多得呢個政府繼續亂咁放人入境又唔管好強制檢疫, 咁第四波咪如佢地所願咁爆發左, 跟住班無賴對政府防疫不力隻字不提, 但就個個輪住出黎話市民呢樣唔啱, 嗰樣又做唔好, 轉頭天要再收緊限聚令, 今回又唔知幾多小店同餐廳做唔住要倒閉, 咁咪即又係要香港人自己去埋呢張單囉 ! 生日月剛過, 疫情又轉差, 咁又係開始清下之前的本地遊記啦 ! 綠蛋島係今年之內, 經過多番報道及介紹之後, 到訪遊人火速上升, 我們到訪之日即使是 weekday, 都真係人山人海的, 不難想像假日的綠蛋島, 應該真係旺過旺角的 ~~ 我地租左 Kayaks 由相思灣出發, 慢慢往綠蛋島前進 ~~ 是日風浪不大, 頗易前進, 單人艇永遠都係我的頭號選擇 ! 由相思灣到綠蛋島的航距不遠, 慢慢划大約 30 分鐘左右, 而且海上風景永遠也很不錯 ! 不遠處就是綠蛋島了 !…
這天原定打算帶朋友行上山頂, 卻無意中發現山頂纜車竟然連隊都唔洗排, 咁多年黎都輪唔到 HK 人都去坐嘛, 而家仲坐下咩 ~~ 路程雖不遠, 但童年回憶番晒黎 ~~ 上到山頂, 先上一上山頂公園個秘位打個卡 ~ 呢個位唔會太多山友上黎, 正好可以跟朋友坐低 Hea 一會, 等候小朋友們的到來 ~~ 帶著小朋友們行山頂公園, 行下又買下小食做補給咁, 再帶佢地轉道往 Governor’s Walk, 在樹蔭之下探索一下, 下山石級路, 小朋友們倒也能走完全程 ~ 回到盧吉道, 往山頂廣場而行, 仲可以睇埋山頂維港景, 才去山頂廣場搵食醫肚 ~~ 盧吉道路面平坦, 非常適合小朋友去架 !
上幾個星期, 趁疫情稍為緩和之際, 我地帶住 3 個契女郊遊去 ! 雖然疫倩係好轉左, 但都唔敢帶佢地去太多人的地方. 呢次我地就去左較少遊人, 路徑平坦適合小朋友去的長沙引水道 ~ 起點始於石壁水塘, 藍天白雲, 翠綠群山, 大佛隱在遠山中, 呢度唔可以唔同小朋友打番個咭架 ~ 石壁水塘巴士站下車之後, 要沿馬路往回走一段路, 才是長沙引水道之入口, 也就是以下相中那片草地, 單講黎呢度野餐, 都夠開心啦 ~~ 咪以為引水道就會冇景睇, 呢仲引水道都幾靚架喎 ~~ 沿路又意外地多野睇 ! 小朋友對野外出現的小東西, 都會帶著一點好奇, 簡單如松果都能吸引著他們. 有幸還見到竹節蟲 及 人面蜘蛛, 小朋友們都蹲在那觀察著…
Staycation 無疑係今年的新興活動, 早排我都去玩左一次, 原來都可以係一個幾唔錯的活動 ! 該如何選取酒店呢個問題, 請恕我不懂回答, 我對香港酒店的研究不多, 今次選取 Hotel Icon 只有 2 個原因 : 1) 呢間唔係大家會熱捧的選擇 ; 2) 佢地個 Package 包左一個鐘 Massage ! 某個閒日, 跟朋友食左午飯, 就去 Hotel Icon check in, 過程順利也没有人山人海, 感覺良好 ~ 攞左匙咭就上樓, 整理過的房間門口有封條, 多了幾分誠意 ~ 酒店房間空間感不錯,…
七月的某日, 難得放了半天假, 開架車入大埔林錦公路的森林咖啡, 好好地享受了一頓午飯. 這家森林咖啡嘛, 我很久以前也曾幫襯過, 估唔到咁多年後依然係度, 而且喺一個閒日的下午, 都真係唔少顧客架喎 ! 呢度出名食 Burger, 份量夠晒大堆頭, 個跟餐薯角仲幾好味添 ! 有胃口不妨多點一份洋葱圈丫, 呢個都係正野黎 !! 森林咖啡 Openrice Review : https://www.openrice.com/zh/hongkong/r-%E6%A3%AE%E6%9E%97%E5%92%96%E5%95%A1-%E5%A4%A7%E5%9F%94-%E8%A5%BF%E5%BC%8F-%E6%BC%A2%E5%A0%A1%E5%8C%85-r480430 黎到呢區, 估唔到朋友都有個秘位帶我地去睇下, 隱藏在大菴村中的古窯 ! 要看古窯, 卻可先看村中的小小居民及自家種的火龍果 ! 大菴古窯依山而建, 看過介紹才知古窯已有 150 年歷史, 聽說屬瓦窰來的. 古窰的入口被泥土半封, 但都可以行到入去, 記得企喺古窰中間望下,…
早排近近地咁去行咗女婆山 (Nui Po Shan), 可能就係因為近近地, 所以我係從未上過呢個山架喎 !! 全程才不過 7 公里多, 起點就在富安花園附近, 咁我地食早餐都選擇呢附近, 點知呢間喜利茶座原來極受附近居民歡迎, 竟然一朝早食個早餐都要排隊喎 ! 之不過呢, 呢度的早餐質素又確實幾唔錯架, 值得一試 ! 喜利茶座 Openrice Review : https://www.openrice.com/zh/hongkong/r-%E5%96%9C%E5%88%A9%E8%8C%B6%E5%BA%A7-%E9%A6%AC%E9%9E%8D%E5%B1%B1-%E6%B8%AF%E5%BC%8F-r512010 由富安花園後山出發, 要先過左橋, 再沿馬路前進, 直到在馬路邊見到個唔太顯眼的入口, 呢度就係上山路徑之入口 ~~ 呢個路口好易會錯過, 最好對住 view range 個地圖黎對比下 ! 頭段全是上山路段, 斜度可以頗高, 小路旁間中設有繩索輔助,…
7 月尾, 就喺第三波武肺到來而重展限聚令之前一日, 我同朋友們去左坪洲行下 ! 我們選了一個閒日出發, 果然可以避開了迫爆離島的人潮 … … 已被改造成藝術空間的坪洲牛皮廠, 其中一個入口就在永安街, 是個很有特色的景點, 值得一遊, 本文稍後會再作詳細介紹 ~ 來到坪洲, 很多遊記都會介紹祺森冰室的蝦多士, 不過事實上呢度的炒物及炸雞翼更出色呀 ! 當日, 我們半開玩笑說, 要趁著禁堂食前, 將所有要堂食少好吃的菜式都點上, 結果這一封就是接近兩個月了 ! 祺森冰室 Openrice Review : https://www.openrice.com/zh/hongkong/r-%E7%A5%BA%E6%A3%AE%E5%86%B0%E5%AE%A4-%E5%9D%AA%E6%B4%B2-%E6%B8%AF%E5%BC%8F-%E7%B2%89%E9%BA%B5-%E7%B1%B3%E7%B7%9A-r11123 坪洲街頭之風景, 有著南洋小島之風情 ~~ 坪洲的海傍大道, 休憇公園內的漂亮老榕樹及傳統仙姐廟 !…
以往中秋前後, 就是本地大藍水之日, 可惜呢日大藍水並不存在, 還真濁得有點模糊不清呢 ~~ 溍船直奔果洲, 在載浮載沉間我們跳下了水 … 第一潛直落 18m, 主力徘徊在 11m 左右, 水很和暖, 29 度的水溫, 這一潛玩了 59 分鐘. 雖然水質不怎麼好, 但仍然見到很多款魚類, 正 ! 由於水有點濁, 我的電筒又似乎叉不起電而光度有限, 因此要用上 Dive+ 來調一調色, 呢個 apps 真係好堅, 幾模糊的水底相, 佢都有能本事較番出色架喎 !! 無意的一下閃燈, 盡見水中微粒之密集 … 被燒焦了的火燒腰…
是日出潛, 係出海前吃了一頓悠閒午餐 …… 呢間 #2084 主打素食，我地一口氣點左幾款菜式齊齊 share，呢度個 Peking Tacos 好有驚喜，估唔到菇都可以煮得咁有趣 ! 主菜嘅 Burger 都幾唔錯的，但相中的 Rajasthani Sausage Curry 的味道更為出色呀 ! 真心推介 !! 2084 Openrice Review : https://www.openrice.com/en/hongkong/r-twenty-eighty-four-sai-kung-international-meatless-menu-r661968 我們的第一潛, 又一個很不一樣的潛點 : 癩痢背 ! 呢個潛點未落唔知有幾好, 落左就發現這個水下世界很有特色, 地勢高低起伏又多峽縫, 是個很有趣味的潛點 ! 這個潛玩了 57 mins, 最深也只到達 10.3 m, 平均係…
最近去得較多的山, 還得數上了香港島的柏架山 ! 原本好地地咁行緊日常路線, 點知拐多 2 個彎之後, 我們就在無乜人的叢林山道之中上山去, 在山頭之上的觀景台, 可以望到山下的耀東邨 … 開始上山, 目標設有雙雷達站的柏架山 ! 呢條不一樣的山道真係冇乜人行, 但風景真係唔錯, 係挑戰柏架山的難度較高路線 ~ 話說在陡峭的山路之上，我們截住被 Google 老點了、正想危險硬闖下山的一對父子. 天色漸黑之時, 小朋友開始兩腿冇力兼想抽筋, 還好意志力尚在, 在鼓勵下慢慢前進上山 … 當行到去有繩索出現的位置, 離山上出口其實不遠了, 留意最後呢段係特別陡斜的, 但都唔好太靠條繩喎 ~ 終點在望, 穿番出去就係上柏架山頂的石屎路 ! 在霧中遙望柏架山頂…
呢期天氣悶熱, 太陽又猛烈, 連行山都得改去黃昏時間, 所以都會近近地去左後山逛逛. 呢個後山本身都幾好行, 大部份路段都係舖設好的, 而且標示都幾清晰架 ~ 不過最正係可以好好練上落山, 全程 7 公里內皆是上下坡石級路, 加上人流唔算多, 行得到黎呢邊多數都係街坊黎 ! 如果唔夠的話仲要可以通埋去城門水塘嗰邊, 一邊就係相中見到的針山, 另一邊就係通去大帽山的草山, 令我地隨時可以加操 ! 某日閒來無事, 我地就趁著日落時份上埋草山, 欣賞左一個不錯的咸蛋黃 … 背景係城門水塘, 再加荃灣市區, 最勁係遠到港島都隱約可看到 ! 這天的日落加雲層, 構成優美的風景, 正對面就是大帽山上的天氣雷達站 ! 低越過雲層, 慢慢沉落下山的日落…
去到一尺石的現場, 海面釣船很多, 仲有正在拖膠魚的, 但最熱鬧的是在海面已可見的沙甸魚群, 魚兒們間中飛躍出水面, 我還是第一次兜口兜面俾沙甸魚摑的 ! 一尺石呢一潛其實係唔成功的, 玩左半支樽都冇就上番水, 水中迷濛一片, 亂流在發功中, 最多只係在落錨嗰舊石上繞了一圈, 就決定捉住錨繩做埋個 3 分鐘 5 米停留, 打個象拔順勢上番水面了 ! 呢一潛最深係 12m, 連埋嗰 3 分鐘都係潛左 23 mins, 水溫倒是和暖, 有 26 度水, 能見度嘛 ….. 3m 都叫俾多你呀 !! 一海半水都係沙甸魚 ! …