送別了朋友, 一個人繼續上路 ! 再度開始一人之旅的我, 有點失落卻又有點興奮, 還有點可惜, 我地難得一同出門 (相識 16 年, 卻只一同去了 3 次旅行 ! 鴨鴨, 你係咪要檢討下 ~), 卻玩到一半就要離隊, 要知道後半部尚有不少精彩活動及行程嘛 !! 話雖如此, 我都慣了一個人四處走, 開著車就轉上 Highway, 今日要走的車程比較長, 由 Queenstown 到 Franz Josef 要走 350 km, 大約 4 個半小時, 幸好預了充足的時間, 可以讓我邊停邊玩! 離開 Queenstown 不久, 過了 Arrow…
睡了非常舒適的一覺, 醒來時已錯過了日出, 隨便梳洗一下, 廚房已經佈置了簡單的早餐, 奉行 self serve system, 沖了杯熱飲, 拿了碗 cereal, 之後再炕塊多士, 慢慢歎一下, 嘩 ! 有幾何可以係咁靚的環境下食早餐呀 ?! 當朋友們食多士之時, 威迫利誘佢地試一下 vegemite (AUS / NZ 的叫法, 英國叫 marmite ), 佢基本上係整啤酒的 by product, 如同榴槤一樣, 一係鍾意食, 一係就勁怕隻味, 而我基本上係算勁怕o個 group 的 ! 食過早餐後, 爭取享受最後一段回程的風景,…
黃昏, 重回到 Queenstown Town Centre, 唔好睇相中的陽光普照, 當時已經係下午六時多. 我地先回到 Rafting Info Centre 取回訂左的相片, 再跑到 Town 中閒逛一下, 順手到 Chemist 買定暈浪丸給朋友, 為打後 2 日的船程作定準備. 咦 ?! 呢 2 個外星人黎錯左地球, 要賣藝籌錢回家鄉呀 ?! 咁大個 Backpack, 連我朋友都可以裝得落喎 ~ 這一晚, 我地就要離開 Queenstown, 到 Te Anau 過夜…
下山後, 慢慢重回 Queenstown 方向, 駛到附近的 Kawarau Bungy Centre, 不過我地唔係去做笨豬, 而只係去睇人跳. (我乜都會玩, 但就係唔玩笨豬跳 !!) 跟據我以往的慣例, 就算我自己冇份玩, 睇人地玩都會照樣叫埋一份的, 結果咪又係我企o係 Platform, 乜鬼人跳落去我都叫番一餐, 最後仲興奮到忍唔住要送阿 Pooh 上場添 …. (由於場面殘忍, 就唔放相片上啦 ~ 呵呵 !!) 唔講唔知, 呢條俾人用黎做笨豬跳 Platform 的橋, 建於 1880 年, 都真係好大年紀架啦, 真唔敢想像當初點會有人選條咁舊的橋黎玩笨豬架 !? 不過亦都因為此地乃笨豬跳發源地, 從此就成為…
Day 5 的朝早, 跑到 YHA 頂層的廚房, 煮番個簡簡單單的早餐, 好作為一天的開始. 嘩 !! 走到上黎先發現, 呢度竟然有個咁無敵靚景呀 !! 係咁的環境下, 呢個早餐真係食得太爽啦 ~ 走出 YHA 不久, 就見到山邊有一道 Full Rainbow, 山頂上就係 Skyline 纜車站, 不過呢一朝早, 我地行程目標係去玩 White Water Rafting ! 我地先走到大街的 Information Centre 登記, 順手俾埋尾數, 問明地址之後, 我地決定自己開車到 Rafting Station, 方便我地之後去其他地方玩嘛 ~ 睇左天氣預告, 呢日天氣麻麻, 加上早幾日落過雨, 令我對河水的水流有番咁上下期待, 話明激流, 唔激邊好玩架…
一路南下, 天色慢慢由灰轉藍, 傍晚時份, 終於到達 Queenstown. Queenstown 呢個小鎮, 位於風平浪靜的 Lake Wakatipu 旁, 被四周一排排的山脈包圍著, 開著車沿湖邊公路駛入 Town, 已經被沿途風景吸引著, 怪不得那麼多名人選呢度作為渡假地點, 紛紛在此建立 Resort, 連我都忍唔住要游說一下我旳朋友們, 參與我的投資計劃, 將來在此開一家 BnB & Cafe !! (都係o個句, 到時打番折俾你地啦 ~) 小鎮地方小小, 卻擠滿了遊客, 所謂的 Shopping Area 都不過由幾條小街組成, 想來遊客都志不在此, 倒是酒店, 餐廳數目卻多得嚇人, 果然是出名的旅遊勝地 !! Queenstown 確實是一個非常好的 base, 要直接到南島的南部, 基本上必要飛到…
(警句: 內有看後令人不安的照片, 要有心理準備 or 直接跳過這章) 說來神奇, 車剛駛離 Mt Cook, 轉上 Highway 那一刻, 已經完全停雨了 ! 不過厚雲仍在, 睇下遠處的山脈, 差不多被雲層吞噬了一半 ~ 繼續往南走, 目的地係 NZ 最出名的 Queenstown, 中途經過了一個 Salmon Farm, 跑入場無端多了個 free event, 一人拿了一包免費魚糧, 準備餵魚池內的巨型 Salmon, 佢地爭食魚糧時o個種瘋狂同激烈, 身為同鄉的我都不禁心諗 : "乜你地餓成咁呀 ?!". Farm 所賣的 Salmon 是整條計的, 價錢相宜, 如果唔係尚有幾小時車程, 加上並不打算到 Queenstown YHA…