本 weekend 又來到一年一度 WWF 的步走大自然, 今回主題就係 “跟住雀仔去旅行”, 而作為第三次參加呢個活動, 我覺得米埔係一個可以令人感到舒服的地方, 亦係好值得保留的一個地方 !
上兩回的網誌分享 :
HK : 2017 步走大自然 @ 米埔
HK : 2015 步走大自然 @ 米埔 + 大埔遊
步走大自然 Webpage : https://www.wwf.org.hk/your_support/join_our_events/walkfornature/
不同的年份, 不同的天氣, 不一樣米埔 …
不得不讚賞一下, 主辦單位對這個活動真的很用心, 去年說的是環保與保育, 今年則換上雀鳥的資訊, 為的就是想大家注重一下生態與環境保育的重要 ~
不過, 我還是有小小建議要提出, 話說本年的義工團隊似乎很多人都是說國語的, 而單從外表我是不能分別說國語與說廣東話的朋友, 因此我們向義工們作詢問之時, 必然是先說廣東話的. 我試過好幾回義工似乎聽不明白, 只是不理會我們, 卻又不說明他們是說國語 / 英語, 咁我就真係覺得唔係幾有禮貎咁囉 … …
天色帶點灰暗, 卻另有一番味道, 也給我們找到了米埔的天空之鏡喎 ~
我好鍾意呢份小小記念品, 木制小匙牌 …
呢個荷花池同木橋, 仍然係我最鍾意的攝影場地 ~
身處蘆葦海中的我們 … 全靠這木橋 !
行下行下, 咁我地就去到了基圍了 !
相三中的那種雀鳥, 大家有見過嘛 ? 會相信 HK 也可以看到這麼有型的雀鳥嘛 ?!
今年成功報了浮橋活動, 可以進入禁區內走過浮橋, 還可以安坐在那座鳥屋中觀鳥 ~
話時話呢, 我用望遠鏡觀察一下泥地上的彈塗魚, 望落去第一眼見到成地一條條係度扭黎扭去的魚, 當下真係突然有點密集恐懼症, 毛管戙一戙呀 !!
今回觀鳥, 看到我最鍾意的二種雀仔之中的 Kingfisher, 今次出場的係白胸翡翠, 而佢真係好鬼靚仔架 !!!!
當回到起點, 我地仲有得排隊換禮物, 之後再去大埔街市食午飯, 呢個早上真係過得非常充實呀 !!
Grab & Go 呢個 WWF HK 版都幾靚架, 有諗過想買, 但屋企已有兩個啦, 唔可以亂買浪費, 咁唯有影左佢就算囉 …
