來到 #台北 旅程的最後一天, 食完個早餐, 就搵左朋友帶我去 #北投 的 #硫磺谷地熱景觀區 !
泊低咗架車, 行幾步就已經到咗欣賞硫磺谷的最佳位置, 呢度的景觀夠晒開揚廣濶, 第一次見識到北投溫泉的源頭呀 ~
只要順著 #硫磺谷步道 前行, 會欣賞到多個冒著白煙的溫泉露頭, 而且空氣充斥著明顯的硫磺味, 聞一聞都知自己身處溫泉區哦 ~
來到硫磺谷步道的盡頭, 過對面馬路已經係龍鳳谷遊客服務中心, 停車場區內散落著零星幾棵仍開著花的櫻花樹 …
望望地圖, 再穿過行義路, 就會遠眺到 #龍鳳谷地熱景觀區 …
沿著馬路往山谷中走去, 就會來到 #龍鳳谷地熱景觀眺望台, 而且近距離咁見到溫泉露頭 以及 顏色顯現的硫氣孔, 洞口佈滿著黃色硫黃結晶 ~
沿龍鳳谷步道漫行, 沿河道上山直到經過了健褔宮, 可以見到更多溫泉露頭, 而且硫氣孔更為密集, 硫磺氣息更為濃重, 而且呢區真係好似暖 d 咁架喎 …
大家行經時要小心點, 切勿太過靠近硫氣孔, 因為真係會突然會噴出大量熱氣, 若溫度太高就有機會燙傷架啦 ~
回程可以跟番泉源路, 再轉向行義路旁的情人瀑布, 都叫做多個景點欣賞下丫 ~
最後可以沿 硫磺谷環狀步道 慢慢走回硫磺區停車場 …
午餐時間, 我就想到了久違的台灣農家菜, 朋友就順道開車上咗陽明山竹子湖啦 ~
隨意找了一家野菜餐廳, 一口氣可以食番餐白斬雞、炒山蘇、炸地瓜 & 麻油麵線 !
堅滿足哦 ~
竹子湖之名物 – 準備開始盛放的海芋 !
陽明山下山時遇到, 遠眺台北的城市風景 … …
多得朋友直送我去機場, 順利結束一連五天的避年之旅 ~~
