漂泊中的魚

 

為大家送上遲來的聖誕快樂哦 ~~~

雖說聖誕就只放了這 3 天假期, 但我的又煮又食的日子, 已足足維持了接近一星期之久.

2015 年的下半年, 我真有點不知在忙著什麼的感覺, 結果除了尤如上了癮般的出門又出門, 下完海又間中上左山, 就這樣來到了 2015 的最後幾天 !

有感玩樂過頭的我, 似乎跟很多朋友都少了聯絡, 那就趁著聖誕佳節, 多約幾回上我家開餐吧 !!

*****

第一回, 係跟同事們吃海鮮塔的進化版 !

上回一次過的蒸煮了全部海鮮, 之後再煮時, 有朋友提出了一個改良方法 ~

今次沿用新手法, 一次蒸一盤, 一種海鮮一種配菜, 還會略為調味, 出來味道同效果都很不錯, 而且保證每一盤都夠熱辣辣呀 !

這個煮法真係幾好, 有興趣大家試一下 ~~

上回的海鮮塔分享 : http://traveling-fish.tixmart.org/2015/05/09/korean-seafood-tower/

 

上山下海組成立了一年有多, 其實毅行者已是去年的事, 結果愛玩的我們, 至今還在繼續的上山下海中 !

隊長要離港渡聖誕, 我們就預先準備聖誕大餐, 率先慶祝 ~

五餸一湯一甜品, 足夠 5 位朋友跟我分享 ! (相中少了 – 烤雞, 磨菇湯 及 Bread Pudding 配雪糕 !)

 

Christmas Eve 本來没打算大搞, 結果幾位好友都能夠來我家吃飯, 我當然又要做野啦 !

24 那天要上班, 還好可以提早少許回家, 加上食材我早已準備好, 只要煮一煮, 烤一烤, 便可以上菜了 ~

我喜歡邀請朋友上我家吃飯, 不用外出人迫人, 不用被趕交枱, 還不用被人獅子開大口, 最重要是小朋友們可以亂爬亂走  … …

 

甜品 Chocolate Mousse 要早一晚準備好, 不過似乎太大杯了, 下回 portion size 要減一下.

真唔明白班朋友點可以食得清架 ~

 

Christmas Day, 朋友人數再增, 食物份量自然要再加啦 !

今回有新口味試驗出來 !

首先這個沙律汁, 用了澳洲芒果打成茸, 加橙汁, 加少許 apple vinegar, 再用 salt & pepper 調味 … 呢個口味都真係幾清新架 ~

豬仔骨呢, 我就用左 apple vingear 加 ketchup, mustard, ginger, garlic, soy sauce & honey 醃大半天,  再邊慢烤邊掃醃料, 咁就保證入味啦 !

 

 

 

 

這個麵包蟹是急凍的, 買回來清洗過後, 再蒸熱.

唔錯喎, 都幾爆羔, 算是回了我久朋友好幾年的債 !

(詳情, 請參考我的蘇格蘭之旅)

 

其實 Boxing Day 都係朋友們相聚的日子, 今回這班朋友當中, 有幾位差不多大半年没見面了, 很高興他們再上來我家吃晚飯.

每年聖誕節, 我似乎都有個習慣, 會訂這個雪糕朱古力火鍋作甜品.

今年也没有例外,  不過 … …其質素似乎越來越 … … 還好大家開心最緊要 !

 

今年, 我花了小小心機, 將我於旅行時買回來的咖啡豆, 包上一層層朱古力, 再送給朋友們作聖誕禮物 !

咖啡豆小小的, 我真係人手一粒粒用筷子夾出來, 先等朱古力凝固後, 再 coated 多一層朱古力.

小小心意, 希望各位朋友喜歡啦 ~

再一回, 希望大家都過了很開心的聖誕 !!