準相當不錯架 !! 真正的好睇又好食架 ~ 原以為餐廳內先咁多裝飾,…
講開沙田區的短線山遊, 仲有以下呢條比較冷門的路線可以一試 : 水泉澳 行到 牛皮沙, 先旨聲明呢條山徑大部份路段都唔難行, 唯獨下山嗰段就特別的陡斜, 可能要拉繩而下的 ~ 起點就在水泉澳村的後山, 入口都清晰的, 接著就慢慢的沿梯級往山上走 … 相中呢舊大石有如皇座, 我地係呢度遇上唔太怕人的小蜥蜴, 俾我地同佢影左陣相先走番入林中, 幾可愛架 ~ 途中遇到一水潭, 周邊環境係好唔錯的, 朋友卻笑說是大媽池, 不過是日有點陰冷, 當然就唔會有人黎泡水了, 反而我地可以隨意在水池邊探索一下, 找找水中小生物 … 呢隻菇呀, 望落係咪成日手指咁呢 ?! 唔信你可以望下相 2 架 … 接著路段都在山脊上行走, …
呢期多左行梅子林附近的路線, 除左前兩篇介紹的 鹿巢石林 & 茅坪古道, 仲有呢條名字帶點古怪的 – 大腦古道 ! 若要前往大腦古道, 得先從其他山徑接上, 其中一個入口就由麥 4 (麥理浩徑第 4 段) 嗰邊轉入去, 因此我地就由基維爾營嗰邊起步啦 ~ 逆走麥 4 的感覺有點陌生, 當走過了黃涌石澗附近的十字路口之後, 留意那個頗為隱蔽的入口, 亦就是大腦古道的起點 ! 窄窄的山徑, 彎彎曲曲的, 部份由大石所舖設, 真係好有古道 feel 的 ~ 沿山徑而前進, 直到遇上一道又高又濶又整齊的石牆, 那就來到荒廢了的大腦上洋村 ! 我們沿梯級而上, 走進了廢村探索一下,…
年初五, 隨住大家各自都開番工, 我呢度都要啟市, 趕一趕進度了 ! 上文提到了鹿巢石林, 其實同日下半場我們還走了一趟 茅坪古道, 去尋找一下那傳聞中的茅坪藤皇 ! 自從疫情開始以後, 我們時常踏足不同的古道, 今回的茅坪古道, 同樣那麼環境優美, 當經歷了年月的洗禮, 已減去了不少人工修飾的刻意, 雖然偶爾間確實是人山人海, 我們卻不減遊興 ! 呢條小溪名為茅坪坑, 茅坑這個名字嘛, 總令人有莫名的聯想 … … 走在茅坪古道, 總會間中就遇到荒廢了的村屋, 若是遇上較齊存的石屋, 係可以好配襯到成個畫面的… … 茅坪藤皇第一回現真身 ! 藤皇係幾靚幾特別架, 但就係太多山友在圍住轉, 因此我地快手影完也就離開了 ! …
已經係舊年的事情了 … 有次見朋友去完鹿巢石林, 影出黎的風景勁靚, 就約朋友們上山了 ! 其實鹿巢石林並唔遠, 就係由大水坑入梅子林, 抄山徑登山而上, 路途說易也不容易, 但難也不算太難的 … 呢度的樹枝群間中會暗藏攻擊武器, 枝節上有勁尖又巨型的刺, 驚死唔拮中人咁 ! 好在我地好快就通過上到半山開揚位置, 剛好可以影張 Profile Pic ! 呢度望番落去就係梅子林, 遠處則是城門河方向 ~ 接著穿過草叢、竹林、樹林以及古村遺址 … 經過呢舊石頭時, 我地覺得好似一個猶長頭, 頭上有嗰頂羽毛帽咁, 就改左佢個名叫猶長石 ! 黎到呢度, 就係上鹿巢石林的入口了 !! …
每年 11 月左右, 都係 WWF 舉行 “步走大自然” 的日子, 我呢幾年斷斷續續咁都去左好幾回, 係一個難得可以入米埔睇雀睇風景的好機會 ! 以往大會於起步點派發步走護照, 以供參加者可依地圖而行進, 兼且沿途到各 check points 儲印章打咭, 不過今回受到武肺的嚴重影响, 大會試著利用 official apps 來打咭尋寶, 其原意還是頗不錯的, 用少點紙夠環保, 可惜不夠細心的係, 米埔有好幾個地帶都是接不到 network 的, 如果出發前沒有預先裝好個 apps, 入到米埔禁區就會用唔到架啦 ~ HK : 2018 步走大自然 @ 米埔 HK :…
呢一年由於武肺仍然作亂, 基本上大部份的山賽都取消左, 而當中唔少賽事都改變左進行模式, 如今新新舊舊的山上山下賽事, 都大多用咗線上跑之方式來進行 ! 今回喺朋友推介下, 我地玩左轉 #獅360 (Round The Lion), 整個路線有不少路段都係我較少行過, 都幾有趣好玩架 ! 果然唔賽唔知身體好, 真係有賽事先可以迫住大家去練山, 黎緊仍然會一個接一個咁去努力, 希望 2021 會繼續走遍 HK 的好風景 !! 起點由黃大仙大牌坊出發, 沿沙田坳道一路慢慢上山, 去到恒益士多就要轉番去上山路徑, 呢條登山小路係意料之外的好風景, 大半個九龍區都可以望得到 ~ 呢個慈雲山發射站, 內有標高柱 (慈雲山 488m), 不對外開放, 山友們卻可以在門口打個咭 ~…
最近大帽山的紅色題字成為山組熱門話題, 不過不能成為事實的話, 任你寫幾十萬次都只係廢話一堆, 好在舊年趁好天氣我都上左一次大帽山, 總算係大帽山被污染之前打多左次卡咋 !! 我地由後山出發, 遠眺了針山, 卻經草山而前進, 天色清得可以望得很遠 ! 鉛礦坳的小白鷺 ! 登上大帽山的石陣, 走向邊一點, 自有山下好風光 ~ 大帽山的 Icon 就在前方, 是被污染前的 ~~ 是日的雲層很美 … 登山過後, 辛苦之後, 總會慢慢轉成輕鬆點的下山路段 … 大帽山石屎路段, 視野總是那麼的廣濶, 怪不得每個周末都會遊人被塞爆了 ! …
10 月中, 在爆熱曝曬的一天, 我們決定來走一趟雞公嶺 ! 呢條山徑成日話要去行番次, 結果都係到呢日先係第一次行咋 ~ 先唔講呢條山徑, 講左我地個早餐先, 竟然可以去到盛記食早餐, 呢間食店我地雞煲打邊爐外賣就買過, 食番碗雲吞魚皮餃麵都係第一次, 而呢度出品之質素都唔洗懷疑架, 真係唔錯架 ! 聽聞呢度的盆菜也不錯, 下次都要訂個黎試先 ~~ 盛記盆菜 & 盛記麵家 Openrice Review : https://www.openrice.com/zh/hongkong/r-%E7%9B%9B%E8%A8%98%E7%9B%86%E8%8F%9C-%E7%9B%9B%E8%A8%98%E9%BA%B5%E5%AE%B6-%E6%B2%99%E7%94%B0-%E7%B2%B5%E8%8F%9C-%E5%BB%A3%E6%9D%B1-%E7%81%AB%E9%8D%8B-r14802 上雞公嶺的起點喺逢吉鄉, 馬路邊有個都幾明顯的入口仔, 由呢度開始一直往山上走, 越往上走視野越見開揚, 可以盡覽山下的逢吉鄉及沙埔村, 遠一點還可以看到錦田河 ! 雞嘴下應該可以算係上雞公嶺的第一個 view point, 遠處的南生圍、大生圍 及…
唔好意思, 呢一篇遊記, 我足足拖左幾個月, 到而家先有心機去寫番. 2020 年間, 我仲諗住冇得出門外遊, 咁總有時間去補番之前的遊記, 點知我連一個外遊的相片都冇處理到, 反而仲積多左本地的山系遊, 希望 2021 年我可以逐步整理, 遊記再次上載啦 ! 話說嗰期疫情稍為平伏, 我地成功可以出海, 玩了人生第一次的本地兩日一夜 Liveaboard, 重點係除左有得潛水, 仲有得玩海上 BBQ 添呀 ~ 呢日大海一點都唔風平浪靜, 第一潛我地先去遠遠地的火石 ! 差唔多 3 點多下潛, 28 度水潛左大約 71 分鐘, 最深去到 16.1m, 都叫見到唔少魚架 ~…
2021 的第一篇, 我決定要用獨一無異的 Hong Kong Newt (香港瘰螈) 來開始 !! 自 11 月就收左季, 冇得出海落水影魚, 咁我就連香港瘰螈都唔放過, 最近常上山探望佢哋 ~ 呢堆小朋友體型小小的, BB 們的長度大約 0.5 cm – 2 cm 之間, 眼大少少都會睇過籠呀 ! 黑色身體, 黃色眼圈 及 咀仔, 樣子呆呆萌到爆燈, 可愛死了 ~~~ 由於牠們屬近危物種, 同時亦受保護瀕危動植物物種條例（第586章）保護, 請恕我唔會公開佢地的生長地點, 亦請有幸在郊野中找到牠們的朋友, 千萬要好好保護佢地呀…
最近 join 左個本地線上越野跑, 要一連玩足 3 個月, 每月要到大會指定的香港主要山徑儲哩數, 11 月就讓我們從衞奕信徑開始吧 ! 我哋呢個月分左 2 次去完成哩數, 第一回係衛徑四 & 五段 ; 第二回係甘甘地的衛徑八 & 九段 ! Part 1: 衛徑第四段起點, 就由井欄樹出發, 一路向東洋山進發 ! 我都有好一陣子冇去行呢段山徑, 每之走在山林中, 景色依然優美, 不過上東洋山的石級依舊有點甘 ~~ 東洋山上好風景, 可遠眺整個西貢, 又可以睇到呢期人人都話要去睇的芒草 ! 曾幾何時, 東洋山上並沒有太多遊人,…